Kele vôm ô ne lañe de

Kele sous-menu

Kele tep

Bengaa be Yéhôva

Bulu

Kalate Zambe—Foé jé é ne aya?

Foé é ne Kalate​—Nkpwas

Foé é ne Kalate​—Nkpwas
  1. Yéhova a té Adam ba Ève. A ve fe be ngule ya nyiñe nnôm éto e Paradis. Satan a ndamane Zambe éyôlé. A jô na Zambe a nji yian a éjôé. Adam ba Ève be a tôñe Satan. Be a dutu abé a awu be bebien a mvoñe bôte jap

  2. Yéhova a ve bebo melo bete mekua. A ve ngaka’a na, Nyi bôt, nge na Mvoñ, j’aye so nje j’aye fite Satan nlô. Aye mane vaa mekua ya nsem

  3. Yéhova a ka’a Abraham a David na b’ aye bo bemvamba ya Mvoñ éte nge na Messie. Nyô ate a ye bo Njô ya nnôm éto

  4. Nsisime Yéhova ô nga volô bekuli mejô be jô na Messie a ye mane abé a awu. Ane Njô bôte ya Éjôé Zambe a ye jôé a bôte befe. B’aye bo na bita, awu, a akon bi man

  5. Yéhova a lôme Mone wé si va, a liti fe na Yésus a ne Messie. Yésus a kañete mbamba foé ya Éjôé Zambe; a ve fe ényiñe jé metuna’a. Mvuse ya valé Yéhova a wômôlô nye a nyôle nsisim

  6. Yéhova a telé Mone wé Njô yôp été; jamete é ne atata’a ya melu ya asu’ulane ya émo ji. Yésus a tebele bebo bisaé ya si a volô be na be kañete Éjôé Zambe si se

  7. Yéhova a volô Mone wé na a zu Éjôé Zambe si. Éjôé te je a tyame bijôé bise ya émo ji, a telé fe Paradis si; bôte bese be ne zôsô b’ aye bo te bijô. Yéhova a ye liti na nye étam a bili ngule ya Jôé bôt, a fubu éyôlé jé nnôm éto