Kele vôm ô ne lañe de

Kele sous-menu

Kele tep

Bengaa be Yéhôva

Bulu

Mbamba mefoé m’aso be Zambe!

 AYÉ’É 9

Aval avé nda bôte jôé é ne nyiñe meva’été?

Aval avé nda bôte jôé é ne nyiñe meva’été?

1. Amu jé alu’étas é ne mfi asu nda bôt ése?

Mbamba mefoé m’aso be Yéhôva, “Zambe ya mevak,” nnye a kômbô na, menda me bôt me nyiñe meva’été. (1 Timothée 1:11, MN) Nnye a ne mbôndé aluk. Alu’étas é ne mfi mfa’a ya na, nda bôt é nyiñe meva’été amu ja kôm mbamba vôm ya yalé bongô. Nge Kristen a kômbô lat aluk, a yiane tôñ metiñe ya si a too.Lañe Luc 2:1, 4, 5.

Zambe a yene aluk aya? A yi na aluk é libi e zañe ngal ba nnôm. Yéhôva a yi na, ngal ba nnôm be tabe nlatan ézezañe jaba. (Behébreu 13:4) A wô’ô ntyaman aluk angôndô ya abé. (Malachie 2:16) Ve da a kañese na bekristene be tyame aluk, a be beta lu’an éyoñe wua ya bebe, a te bo mejian.Lañe Matthieu 19:3-6, 9.

2. Aval avé ngal ba nnôm ba yiane nyiñe nsamba?

Yéhôva a nga té fam ba minga asu na be volan bebe, a zene ya aluk. (Metata’a 2:18) Fam nje é ne nlô ya nda bôt. Jôme te nje, nnye a bili mbe’e ya ve nda bôt jé bidi, biyé, a biôme bivo’o bise. Teke vuane na, a yiane ye’ele nda bôte jé mejô me Zambe. A taté jalé minyiane mi minga wé osusua na azu jalé éñmié. Mbôle ngal ba nnôm be ne bebo mam abé, môt ase ya bebe ayiane yé’é jamé nyi mbok, asu na be nyiñe mvo’é nda aluk jap.Lañe Beéphésien 4:31, 32; 5:22-25, 33; 1 Pierre 3:7.

 3. Nge aluk da bo mia nlô mintaé ye mia yiane kandane?

Nge aluk denane d’awulu abé, bo’ane na, môt ase ya be mia, a nyoñe nyi mbo’o ngap nye’an été. (1 Becorinthien 13:4, 5) Kalate Zambe a nji jô na, nkandane ô ne zene ya kôme mejô me ne aluk denan été.Lañe 1 Becorinthien 7:10-13.

4. A bongô, jé Zambe a yi mfa’a wonan?

Yéhôva a yi na, bendôman a bengon be nyiñe meva’été. A ve mia melep ma dañe abeñ asu na, mi nyiñe mvo’é, nté mi ngenane bisoé. A yi na, mi bi mfi ya fek a ñyemane mam ya bebiaé benane be bili. (Becolossien 3:20) Yéhôva a yi na, mia fe mi wô’ô avak é ne, éyoñe mia bo nkômbane nyô a nga té mia, a nkômbane mone wé.Lañe Ecclésiaste 11:9–12:1; Matthieu 19:13-15; 21:15, 16.

5. A bebiaé, mi ne bo aya asu na benyo bone be nyiñe meva’été?

A bebiaé, mi ayiane saé a ngul ése, asu na mi ve bone benane bidi, nda a biôme ya jaé. (1 Timothée 5:8) Ve nge wo yi na benyo bone be nyiñe meva’été, wo yiane fe be ye’ele na, be nye’e Zambe, a be yé’é fe avale a bo mam. (Beéphésien 6:4) Nlitan wo liti na wo nye’e Zambe, ô ne tindi benyo bone na befe be nye’e nye abui. Éyoñ wo belane Kalate Zambe, ñye’elan wo ve be, wo ye liti be mbamba zen.Lañe Deutéronome 6:4-7; Minkana 22:6.

Bongô ba yaé mvo’é, éyoñe ba ve be ngule nyôle, a éyoñe ba se’e be. Ba yi na bebiaé be ve be melep a jôé be. Aval ñye’elane te, da kamane na mbia mboan a bo teke wup mevak map. (Minkana 22:15) Ve da, éjôé bebiaé ba jôé bone, é nji yiane bo njet, nge bo étibela.Lañe Becolossien 3:21.

Bengaa be Yéhôva ba kuli abui bekalate ba volô bebiaé a bone. Miñye’elane mi ne bekalate bete été, mi aso e Kalate Zambe.Lañe Besam 19:7, 11.

 

NGE WO KOMBÔ YEM ABUI MAM

NDA BÔTE JÔÉ É NE NYIÑE MEVA’A ÉTÉ

Vô’ôlané Zambe ndemben mi aye bi mefo’o alu’u denan

Melebe mebaé me ne volô mia na alu’u denan é tyéndé.

NDA BÔTE JÔÉ É NE NYIÑE MEVA’A ÉTÉ

Aval avé mi ne kôme mejô

Éyoñe mia saé fufulu, alu’u denan da ye bo ngul a abeñ.

Jé Kalate Zambe a tu’a ye’ele?

Aval avé ô ne bo na nda bôte jôé é nyiñ mevak été?

Nye’an Yésus a nga liti ô ne beta éve’ela asu na beyôm, bebiaé, a bongo ba yiane tôñ