Kele vôm ô ne lañe de

Kele sous-menu

Kele tep

Bengaa be Yéhôva

Bulu

Biyalane ya minsili 10 bisoé bia sili bebien

 NSILI 10

Aval avé Kalate Zambe a ne volô ma?

Aval avé Kalate Zambe a ne volô ma?

AMU JÉ NSILI ÔTE Ô NE MFI?

Kalate Zambe a jô na “ntilan ôse ô ne nsoane be Zambe.” (2 Timothée 3:16) Nge mejô mete me ne été, nalé a tinane na Kalate Zambe a ne liti wo zene wo yiane tôñ.

NGE A MBE WO, Ô NGA YE BO AYA?

Tame fase jame di: David a wulu nlam éziñ e zañ alu. Mbôle dibi é ne, a kôme ke yene zen. Éyoñe te a teme na, a jañeya. A te yiane kobe zene vôm éziñ nté a mbe a wulu.

Nge wo ô mbe ô tele été David, ô nga ye bo aya?

TEBE MONE JÔM, Ô TAME FAS!

Ô ne tyi’i na wo bo jame da ya mame ma:

  1. Ô ne sili môte zene fé wo yiane nyoñ.

  2. Ô ne belan ômes.

  3. Ô ne kee dulu dôé ôsu, a tabe ndi na wo ye su’ulane yene zene jôé.

Nge wo tu’a fas, ô ne yene na jame lale (C), é nji bo di ya top.

Jame baa (B) e ne mvo’é a dañe di ôsu. Amu, nge ô bili ômes, wo ye faé wo éfufube nté wo ye wulu, asu na ô yene vôme wo ke.

Avale te da da, Kalate Zambe a ne volô wo.

Abui bôt é yeneya de; Kalate Zambe a ne ngule ya

  • liti wo aval avé ô ne dañe minju’u ya ényiñ

  • volô wo na ô yem avale môt ô né, a na, ô bi mbamba mefulu

  • liti wo aval avé ô ne bi ényiñe ja dañe mvaé

 BIYALANE YA BETA MINSILI Y’ÉNYIÑ

Nane bia yeme kobô, bia taté fe na bia sili minsili.

  • Amu jé yôp é ne nyule blum?

  • Be nga kôm atété ya yôp a jé?

Éyoñe bia yaé, bi nga sili minsili a lat a mam bia yen me boba’an émo.

Nge é bo ke na, nté ôsese’e wu, biyalane bite bi ne e Kalate Zambe?

Bôt abui ba nye’e ba jô na, Kalate Zambe a ne njalan a befe’e, a kañete minsos, na a keya abo si, nge ke na, a ne ayaé ya wôk. Ve ye Kalate Zambe nnye a ne ajô? Ye é nji bo mbia ñwô’ane bôte ba wô’ô Kalate Zambe ñwô ô ne ajô? Ye a ne bo na be nga du’u be?

Éve’ane ji, bôt ba buni na Kalate Zambe a jô na, Zambe nnye a jôé émo ji. Ye jam ete é ne fo’o nalé? Si nyô é ne ne zametan zametan! É ne njalan a mintaé, minjuk, akon a awu, azoé a bibubua bi mam. Nde be ne kôme ve Zambe ya nye’an ayeme ya mam mete mese aya?

Ye wo kômbô yem éyalane ya nsili ôte? Éyalane Kalate Zambe a ve ajô te é ne bo na ô ku avem!

Wo te yiane yene na, melebe mese ya nsoé kalate wu ma so e Kalate Zambe. Bengaa be Yéhôva ba buni na Kalate Zambe a ne mbamba nliti zen. Nalé a boban amu na, Kalate Zambe a ne “nsôane be Zambe, [a] ne fe mvolan mfa’a ya nsôane bôte zôsô, mfa’a ya yale bôt ñyalan ô ne mame ya zôsô été.” (2 Timothée 3:16, 17) Wo fe wo yiane yé’é Kalate ate, amu, akusa bo a tilibaneya ayap, a ngenane mfi den.

NGE WO KOMBÔ YEM ABUI MAM

NTA’ANE Y’AYÉ’É KALATE ZAMBE

Nne ba bo ayé’é ya Kalate Zambe aya?

Bôte ya si se ba yeme na Bengaa be Yéhôva be bili ngumba nta’an mfa’a ya ayé’é Kalate Zambe. Bia kômbô liti wo avale nta’ane te wo wulu.