Kele vôm ô ne lañe de

Kele sous-menu

Kele tep

Bengaa be Yéhôva

Bulu

“Mi ba’alane miabebien nye’ane Zambe été”

 APPENDICE

Mejô ma fombô mam me moné

Mejô ma fombô mam me moné

E kalate 1 Becorinthien 6:1-8, nlômane Paul wo kobô ajô bitom bi ne kui zañe bobenyañe ya nsisim. A kame na, Bekristen béziñ be mbe “te ko wôñ ya ke” kobô mejô map “vôm be atyi’i mejô be bôt be ne ékotekot.” (Éfus 1) Paul a nga liti amu jé Bekristen be nji yiane ke kobô mejô map e menda mejô ya émo, a liti fe amu jé ba yiane kôme me akônda été. Bia zu yen miñye’elane ya Kalate Zambe mia su’u beamu bete, bia zu fe yene na miñye’elane mite mi nji fombô avale mejô ése.

Nge bi bili ajô da fombô mam me moné a mojañ éziñ, bia yiane jeñe na bi kôme de avale Yéhôva a yi, sa ke avale bia simesane na e ne mvo’é. (Minkana 14:12) Yésus a nga jô na e ne mvo’é na bi ji’a kôme mejô, ôsusua na me ke ôyap. (Matthieu 5:23-26) Ve étua jam é ne na, Bekristen béziñ ba bele kui ajô éziñ aba mejô, amu ba nye’e zô’é. Paul a nga jô na: “[E ne ndem atek éyoñ] mi ake ba bevo’o vôme be atyi’i mejô.” Amu jé a jô nalé? Amu mboon ôte wo ndaman mbamba éyôlé ya akônda, wo ve fe jôé Yéhôva mvit. Ajô te, bia yiane kôme fas nsili Paul wu: “Amu jé e ne te dañ mvaé na mi nyoñebane biôm mbia nyoñan?”​—Éfus 7.

Paul a nga jô fe be na, Zambe a nga telé mingum mi bôt akônda na mi kôme mejô. Mbôle bemvendé ba kôme yem Kalate Zambe, be bili fe’e ja sili na be kôme mejô; jôm ete nje Paul a nga jô na be ne “ngule ya tyi’i mame ya zañe bobeyañ.” (Éfus 3-5) Yésus a nga liti na, éyoñ ajô é dañeya ngul, ane bibôta nge ke mvôl, Kristen ja yiane bo mam melal asu na é kôme de: jam osu, ja yiane ke yene môte ba nye be bili ajô ba nye bebaé; jame baa, nge môt ate a teke wô’ô nye, a yiane beta ke a môte wua nge ke a bôte bebaé befe; jame lale, nge a ke  ôsu a ngan, a yiane kee ajô te be bemvendé.​—Matthieu 18:15-17.

E ne été na, bemvendé be nji bo betyi’i mejô, nge ke bebo makit; ba jeñ ve na be kôm ajô. Be nji bi ngule ya tyi’i na, môt a te bo mvôl a yiane bo ane ôsi ane ôka asu na a bulan éza moné. Ve ba yiane volô bese bebaane na, be tôñe melebe ya Kalate Zambe, a na, be kôm ajô dap évôvoé été. Éyoñ ajô é dañeya ayaé, be ne yene njome mekônda, nge bobejañe ya wofise Bengaa be Yéhôva. Ve, miñye’elane mite mi nji fombô avale mejô ése. Ane avale mejo avé?

E ne kui na Bekristen be ke aba mejô ja’a be nji bi nkômbane ya bo zô’é, amu nde éjôé ja sili na be bo nalé. Ane éyoñe ba yi kalate ntyaman aluk, nge na éjôé é ve be ngule ya ba’ale bone bap, na é tyik abime moné nnôm a yiane ve ngon ése asu na minga a toñe bon, asu na assurance a sôé be moné amu ba te bi nju’u éziñ, nge na bañ éziñ é ve be moné a bili be, nge ke na éjôé é sane be testament. E ne fe kui na Kristen é wô’ôtane na, ja yiane kee ajô éziñ aba mejô na é kaman ényiñe jé. *

Nge Kristen ja bo avale somane te é nji nye’e mejô, be vo’o jô na ja bo melebe me Paul ébiasé. * Ve Bekristen ba yiane yeme na, ba yiane dañe jeñe na éyôlé Yéhôva é bo te vebane mvit, a na, mvo’é a élate ya akônda bi bo te ndaman. Ba yeme beyé’é be Yésus ane bôte ba nye’esan; bia yeme ki na “nye’an . . . ô ne te jeñe mam mé.”​—1 Becorinthien 13:4, 5; Jean 13:34, 35.

^ É.N. 2 E nji bo tyi’ibi na be wô’ô na, Kristen ja bo nyi mbok jam é ne angôndô, aval ane e bômbô nye a ngul, e yite nye mbia ébôm, e wôé nye, nge ke wube nye mbia ñwuban. Kristen é tele aval été éte é nji tyam atiñe Zambe nge ja kee ajô te éjôé, ja’a jam ete da ye bo na be ke aba mejô, a na nyi mbok a ke mimbôk.

^ É.N. 3 Nge wo kômbô yeme mam mefe, ô ne lañe Nkume mmombô a bete ya mbu 1997, Ngone lale é too melu 15, afep 17-22, a nyi ya mbu 1991, Ngon awômô é too melu 15, afep 25-28.