Kele vôm ô ne lañe de

Kele sous-menu

Kele tep

Bengaa be Yéhôva

Bulu

Beza ba bo nkômbane Yéhôva den?

 ÑYE’ELANE 25

Amu jé a aval avé bia lôñe meba m’Éjôé?

Amu jé a aval avé bia lôñe meba m’Éjôé?

Bolivie

Nigéria, nnôm, mfefé

Tahiti

Aval éyôlé te ja liti, Aba Éjôé é ne vôme bia nyoñe miñye’elane mi tii a Éjôé Zambe. Ejôé Zambe é ne nlô éfia ya nkañete Yésus a nga bo.Luc 8:1.

Vôme ba ve Yéhôva nya ékaña’a. Bengaa be Yéhôva be wô’ô tôban Aba Éjôé na ba bo ékôan asu nkañete. (Matthieu 24:14) Meba m’Éjôé me nji bo menda minyéné. Me se ke abime nge avale da. Abui mekônda é ne belan Aba Éjôé da. Avale mekônda ma nen, avale te fe bia lôñe Meba m’Éjôé. Den, bi lôñeya Meba m’Éjôé toyini mewôm (metane môs ôse). Ngul éte ja so bia vé?Matthieu 19:26.

Ma lôñeban a mimveane mia so nkobe wua. Ba lôme mimveane mite wofis wongan. Wofis ôte wo belane moné ate na be lôñe Meba m’Éjôé, nge kôme ma me ne ndaman.

Bengaa bebiene ba lôñe Meba m’Éjôé map. Abui mesi, bobejañe ba lôñe Meba m’Éjôé be ne nta’an. Ba ke vôm ase be ne lôme be, to’o vôm a ne ôyap. Ba volô bobenyañe bap asu na be’e fe be bi Meba m’Éjôé. Bevôme befe, Bengaa béziñ ba bo na Meba m’Éjôé me lôñeban. Akusa bo Bengaa ba yeme mame melôñ ba volô, e ba ya vôm Aba Éjôé da lôñebane mbe ba dañe saé. Nsisim Zambe wo volô na ésaé te é boban.Besam 127:1; Becolossien 3:23.

  • Amu jé bia loone vôme bia kañe Yéhôva na Aba Éjôé?

  • Aval avé bia kui na bi lôñe Meba m’Éjôé mesi mese?

NGE WO KOMBÔ YEM ABUI MAM

BISULAN

Jé j’aboban Aba Éjôé été?

Womiene nyi’ine été ô yen a mis.

BEZA BA BO NKÔMBANE YÉHÔVA DEN?

Bisulane biangane bia ye’ele bia mame mevé?

Ye ô tameya fo’o sili womiene jam ébien ja bobane bisulane biangan? Womiene wo ye semé avale ñye’elane wo ye bi été.