Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 56

Josias a mbe a nye’e Atiñe Yéhôva

Josias a mbe a nye’e Atiñe Yéhôva

Josias a nga taté na a jôé a too mimbu mwom. Melu mete, bôt be mbe be bo’o magie, be kañe’e fe bengulemelan. Éyoñe Josias a nga bi mimbu 16, a nga jeñe na a yem aval a yiane kañe Yéhôva. Éyoñ a nga bi mimbu 20, a nga taté na a tyam bengulemelan a beautel nlam ôse. Éyoñ ki a nga bi mimbu 26, a nga jô na be kôme temple.

Nkuli mejô Hilkija a nga koone kalate Metiñe me Yéhôva temple été; éko éziñ Moïse nnye a nga tili kalate ate. Shaphan, ntili mam njô bôt a nga ke ve Josias kalate ate, a taté fe na a lañ Atiñe yôb été. Éyoñ Josias a nga wô’ô mam me mbe ntilan, a nga yeme na bôt be nga bo Yéhôva melo tañ abui mimbu. Ane Josias a nga jô Hilkija na: ‘Yéhôva a wô’ô bia mbia ôlun. Kele’e laan a nye. A ye kate bia jam bia yiane bo.’ Ane Yéhôva a nga yalan a zene ya nkuli mejô Hulda, a jô’ô na: ‘Bôte ya Juda be nga vuane ma. Ma ye fôñôsô be, ve sa ke nté Josias a ye jôô, amu a nga sulu émiene si.’

Éyoñ Josias a nga wô’ô foé éte, a nga ke temple a loon bôte ya Juda na be tôbane vôme wua. Ane a nga lañ ayoñ ése Atiñe Yéhôva yôb été. Josias a ayoñ ése be nga ka’ale Yéhôva na ba ye bo nye mewôk a nleme wop ôse.

 Ayoñ ya Juda e nga bo abui mimbu te jeme Pâque. Ve éyoñ Josias a nga lañ Atiñ été na, ba yiane jeme Pâque mbu ôse, a nga jô ayoñ ése na: ‘Bia zu jeme Pâque Yéhôva.’ Ane Josias a nga kômesan abui metuna’a, a mane fe ta’a na beyia bia be bo temple. Ane ayoñ ese e nga jeme Pâque, môs ô nga tya’a valé, be nga jeme fe Fête ya Fembé tañ melu zangbwal. Teke Pâque mfe a nga bobane ane nyili melu me Samuel. Josias a mbe a nye’e Atiñe Yéhôva a nlem ôse. Ye wo fe wo nye’e ô yé’é yeme Yéhôva ?

“Ajô dôé e ne lampe ya mebo mam, a éfufupe ya zene jam.”​—Besam 119:105

NGE WO KOMBÔ YEM ABUI MAM

YE’ELE BONE BÔÉ

Josias a mbe a bili mbamba bemvôé

Kalate Zambe a liti bia na jamete é mbe mbia ayaé asu mongô be mbe be loone na Josias na a bo mame me ne mvo’é. Jeñe na ô yem aval avé bemvôé bé be nga volô nye.