Kele vôm ô ne lañe de

Kele sous-menu

Kele tep

Bengaa be Yéhôva

Bulu

Jé Kalate Zambe a tu’a ye’ele?

 APPENDICE

Shéol ba Hadès be ne jé?

Shéol ba Hadès be ne jé?

MINKOBÔ be nga tili nye atata’a, Kalate Zambe a belan éfia hébreu shéol a éjiane jé ya nkobô Grek hadès tañe biyoñ 70 a mvuk. Bifia bite bibaé bi tii a awu. Kalate Zambe ya nkobô bulu a nga belan éfia shéol vôm Hébreu fe a nga belane je. Ve jame da, a kôñelane éfia grek hadès na “étôtôlan”, “soñ”, “vôm ya miñwuan.” Kalate Zambe été, bifia be nga belane bie nkobô Hébreu a Grek bi a tinane na vôme bôte bese ba wu ba ke. Bi tame yen ane be nga belane bifia bite Kalate Zambe été.

Écclésiaste 9:10 a jô na: “Teke ésaé, nge mboane jam, nge fek, nge ñyemane mam, bi ne Sheol, mfa’a w’ ake.” Ye nalé a tinane na Shéol ate a ne ngumba afube mesoñ vôme ba jame bôte bangan bi nga too bi nyeke’e? Momo. Éyoñ Kalate Zambe a kobô ajô ya ngumba vôme ba jame bôt, a belane bifia bi Hébreu a Grek bife, sa ke Shéol ba Hadès. (Metata’a 23:7-9; Matthieu 28:1) Kalate Zambe a ne fe teke belane éfia “Shéol” ane afube mesoñe ya nda bôt, nge beta ébé ba jame bôt fufulu.—Metata’a 49:30, 31.

Nde, “Shéol” a ne avale vôm avé? Mejô me Zambe ma liti na “Shéol” nge “Hadès” a tinane jôm é ne anen a lôté avale soñe ba jame abui bôte fufulu. Ésaïe 5:14 a jô na Shéol a “neneya nkômbane wé, a kui anyu dé te nné.” Akusa bo na Shéol a nga min abui bôt, ve jame da a ngenan a kômbô mine befe. (Minkana 30:15, 16) Shéol a selan a avale kane soñ ése, amu soñ ja nyoñ fo’o ve abime mimbim éziñ; “Sheol a Abaddon bi ne te yen abim d ‘ayian nnôm éto.” (Minkana 27:20) Shéol a ne étyi te jaé. A ne te jô na abime te. Shéol nge Hadès be se ngumba vôm éziñ. Ve a ne beta soñ, vôme bôte bese ba ye wômô be né; ndeme ya vôme mimbim abui ya émo ji mi a ke ôyo awu.

Ñye’elane ya ñwômane miñwuane wo so Kalate Zambe wo faé bia éfufup mfa’a ya yem atinane ya “Shéol” a “Hadès.” Mejô me Zambe ma liti na bôt be ne Shéol a  Hadès be ne ba b’aye wômô. * (Job 14:13; Mam minlôman 2:31; Nlitan 20:13) Mejô me Zambe ma liti fe na sa ke ve bôt be nga bo Yéhôva ésaé mbe be ne Shéol nge Hadès, ve to’o ba be nji bo nye ésaé. (Metata’a 37:35; Besam 55:15) Nde ñhe, Kalate Zambe a jô na “bôt be aye wômô mesoñ, ba be ne zôsô a ba be ne bikotekot.”—Mam minlôman 24:15.

^ É.N. 4 Ve jame da, Kalate Zambe a liti na bôte bese b’aye bo te wômô be nji bo Shéol nge Hadès, be ne “Géhenne.” Kalate Zambe ya bulu a dañe kôñelane éfia te na “étôtôlan” bifuse bi: Matthieu 18:9; 23:15, 33; Marc 9:43, 47; Luc 12:5; Jacques 3:6. Aval ane vôme bôte bese ba wu ba ke, nge Shéol, a nji bo ngumba vôm, avale te fe “étôtôlan” é nji bo ngumba vôm.