Kele vôm ô ne lañe de

Kele sous-menu

Kele tep

Bengaa be Yéhôva

Bulu

“Mi ba’alane miabebien nye’ane Zambe été”

Kalate Tin Ékôan

Kalate Tin Ékôan

A mia bôte Yéhôva a nye’e,

Yésus a nga jô na: “Mi aye yeme benya mejôô, a benya mejôô me aye bo mia beti.” (Jean 8:32) Nga mejô mete ma ve ngule nyul? Ôwé, akusa bo minsos mi maneya jaé émo amu bia nyiñ melu ya asu’ulan, bi ne ngule ya yeme benya mejôô. (2 Timothée 3:1) Ye ô ngenan ô simesa’ane éyoñ ôsu a nga wô’ô benya mejôô ya Kalate Zambe? Ô nga yiane wô’ô abui mevak; sa nalé?

Ve, é nji sili ve na, bi yem benya mejôô a na bi kañete bôte bevok, jam da beta sili e ne na, ntaban wongan ô lu’an a benya mejôô bete. Jôm ete nje bia yiane ba’ale biabebien nye’ane Zambe été. Nalé a tinan aya? Alu a nga kandane lôt a beyé’é bé ôsusua na a wu, Yésus a nga ve éyalan ya nsili ôte a jô’ô na: “Nge mia ba’ale metiñ mam, mia ye tabe nye’ane wom été, aval ane mamien me nga ba’ale metiñe m’Ésaa wom, a me too e nye’ane wé été.”​—Jean 15:10, Mfefé nkôñelan.

Bia yene valé na Yésus a nga ba’ale émien nye’ane Zambe été amu a nga ba’ale metiñe m’Ésaa wé. Bia fe bia yiane bo ve avale da. Mfa’a ya na bi ba’ale biabebien nye’ane Zambe été, bia yiane tôñe metiñe mé ényiñe jangane ya môs ôse. Alu te dada, Yésus a nga jô fe na: “Nge mi ayeme mam ma, ébotan a mia nge mi abo me.”​—Jean 13:17.

Ngo’o nge kalate nyi a volô wo na ô ke ôsu a tôñe metiñe me Yéhôva, mfa’a ya ba’ale womien “nye’ane Zambe été . . . akekui ényiñ ya melu mese.”​—Jude 21.

Tin Ékôan Bengaa be Yéhôva