Kele vôm ô ne lañe de

Kele sous-menu

Kele tep

Bengaa be Yéhôva

Bulu

Jé Kalate Zambe a tu’a ye’ele?

 APPENDICE

Ye Yésus a nga bialé Ngon awôm a baa?

Ye Yésus a nga bialé Ngon awôm a baa?

KALATE Zambe a nji kate bia ngone Yésus a nga bialé. Ve jame da, a ve bia b’amu ba bo na bi yeme na a nji bialé Ngon awôm a baa.

Bi tame yen avale biyoñ é mbe étisone Bethléhem éyoñe Yésus a nga bialé. Ngone Bejuif ba loene na Kislev (é mbe é tôbane e zañ Ngon awôm a jia a Ngon awôm a baa) é mbe ngone mveñ meta’a a avep. Ngone ja tôñe valé é mbe Tébeth (ja tôbane e zañ Ngon awôm a baa a Ngon ôsu ya mbu). Bengon bete mbe ba dañ avep e mbu, éyoñ éziñ neige a wô’ô ku. Bi tame yene jame Kalate Zambe a kate bia mfa’a ya biyoñe ya éfuse si te.

Ntili Kalate Zambe a too jôé na Esdras a nga liti na, ngone Kislev é ne ngon avep a mveñ. Éyoñ a maneya liti na bôte be nga mane sulane Jérusalem “éyoñ éte ngon ébulu [Kislev] é ntoo, ngon éte é ntoo melu mewôm mebaé,” Esdras a kañete na bôte be mbe be “fô’ôba’an . . . amu beta mveñ.” Émo’o bôt éte é nga jô a lat a avep é mbe nseñe na ‘éyoñe ya abui mveñ  ji, bi se ngule ya tebe atan.’ (Esdras 10:9, 13; Jerémie 36:22) Beba’ale mintômba bese be mbe be nyiñi aku’u si te be mbe be yeme na éyoñ ngon awôm a baa é nga subu, ba yiane nyiñili mintômba miap abemba été, a bebiene ba yiane tabe vôm ayôñ é né.

Ve Kalate Zambe a kañete na beba’ale mintômba bete be mbe mefube ya afôla te, be ba’ale mintômba miap alu éyoñ Yésus a nga bialé. Ntili Kalate Zambe Luc a liti na éyoñe te, beba’ale mintômba be nga “too mefupe ya afôla te, be ba’ale mintômba miap alu” bebé a Bethléhem. (Luc 2:8-12) Ba’ale’e na, beba’ale mintômba be nga too mefup, be nji ke ba wulu be bulane fe. Be mbe be too a mintômba miap fé été alu. Nde ye nkañete wu wo tôban a biyoñe ya mveñ a avep ya Ngon awôm a baa e Bethléhem? Momo. Ajô te, mam me nga boban abialé Yésus ma liti bia na a nji bialé Ngon awôm a baa. *

Kalate Zambe a kate bia éyoñ ébien Yésus a nga wu, ve a nji dañe kate abui mam mfa’a ya abialé dé. Nalé ate a bo na bi simesane bifia bi Njô bôte Salomon: “Mbamba jôé a ne mvaé a dañ mbon ô ne édima; a môse ya awu, a dañe môse ya abialé.” ( Ecclésiaste 7:1) Nde é nji bo jame ya kam nge Kalate Zambe a kobô abui mam mfa’a ya ésaé Yésus a awu dé, ve tyôtyoé mame mfa’a ya abialé dé.

Éyoñ Yésus a nga bialé, beba’ale mintômba be mbe be too fé été alu a mintômba miap

^ É.N. 1 Nge wo kômbô yeme mam mefe, fombô’ô afep 161-5 ya kalate Comment raisonner à partir des Écritures ya Bengaa be Yéhôva be nga tili.