Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 23

Aval avé bia tili a kôñelane bekalate bangan?

Aval avé bia tili a kôñelane bekalate bangan?

Vôme ba tili bekalate, si Amerka

Corée du Sud

Arménie

Burundi

Sri Lanka

Bia kuli minsoé mi kalate minkobô bebé 750 amu bia yi na, bôte ya ‘meyoñ mese’ a ‘minkobô mise’, be wô’ô “mbamba foé.” (Nlitan 14:6) Aval avé bia kui na bi bo ngul ésaé éte? Bi bili nsamba bôte wo tili bekalate, a wu wo kôñelane be. Bôte bete ba ve bebiene ngumba ngumba; bese be ne Bengaa be Yéhôva.

Kalate ase a tate kui nkobô Énglis. E New York, Tin Ékôane ja nyoñe nlô ya ésaé ntilane bekalate. Bebiene ba ta’a ésaé ntilane ja bobane New York a menda bisaé mefe. Nge bekalate bangane ba kobô mame ma fombô mefulu ya mesi mese, a ne amu bôte ba tili be ba so meyoñe mese.

Ba lôme kalate ate e be bôte ba kôñelan. Nge ntilan ô mané, be lôme wô e be bekôñelane bekalate. Be’e ke ba taté mane lañ asu na be kôñelane mame mete a bifia “ya benya mejôô,” nkobô wop.Ecclesiaste 12:10.

Be ordinateur ba bo na ésaé é wulu avôl. Ordinateur a vo’o ke tyendé bôte ba tili nge ba ba kôñelan. Ve ba volô na ésaé jap é wulu avôl. Bengaa be Yéhôva be nga kôme jôme ba loone na MEPS (Système électronique d’édition multilingue). A volô be na be kuli bekalate tañe minkobô mintet éyoñ jia.

Amu jé bia kuli bekalate, to’o minkobô bôte ba kobô ki abui? Kalate Zambe a jô na nkômbane Yéhôva ô ne na, “bôte bese be nyiñ a be zu yeme benya mejôô.”1 Timothée 2:3, 4.

  • Aval avé bekalate bangane ba tiliban?

  • Amu jé bia kôñelane bekalate abim abui minkobô mite?