Kele vôm ô ne lañe de

Kele sous-menu

Kele tep

Bengaa be Yéhôva

Bulu

Biyalane ya minsili 10 bisoé bia sili bebien

 NSILI 4

Amu jé ma yiane meme bikobe biam?

Amu jé ma yiane meme bikobe biam?

AMU JÉ NSILI ÔTE Ô NE MFI?

E meme bikobe biôé a ye volô na, ô bo môte be ne tabe nye ndi, a na, ô bo nya môtô.

NGE A MBE WO, Ô NGA YE BO AYA?

Tame fase jame di: Tim ba bemvôé ba lé ébuma, éyoñe te Tim a bibi ébuma, é ke bôé éza vundu.

Nge wo ô mbe Tim, ô nga ye bo aya?

TEBE MONE JÔM, Ô TAME FAS!

Ô NE NGULE YA BO MAME MELA:

  1. E tube mbil.

  2. E ve môte mfe bijô.

  3. E kate môt a nee vundu jame da te boban, a e kate fe nye na, wo ye ya’an.

Ô ne kômbô tobe Jam ôsu (A), ve e ne mfi kom ése na, ô meme bikobe biôé, ja’a wo te bôé éza vundu, nge ke bo jam afe.

 BEAMU BELA YA MEME BIKOBE BIÔÉ

  1. Mbamba jame ya bo le.

    Kalate Zambe a jô na: “Bi kômbô’ô tabe ane de ayian mfa’a ya mam mese.”Behébreu 13:18.

  2. Éyoñe môt a meme bikobe bié, e ne tyi’ibi na be jamé nye.

    Kalate Zambe a jô na: “Nyô a buti minkobane mié mam mé me aye ke ôsu; ve nyô ase a meme mie a jô’é mie, nnye a ye kooban éngôngo.”Minkana 28:13.

  3. Jam da dañe mfi é ne na, nalé a ve Zambe nleme mvaé.

    Kalate Zambe a jô na: “Ekotekote môt é ne mbia jôm be Yéhôva, ve a ñbwaane bôte be ne mvaé.”Minkana 3:32.

Karina, mimbu 20, a nga solé ésa na, be nga ve nye amende amu a nga dutu metua mbia y’abé. Ve a nji be ngule ya solé de ngumba ényiñ. A jô na: “Éyoñe mbu wua ô lôteya, ésa wom a nga yen amende ate. Ane me nga bili.”

Sikôlô: Karina a jô na, “Éyoñe wo solé bikobe biôé wo tu’a ndaman ajô. Môs éziñ, wé su’ulane bili.”

JEÑE NA Ô NYOÑE SIKÔLÔ YA BIKOBE BIÔÉ

Kalate Zambe a jô na: “Amu na, bia bese bia [kop] mimfa’a abui.” (Jacques 3:2) Avale bi maneya yen, éyoñe wo ji’a meme bikobe biôé, nalé a liti na ô ne nya môtô a na, ô bili fulu éjoté nyul.

Mvuse ya valé, wo yiane jeñe na ô nyoñe sikôlô ya bikobe biôé. Mona minga a to jôé na Véra a jô na: “Éyoñ ése ma bo ékop, ma jeñe na me nyoñe sikôlô y’ékobe te, a na, me yen avale me ne sa’ale je éyoñ éfe.” Bia zu yen avale ô ne bo jam ete.

Wo nyoñ môtôtô éso asoé, éyoñe te a ke ndamane mo môé. Wo ye bo aya?

  • E ku évô a ye’elane na éso a bo te yeme jam ete.

  • E kat éso bebela.

  • E kat éso jam da te boban, ve ô va’a môte mfe mekua.

Wo te ku meve’ele amu ô nji yé’é sikôlô. Wo ye bo aya?

  • E jô na meve’ele mete me mbe ayet.

  • E meme na nge wo te ku, a ne amu ô nji yé’é.

  • E jô na ñye’ele sikôlô a vini wo.

E dañe fase bikobe biôé bi lôteya, a ne fo’o ve ane wo dutu metua ô fombô’ô éyete ja liti wo mame ma bobane mvuse jôé

 Éyoñe ji, tame fase mam mebaé bi ndôme yene yôbe le, a tebe été (1) éso a (2) ñye’ele sikôlô wôé. Éso nge ke ñye’ele sikôlô wôé ba ye yene wo aya nge wo ji’a meme bikobe biôé? Ba ye yene wo aya nge wo solé bikobe biôé?

Tame simesan ékob éziñ wo te bo mbu wu, nge ke mimbu ya mvus, éyoñe te wo yalane minsili mia tôñe le.

Ékob éte é mbe évé? Ô nga bo aya éyoñ ô kobeya?

  • Me nga solé je.

  • Me nga ve môte mfe mekua.

  • Me nga ji’a meme je.

Nge ô nga solé je, ô nga su’ulane wô’ôtan aya?

  • Me nga wô’ô mevak—Me nji bili!

  • Me nga wô’ô ôson—Me nji yiane solé ékobe jam.

Mbamba jam mbé ô mbe ngule ya bo?

Sikôlô mbé ékobe te ja ye’ele wo?

WO SIMESAN AYA?

Amu jé bôte béziñe be wô’ô bene meme bikobe biap?

Bôte ba ye yene wo aya nge wo jeñ éyoñ ése na wo solé bikobe biôé, ve ba ye yene wo aya nge wo meme bikobe biôé?Luc 16:10.