Kele vôm ô ne lañe de

Kele sous-menu

Kele tep

Bengaa be Yéhôva

Bulu

Mbamba mefoé m’aso be Zambe!

 AYÉ’É 15

Amu jé wo yiane ke ôsu?

Amu jé wo yiane ke ôsu?

1. Bibotane bivé wo ye bi nge wo ke ôsu a yé’é Kalate Zambe?

Bia buni na, miñye’elane ya Kalate Zambe mi ne nsoé kalate wu, mia te volô wo na ô tu’a nye’e Yéhôva. Wo yiane ke ôsu a yemete nye’ane te. (1 Pierre 2:2) Ndi nlem ô bili mfa’a ya ényiñe ya nnôm éto é tii a nkeane wo ke ôsu a subu Zambe bebé, a ñyé’ane wo yé’é mejô me Zambe.Lañe Jean 17:3; Jude 21.

Abime ñyemane wo yeme Yéhôva wo ye nen, abime te fe mbunane wôé wo ye bo ngul abui. Mbunane wo ye volô wo na, ô ve Zambe nleme mevak. (Behébreu 11:1, 6) Mbunane te, wo ye tindi wo na ô kôñelane nlem. Wo ye fe bo na, ô tyendé fatan ényiñe jôé asu mfi wôé.Lañe Mam minlôman 3:19.

2. Ô ne bo aya na, bôte befe be bi mfi ya ñyemane wo yeme Zambe?

Ô ne ngule ya bi angôndô ya abeñ élat a Yéhôva

D’aye kui na, wo ye kômbô kate bôte bevok mam ô nga yé’é. Bia bese bia nye’e bi kañete mbamba mefoé. Éyoñe wo ye ke ôsu a yé’é Kalate Zambe, wo ye fe yé’é aval avé ô ne belane nye. Wo ye bo ngule ya kate bôte bevok mbamba mefoé, a timine mbunan ô bili be Yéhôva.Lañe Beromain 10:13-15.

Abui bôte da taté na ba kañete bemvôé bap mbamba foé a nda bôte jap. Bo’o de a évôvoé nlem. É nji bo mfi na ô kate be na, ñyebe wop ô ne abé; kate be mam Zambe a ka’a bia. Ô ba’ale fe na, mimboone miôé mi ne mfi alôté mam wo jô.Lañe 2 Timothée 2:24, 25.

3. Aval élat avé é ne bo zañe mia Zambe?

Nge wo ke ôsu a yé’é Kalate Zambe, wo ye yaé nsisim. Aval éyoñe j’aye lôte,  wo ye bi angôndô ya abeñ élat a Zambe. Éyôñe ji, ô ne bo môte wé a môte ya nda bôte jé.Lañe 2 Becorinthien 6:18.

4. Aval avé ô ne ke ôsu a yaé nsisim?

Wo ye yaé nsisim nge wo ke ôsu a yé’é mejô me Zambe. (Behébreu 5:13, 14) Sili’i mone Bengaa wua na, a zu yé’é a wo, a Kalate ba loene na Jé Kalate Zambe a ne ye’ele bia? Abime wo ye yé’é mejô me Zambe, abime te fe ényiñe jôé j’aye bo mvoé.Lañe Besam 1:1-3; 73:27, 28.

Kalate Zambe a bili ‘étôto’o mbamba foé ya Zambe ya mevak.’ (1 Timothée 1:11, MN) Ô ne tu’a subu Zambe bebé, nge wo ke ôsu a subu bôte bé bebé. (Behébreu 10:24, 25) Nge wo ke ôsu a ve ngule na, ô ve Zambe nleme mvaé, wo ye bi nya ényiñ: ényiñe ya nnôm éto. Nya jame wo yiane bo a ne na, ô subu Zambe bebé.Lañe 1 Timothée 6:19.

 

NGE WO KOMBÔ YEM ABUI MAM

BISULAN

Jé j’aboban Aba Éjôé été?

Womiene nyi’ine été ô yen a mis.

NTA’ANE Y’AYÉ’É KALATE ZAMBE

Amu jé bia yiane yé’é Kalate Zambe?

Kalate Zambe a ve bemilion be bôt ya si se biyalane ya beta minsili ya ényiñe. Ye wo fe wo kômbô bo môte wua ya été?

Jé Kalate Zambe a tu’a ye’ele?

Subu’u Zambe bebé meye’elan été

Ye Zambe a vô’ôlô wo éyoñe wo ye’elane nye? Asu na bi yalane nsili te, wo yiane taté yeme jôme Kalate Zambe ajô mfa’a ya meye’elan.