Kele vôm ô ne lañe de

Kele sous-menu

Kele tep

Bengaa be Yéhôva

Bulu

Kalate Zambe—Foé jé é ne aya?

 ÉFAS 6

Job a wulu ba’aba’a a Zambe

Job a wulu ba’aba’a a Zambe

Satan a sôane mbunane Job a bili be Zambe, ve Job a tabe ba’aba’a a Yéhova

YE MÔT éziñ a ne fo’o wulu ane Zambe a yi nge a tôbane meve’ele, a nge a nji yene mfi ya été? Nsili ôte ô nga bômbô—a éyalane é nga vebane—alat a môt éziñ a mbe jôé na Job.

Éyoñe te bone be Israël be ngenane be too si ya Égypte, Job, évuvumane Abraham, a mbe a to si j’aloenebane dene na Arabie. Môs éziñ, beéngele be nga sulane ékôane yôp été mise me Zambe. Satan a mbe fe nsamba te. Yéhova a nga se’e mbo ésa wé Job, beéngele bese be too. Yéhova a nga jô na teke môt a biname mfe a ne mewôk ane Job. Ve Satan a nga liti na nge Job a kañe Zambe, a ne amu a noo nye bibotan a ba’ale nye. Satan a nga jô na nge Job a mane jañelé akume dé, a ye ke beta kañe Zambe.

Zambe a nga kañese na Satan a ve’ele Job. Ane akume dé é nga mane jañ, bone bé be mane wu, émien a ku ke mbia ôkon. Job a nji be a yeme na Satan nye a ne mvuse minju’u mite mise. Ajô te a nji wô’ô amu jé Zambe a kañese na a tebe aval été te. To’o nalé Job a nji bene Zambe.

Ane bifu’u bemvôé bila bi nga zu yene Job. Bôte bete be nga bôte Zambe ajô na nye a fonosô Job amu mbia be mam a nga bo asoé. Mame mese be nga jô me ne ntilane kalate Job été. Be nga yemete na Zambe a nji tabe a ndi nlem a bebo bisaé bé, nge wô’ô nleme mvaé éyoñe b’abo mbamba be mam. Job a nji yebe mbia mimfasane miap. Job nga tyi’i nleme wé na a ye wulu ane Zambe a nye’e a kele kui awu!

Ve jame da Job a nga kop amu a nga yemete na a nji bo jôm éziñ é ne abé. Mone ndôman a mbe jôé na Élihu a nga to valé. A nga tu’a vô’ôlô mame mese Job a nga jô a ma bemvôé bé be nga jô. Élihu a nga jô Job na a ku. Mekua mete me so’o amu a nji yemelane na nlitane zôsô ya éto njôane Yéhova Zambe ô ne beta mfi a lôte nlitane zôsô ya môt a binam. Ve Élihu a nga bame bivuse bemvôé be Job.

Ane Yéhova Zambe émien a nga kobô a Job, a bo na a tyendé mfasane wé. Asu ya na a volô Job a fas, Yéhova a nga lañ abui bidima bi mame ya ntéane wé. Ajô te Job a nga yene na mise me Zambe môt a funane fui. Ane Job nga sulu émiene si a kañese minkomekane mi Zambe. Yéhova a nga bo “éngôngo ne lut a mvam,” ajô te a nga beta ve Job mvo’é ya minsôn, a akum, biyoñe bibaé alôté abim a nga taté bi. A nga beta ma’é nye a bon awôm. (Jacques 5:11) Amu a nga tabe ba’aba’a a Yéhova ja’a na éyoñe ya beta minjuk, Job a nga yalane nsoñane Satan, a liti na, môt a ne ngule ya bo Zambe mewô’ô ja’a éyoñe ya meve’ele.

​—Nkañete ôte wo so kalate Job.