Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ye’ele bone bôé

 ÑYE’ELANE 12

Monekale Paul a mbe ñyôyok

Monekale Paul a mbe ñyôyok

Bi tame zu kobô ajô ndôman é nga nyii évuvumane jé. Évuvumane jé te é mbe nlômane Paul, monyañe nyia nge monyañ ésa. Bia yeme ki éyôlé mone ndôman ate, ve jame bia yem é ne na, a mbe ñyôyok. Ye wo yi na bi kobô ajô dé?

A nga bo na, Paul a too nda mimbôk e Jérusalem, amu a mbe a kañete mam ma fombô Yésus. Mbia be bôte béziñ be mbe be vini nye, nde be nga kaa na ba bôndé fek na ba wôé nye. Be nga jô na: ‘Bia zu sili évete bezimbi na, a kate bezimbi na be zu Paul aba mejô. Bii ke nye yabe e njoñ, éyoñe te nje, nane bii yene nye, bii wôé nye!’

Monekale Paul a nga kate Paul a évete bezimbi na ba kômbô wôé

Ve monekale Paul a nga wô’ô ajô te. Nde a nga bo aya? Ane a nga nyiine nda mimbôk a ke kate Paul. Nde Paul a nga jô nye na a ja’a ke kat évete bezimbi jôme bejuif ba te tiñeti. Ye wo buni na jamete é mbe tyi’ibi asu monekale Paul na a ke kobô a évete bezimbi?— Teké’é, amu évete bezimbi é mbe môte ba semé. Ve monekale Paul a mbe ñyôyok, nde a nga ke kobô a évete bezimbi.

Évete bezimbi é mbe é yeme jôm a yiane bo. Nde a nga kômesan bezimbi bebé 500 na be ba’ale Paul. A nga kate be na be ke Paul e Césarée alu te ébien. Ye jamete é nga volô na te ba wôé Paul?— Ôwé, mbia be bôte bete be nji kui na ba wôé nye. Éso’o jap é nga jaa ntuk.

Jé ô ne yé’é nlañe wu?— Wo fe ô ne bo ñyôyok ane monekale Paul. Bia fe bia yiane bo ayok éyoñe bia kate bôte bevok mam ma lat a Yéhôva. Ye wo ye fo’o bo ñyôyok a ke ôsu a kobô mame ma lat a Yéhôva?— Nge wo bo nalé, yeme na, ô ne nyii môt éziñ.

LAÑE BIFUSE BI

  • Mam minlôman 23:12-24

  • Matthieu 24:14; 28:18-20

  • 1 Timothée 4:16