Kele vôm ô ne lañe de

Kele sous-menu

Kele tep

Bengaa be Yéhôva

Bulu

Ye’ele bone bôé

 ÑYE’ELANE 11

Be nga tili mame ya ényiñe Yésus

Be nga tili mame ya ényiñe Yésus

Ye ô lôô bôte be ne fôtô le?— Be ne valé na: Matthieu, Marc, Luc, Jean, Pierre, Jacques, Jude, a Paul. Bôte bete bese be nga nyiñe melu me Yésus, a tili mame ya ényiñe jé e Kalate Zambe. Bi tame fas ajô dap.

Jé wo yem é lat a bôte ba?

Bôte belale ya été be mbe minlôman mi nga bo ésaé nkañete a Yésus. Ye wo yeme be?— Matthieu, Jean, a Pierre. Matthieu ba Jean be mbe be kôme yeme Yésus, a môt ase ya be be a nga tili kalate wua ya éyiñe  Yésus. Jean nnye a nga tili fe kalate ba loone na Nlitan a bekalate befe belal: Jean Ôsu, Jean Baa, a Jean Lale. Pierre a nga tili bekalate bebaé e Kalate Zambe. Ba loone be na Pierre Ôsu a Pierre Baa. E kalate baa a nga tili, Pierre a nga laane nlañe ya môse Yéhôva a nga kobô e yôp été, a jô’ô Yésus na: ‘Mone wome le. Ma nye’e nye, a ma wô’ô nye mvaé.’

Bôte bevo’o ya fôtô nyi ba ye’ele fe bia mame ya ényiñe Yésus e bekalate be nga tili. Wua ya été a ne Marc. A mbe a yiane bo valé éyoñe be nga bi Yésus, a nga yiane fe yene mame mese me nga bobane môs ôte. Wôna, nyô mbok a ne Luc. A mbe dokita, éko éziñ a nga bo nyé’é Yésus mvus awu dé.

Ba bebaé bevo’o ô lôô le, be mbe bobenyañe be Yésus be nga bialé mvuse jé. Ye wo yeme biyôlé biap?— Be ne môé na Jacques a Jude. Be nji tate be be buni Yésus. Be mbe be nyoñe nye ane môt a so’o étyi. Ve be nga su’ulane buni nye a bo Bekristen.

Ntili Kalate Zambe bia su’ulane yen e fôtô nyi a ne Paul. Ôsusua na a bo Kristen a mbe jôé na Saul. A mbe a vini bekristen évini awu. Nde, ye wo yeme jam é nga bo na Paul a kômbô bo Kristen?— A nga bo na, môs éziñ, Paul a kele dulu, atemeteme na a nga wô’ô tyiñe môt é so’o yôp é kobô’ô nye. Tyiñe te é mbe nyi Yésus. Ane Yésus a nga sili Paul na : ‘Amu jé wo feme bôte ba nye’e ma abime mfemane ji?’ Mvuse ya valé, Paul a nga tyendé, a bo Kristen. Paul a nga tili bekalate 14 e Kalate Zambe, a taté kalate Beromain akekui kalate Behébreu.

Nga bi wô’ô lañe Kalate Zambe môs ôse?— Nlañane Kalate Zambe, wé volô bia na bi yé’é abui mam ma fombô Yésus. Ye wo kômbô yé’é mam mefe ma fombô Yésus?—