Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 2

Amu jé bia lobane na Bengaa be Yéhôva?

Amu jé bia lobane na Bengaa be Yéhôva?

Noé

Abraham ba Sara

Môze

Yésus Krist

Abui bôte da buni na Bengaa be Yéhôva be ne mfefé ñyebe. Ve jame da, melu mvus, Zambe émien a nga loone bebo bisaé bé na “bengaa” bé. (Ésaie 43:10-12) Bi nga taté loobane na Beyé’é Kalate Zambe. Ve mbu 1931, bi nga nyoñ éyôlé Bengaa be Yéhôva. Amu jé bi nga tyendé éyôlé?

Eyôlé te ja liti za a ne Zambe wongan. Éyoñe be nga tili Kalate Zambe, éyôlé Zambe, Yéhôva, é mbe été biyoñe bebé 7 000. Minkôñelane mi Kalate Zambe miziñe mi nga vaa éyôlé Yéhôva a futi biyôlé mese’esa aval ane Zambe, nge ke Nti. Zambe émiene ki a nga kate Môze éyôlé jé, Yéhôva, a jô nye na: “Jôé dam nde di nnôm éto.” (Nkôlan 3:15) Yéhôva a nga liti nsela’ane a ne zañe jé a bezambe befe. E be’e éyôlé Yéhôva, ngo’o avale mbamba jam!

Eyôlé te ja liti ésaé bia bo. E bôt abui ya melu mvus be nga buni a kañe Yéhôva, be nga loobane na Bengaa. Ataté be zôsôa môt Abel, bi ne lañe Noé, Abraham, Sara, Môze, David. Kalate Zambe a loone bôte bete bese na “abui bengaa.” (Behébreu 11:4–12:1) Aval ane ngaa a kamane môte nda mejô, avale te fe bia ve ngul ése na bôte be yeme benya mejôô mfa’a Zambe wongan.

Bia vu Yésus. Kalate Zambe émien a loone nye na “nya ngaa.” (Nlitan 3:14, Mfefé Nkôñelan) Yésus émien a nga jô na ‘a nga liti jôé Zambe’ a ‘kañete bôte benya mejôô’ mfa’a Zambe. (Jean 17:26; 18:37) Benya Bekristene ba yiane be’e éyôlé Yéhôva a bo na bôte be yeme je. Bengaa be Yéhôva ba ve ngule ya bo jam ete.

  • Amu jé Beyé’é Kalate Zambe be nga nyoñ éyôlé Bengaa be Yéhôva?

  • Yéhôva a nga taté na a bi Bengaa si va éyoñ évé?

  • Za a ne Ngaa a dañe Bengaa bese?