Kele vôm ô ne lañe de

Kele sous-menu

Bengaa be Yéhôva

Bulu

Éjôé Zambe é ne jé?

Éjôé Zambe é ne jé?

Wo ye yalane aya . . .

  • jôm éziñ é ne nlem wôé été?

  • fatane nkobô?

  • éjôé ya yôp?

 ÉYALANE KALATE ZAMBE A VE

“Zambe ya yôp a ye telé éjôé j’aye bo teke tyamban.”Daniel 2:44, Kalate Zambe Mfefé Nkoñelan.

“Mona fam a vebaneya be bia; a ngule ya jôô bôt j’aye bebe nye étule yôp.”Ésaïe 9:6, Kalate Zambe Nnome ba Mfefé.

ÑYEMAN ÔTE Ô NE VE WO JÉ?

  • Éjôé ya zôsô j’aye soo wo bibotan.Ésaïe 48:17, 18.

  • Minsôn mi aye bo wo mvô’é a wo ye nyiñe meva’été mfefé émo j’azu.Nlitan 21:3, 4.

 YE BI NE FO’O BUNI MAME KALATE ZAMBE A JÔ?

Ôwé, mam mebaé ma ma liti nalé:

  • Yésus a nga liti mam Éjôé Zambe j’aye bo. ­Yésus a nga ye’ele beyé’é bé na, be ye’elane na Éjôé Zambe é zu, a na nkômbane Zambe ô boban si. (Matthieu 6:9, 10) Yésus a nga liti aval avé Zambe a ye yalane meye’elan mete.

    Éyoñ Yésus a nga too si va, a nga ve bôt bidi, a saé akon a wômôlô fe mimbim! (Matthieu 15:29-38; Jean 11:38-44) Amu Yésus a ne Njôé ya Éjôé Zambe, ajô te a nga liti mbamba éve’an ya mam Éjôé te j’aye bo asu bôt bé.Nlitan 11:15.

  • Bibubua bi mam ya émo bi abo’olô na Éjôé Zambe é ntoo bebé. Yésus a nga jô na, ôsusua na Éjôé Zambe j’asoo mvo’é si nyô, émo jangan j’aye taté juk a bita, zaé a mimfô’ôsane mi si.Matthieu 24:3, 7.

    Bia yene minju’u mite den. Ajô te bi ne tabe ndi nlem na, ana’ana, Éjôé Zambe j’azu mane vaa mam abé mese.

 FASEK

Éyoñ Éjôé Zambe j’aye so, ényiñ j’aye bo aya?

Kalate Zambe a yalane nsili ôte e BESAM 37:29 a ÉSAÏE 65:21-23.