Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 51

Ngugule mone bezimba a mona minga

Ngugule mone bezimba a mona minga

E si ya Syrie, mona minga éziñ, ngone ya Israël, a mbe minkôm, ôyap a nda jé. Nkane bita ya Syrie ô nga vaa nye mo me bôte bé, a éyoñe ji, a nga saane minga Naaman, ntebe ôsu ya nkane bita ya Syrie. Mona minga ate a mbe a bo’o Yéhôva ésaé, to’o na bôte be mbe be bômane nye be nji be be bo’o de.

Naaman a mbe a bili ébubua ôkon é mbe é taé nye nlem éyoñ ése. Mona minga ate a mbe a kômbô’ô volô nye. Nde a nga jô minga Naaman na: ‘Ma yeme môt a ne saé nnôme wôé. Nkuli mejô éziñ a ne Israël a to jôé na Élisée. A ne ngule ya saé nyo nnôm.’

Minga Naaman a nga kate nnôm mam mona minga nyi a nga jô. Naaman a mbe ngule ya bo mam mese asu na a saéban, ajô te, a nga ke nda Élisée e Israël. A mbe a buni’i na Élisée a ye nyoñe nye ane mfañe môt. Ve Élisée a nga viane lôme mbo ésaé wé na a ke kate Naaman foé nyi: ‘Kele’e wobane biyoñe  zangbwal ôsôé ba loone na Jourdain. Éyoñ éte wo ye bo mvo’é.’

Naaman a nga wô’ô jam ete angôndô ya abé. Ane a nga jô na: ‘Me mbe me buni’i na nkuli mejô a ye ye’elane Zambe, a beté fe ma mo nlô asu na me bo mvo’é. Éyoñ éte a viane jô na me ke woban ôsôé ya Israël, nya maa! Ngo’o abim asôé é ne Syrie. Ma zu jiba ke wobane wôé.’ Ane Naaman a nga kôlô nda Élisée a wô’ô ôlun.

Bebo bisaé be Naaman be nga lebe nye. Be nga jô nye na: ‘Nga ô mbe ô kômbô’ô bo jôm ése asu na ô saéban? Abime tyi’ibi jam nkuli mejô nyi a sili wo di. Amu jé wo bo ke de?’ Naaman a nga vô’ôlô be. Ane a nga ke wobane Jourdain biyoñe zangbwal. Mvus éyoñe zangbwale, nde a nga kui ôsôé a too nya mvo’é. A mbe a wô’ô abui mevak, nde a nga ke ve Élisée akiba. A nga jô nye na: ‘Éyoñe ji, me yemeya fo’o na Yéhôva nnye a ne nya Zambe.’ Wo simesane na mona minga nyi a nga wô’ôtan aya éyoñ Naaman a nga bulan a nto mvo’é?

“Bongô a bon be anyañe mebé be aye dañe kañe wo.”​—Matthieu 21:16

NGE WO KOMBÔ YEM ABUI MAM

BO’O MVÔÉ YÉHÔVA

Yéhôva é ve wo ayo’o nlem

Jé é ne volô wo na, ô bi ayo’o nlem asu na, ô kañete bôte bevok mam a lat a Yéhôva?