Kele vôm ô ne lañe de

Kele sous-menu

Kele tep

Bengaa be Yéhôva

Bulu

Mbamba mefoé m’aso be Zambe!

 AYÉ’É 1

Mbamba mefoé mevé bi bili?

Mbamba mefoé mevé bi bili?

1. Mbamba mefoé mevé m’aso be Zambe?

Zambe a yi na, bôte be nyiñe mevak été e si va. A nga té si a biôme bise bi ne été, amu a nye’e môt a binam. Ana’ana, Zambe aye ve bôte bese ya si, mbamba ényiñe melu ma zu. Aye mane va minjuk mise mia deñele môt a binam.Lañe Jérémie 29:11.

Teke éjôé éziñ é kuiya na, é va njet, akon, nge awu. Mbamba foé a ne na, Zambe a zu tyendé bijôé bi bôt, a éñjé. Bôte b’aye tabe Éjôé jé si, b’aye nyiñe ne mieññ a mvo’é.Lañe Ésaïe 25:8; 33:24; Daniel 2:44.

2. Amu jé mbamba mefoé me ne avôl avô?

Minjuk mi aye man éyoñe Zambe aye mane vose mbia be bôte be ne si, ane a vose mbuan. (Sophonie 2:3) Jame te d’aye bobane éyoñ évé? Mbia biyoñe bia tya’a bôte minleme den, bi ne nkulan ajô ya Kalate Zambe. Mam mete mese ma liti na, môs ayaa Zambe ô ntoo bebé.Lañe 2 Timothée 3:1-5.

3. Jé bia yiane bo?

Bia yiane yé’é yeme Zambe a zene ya mejô mé, Kalate ­Zambe. Kalate ate a funane kalate aso b’ésaa a nye’e mone wé. A kate bia aval avé bi ne nyiñe meva’a été éyoñe ji, a aval avé bi ne bo asu na melu m’azu, bi bi ényiñ ya nnôm éto, e si va. É ne kui na, bôte b’éziñe be vini mvolane ba volô wo na ô tu’a wôk Kalate Zambe. Ve Ényiñe ya nnôm éto Zambe a ka’a bia é ne angôndô ya beta édima jam, nde ñhe te sube je.Lañe Minkana 29:25; Nlitan 14:6, 7.