Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 9

Aval avé bi ne tu’a kômesane bisulane?

Aval avé bi ne tu’a kômesane bisulane?

Cambodge

Ukraine

Nge wo yé’é Bible a mone Bengaa, nalé a tinane na ô nga yeme kômesan ayé’é. Bisulane bi aye bo wo mfi nge ô kômesane bie avale wo kômesan ayé’é dôé. Bo’o ô kômesane bisulan.

Éyoñe bia tobe mbamba vôm a mbamba éyoñ. Nlem ô bôô wo si éyoñ évé? Ye ndibe tyé, ye éyoñe wo taté bisaé? Ye mame ngô’é éyoñe bongô be keya bômbô si? Te kañese na jôm éziñ é ndeñele wo. Jeñe vôm a ne évôvoé, teke biduñ. Dime radio, télé a téléfôn. Nge ô tate ye’elan, w’aye vuane minju’u miôé a futi nleme wôé ôse mame wo yé’é.Bephilipien 4:6, 7.

Éyoñe bia kômesane biyalan. Taté’é fombô nlô éfia a fas aval avé bone minlô mejô mia su’u wô. Te vuane bive’ela’a a minsili ya afebe si. Nalé a ye volô wo na ô tu’a yeme jé ébiene ba kômbô wo ye’ele. Lañe ngum abeñ. Jeñe biyalane ya minsili. Lañe bifuse ya Kalate Zambe. Fasek aval avé bifuse bite bi ayemete nlô ajô wo yé’é. (Mam minlôman 17:11) Ane wo yen éyalane ya nsili éziñ, futi’i mone ndem asu na ô simesane je. Nge ô kômbô yalane nsili ésulan, bete’e wo.

Nge ô ba’ale fulu ya kômesane bisulane bise, ñyemane wôé w’aye nen.Matthieu 13:51, 52.

  • Mam mevé wo yiane bo éyoñ ése wo kômesane bisulan?

  • Aval avé ô ne kômesan éyalane ya nsili?

NGE WO KOMBÔ YEM ABUI MAM

BISULAN

Jé j’abobane bisulane biangan?

Jeñe na ô yem avale bia kañe Zambe.