Kele vôm ô ne lañe de

Kele sous-menu

Kele tep

Bengaa be Yéhôva

Bulu

Mbamba mefoé m’aso be Zambe!

 AYÉ’É 14

Amu jé Zambe a bili ékôane bôt é too nta’an?

Amu jé Zambe a bili ékôane bôt é too nta’an?

1. Amu jé melu mvus, Yéhôva a nga ta’a bone b’Israël?

Zambe a nga tak mvoñe bôt Abraham na, be bo ayoñe da, a ve be metiñ. A nga loene be na “Israël.” A nga bo fe be na, be bo beba’ale ya nya ekaña’a, a beba’ale ya metiñe mé. (Besam 147:19, 20) Nde, Israël a nga ye bo ébotan asu bôte ya si se.Lañe Metata’a 22:18.

Zambe a nga top bone be Israël na, be bo bengaa bé. Nkañete wop, wo liti aval avé Zambe a botane bôte ba bo nye mewôk. (Deutéronome 4:6) Nde, a zene ya ayoñ Israël, bôte befe b’aye yeme nya Zambe.Lañe Ésaïe 43:10, 12.

2. Amu jé benya bekristene be ne nta’an?

Éyoñe mimbu mi lôteya, Israël a nga jañelé mvame ­Zambe. Mvuse ya valé, Zambe a nga tyendé nye a akônda bekristen. (Matthieu 21:43; 23:37, 38) Melu ma, aval ane bone b’Israël be mbe, benya bekristene fe, be ne Bengaa bé.Lañe Mam minlôman 15:14, 17.

Yésus a nga tak beyé’é bé na, be kañete, a bo meyoñe mese beyé’é. (Matthieu 10:7, 11; 24:14; 28:19, 20) E memane ya nta’an mame wu, ésaé te, é yametaneya si se. Éyoñ ôsusua le Yéhôva a kôane bizuk bi bôte ya meyoñe mese e nya ékaña’a. (Nlitan 7:9, 10) Benya bekristene be ne nta’ane na, be veane ngule nyôl, a be volane fe bebe. E si se, Bengaa be Yéhôva be bili avale miñye’elane da, mi so’o e Kalate Zambe été, e bisulane biap.Lañe Behébreu 10:24, 25.

 3. Aval avé ékôane Bengaa be Yéhôva ya melu ma é nga taté?

Atata’a mimbu 1870, mone abime beyé’é be Kalate ­Zambe, be nga mane jeñ, a kôane benya mejôô me nga too ntyamelan. Be mbe be yeme na, Yésus a nga lik bekristen atiñe na, be kañete mbamba foé. A jô te nde, e si se be nga taté na ba kañete mbamba foé y’Éjôé. Mbu 1931, be nga nyoñ éyôlé Bengaa be Yéhôva.Lañe Mam minlôman 1:8; 2:1, 4; 5:42.

4. Aval avé Bengaa be Yéhôva be ne nta’an?

Ntete mimbu ôsusua, “minlôman a bivete” be mbe be ta’a mam ya akônda bekristen. Bese, be mbe be nyoñe Yésus ane nlô ya akônda. (Mam minlôman 16:4, 5) E melu ma fe, Bengaa be Yéhôva be bili tin ékôan ja ta’a mam ya mekônda e si se. Nsamba bemvendé te wo kate bemvendé ya Béthel avale ba yiane kôñelane, a kuli, a kap bekalate ba volô bia na, bi wôk Kalate Zambe; tañe minkobô a lôte 600. Nsamba bemvendé ôte wo ve mekônda 100 000 bidi ya nsisim, a wo liti fe be, avale ba yiane tak mekônda ya si se. Akônda ése é bili nsamba bemvendé wo ba’ale de. Bôte bete ba ba’ale nsamba mintômba Zambe, nye’an été.Lañe 1 Pierre 5:2, 3.

Bengaa be Yéhôva be ne nta’ane na, be kañete mbamba foé a bo beyé’é. Aval ane minlômane mi Yésus, bia kañete mbamba foé ya Éjôé Zambe e menda menda. (Mam minlôman 20:20) Bia volô bôte ba nye’e benya mejô, na be yé’é Kalate Zambe. Bengaa be Yéhôva be nji fo’o bo ve ékôan. Bi ne fe nda bôte jia, é bili ésaa a ne nye’an. Bi ne bekal a bendôm ba wô’ane mintaé. (2 Thessalonicien 1:3) Mbôle be ne nta’ane na be bo nkômbane Zambe a volô bôte bevok, Bengaa be Yéhôva be ne nda bôte j’adañe mevak e si se.Lañe Besam 33:12; Mam minlôman 20:35.

 

NGE WO KOMBÔ YEM ABUI MAM

Jé Kalate Zambe a tu’a ye’ele?

Ba’ala’ane miabebien e nye’ane Zambe été

Nne bi ne liti Zambe na bia nye’e nye ,na bi ave nye akéva aya mfa’a yam am mese a boya bia?

BEZA BA BO NKÔMBANE YÉHÔVA DEN?

Bengaa be Yéhôva be ne avale bôt avé?

Abime Bengaa be Yéhôva avé wo yem? Ye wo tu’a fo’o bia yem?