Kele vôm ô ne lañe de

Kele sous-menu

Kele tep

Bengaa be Yéhôva

Bulu

Kalate Zambe—Foé jé é ne aya?

 ÉFAS 17

Yésus a ye’ele jé é ne Éjôé Zambe

Yésus a ye’ele jé é ne Éjôé Zambe

Yésus a ye’ele beyé’é bé abui mam, ve Éjôé Zambe é ne nlô éfia ya nye’elane wé

ÉSAÉ Yésus e si va é mbe évé? Émien a nga jô na: “Me ayiane . . . kate bôt mbamba foé ya ayoñe Zambe: amu ajô te nde Zambe a nga lôme ma.” (Luc 4:43) Bia zu tame yene mame menyine Yésus a nga ye’ele mfa’a ya Éjôé Zambe.

1. Be nga tobe Yésus ane Njô. Yésus a nga kate tyi’ibi na a mbe Messie be nga ka’ale. (Jean 4:25, 26) A nga liti fe na a ne Njô bôte ya nkuli mejô Daniel a nga yene biyeyem. Yésus a nga kate beyé’é bé na éyoñe j’ azu, a ye tabe “étôto’o jé,” a be fe be aye tabe bito bijôé. (Matthieu 19:28) A nga kate na nsamba bejô bôt ôte ô ne “mon nsamba mintômba”; a nga liti fe na a bili “mintômba mife,” mi nji bo abemba te.​—Luc 12:32; Jean 10:16.

2. Éjôe Zambe j’ aye wumulu zôsô. Yésus a nga liti na Ejôé Zambe j’aye vaa beta bikotekote bi mame bise bi ne si. J’ aye fe fubu jôé Zambe, Yéhova, a mane sôbe bibôta Satan a nga bôté Zambe afup Éden. (Matthieu 6:9, 10) Yésus a nga liti fe na a nji bo ôbangam, amu a nga kañete avale môt ése. Befam a binga, minkukum a minzôzoé. Ja’a ane a nga zu asu bone be Israël, Yésus a nga kañete fe Besamaritain a bôte be nji be Bejuif. A nji ve’ele liti ôbangam ane betebe ôsu ya miñyebe ya melu ma.

3. Éjôé Zambe é nji nyoñe ngap a mame ya émo ji. Yésus a nga nyiñ éyoñ ényiñe pôlitik é nga to jo’ojo’o. Bôte befe be nga to be jôé si Yésus. Ajô te, Yésus a nga tup éyoñe bôte be nga yi na a bo pôlitik. (Jean 6:14, 15) A nga jô beta mbo pôlitik wua na: “ayoñe dam e nji bo ayoñ ya si nyô.” (Jean 18:36). A nga jô beyé’é bé na: “mi nji bo bôte ya si nyô.” (Jean 15:19) A nji kañese na be bo mintañete nge nyoñe ngap a bita ja’a b’akômbô kamane nye.​—Matthieu 26:51, 52.

“Ane a nga ke minlam minlam . . . a kate mbamba foé ya ayoñe Zambe.”​Luc 8:1

4. Nye’an w’ aye bo mbôka’a ya éjôé Krist. Yésus a nga ka’ale na bôte bese be be’e mimbe’e a ye ve be awo’an. (Matthieu 11:28-30) A nga lebe bôt avale be ne bo na be bo te beta ko woñ; avale be ne kômôtô amvôé, avale be ne wosan ôzañ akum, avale be ne nyiñ a mevak. (Matthieu, kabetôlô 5-7) Amu a nga nye’e môt ase, bôte be nji ko woñe ya ke yene nye. Avale bôt ése, to’o ba b’ adañe azoé be nga ke toñe nye, be ayeme na a ye ba’ale be a jin a mbamba nlem. Ngo’é avale mbamba njôô Yésus a ye bo!

Zene fe Yésus a nga kobô ajô ya Éjôé Zambe é ne. A nga bo bitua bi mam. Amu jé a nga bo bie? Ntame yen amu ate.

—Nkañete ôte wo so kalate Matthieu, Marc, Luc, a Jean.

NGE WO KOMBÔ YEM ABUI MAM

Jé Kalate Zambe a tu’a ye’ele?

Jé é ne Éjôé Zambe?

Abui bôt d’ayeme meye’elane me tate. Éfia ji ‘éjôé jôé é za’ak’ j’atinane aya?