Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 50

Yéhôva a kamane Josaphat

Yéhôva a kamane Josaphat

Josaphat, njô bôt ya Juda, a nga tyam beautel be Baal a bengulemelan. A mbe a yi na ayoñ e yem metiñe me Yéhôva. Nde a nga lôme beprince a Belévite e Juda asu na be ke ye’ele bôte metiñe me Yéhôva.

Meyoñe me mbe me bôma’ane be, me mbe me ko woñe ya zu wosane be, amu me mbe me yeme’e na Yéhôva a suk ayoñe Juda. Me nga soo Njô bôt Josaphat metôm. Ve Bemoabite, Beammonite, a bôte ya Séïr be nga zu wosane Juda. Josaphat a mbe a yeme’e na, Yéhôva étam nnye a ne ngule ya volô nye. A nga tôkane befam bese, binga, a bongô e Jérusalem. Nde a nga ye’elan Yéhôva na: ‘A Yéhôva, nge ô teke volô bia, bia zu wu. Éngôngo, kate’e bia avale bi bo.’

Yéhôva a nga yalan be, a jô’ô na: ‘Te koone woñ, mé volô mia. Kômané bité bienan, tebané ne séé, a yen avale ma ye nyii mia.’ Aval avé Yéhôva a nga nyii be?

Tyé kpwaa, Josaphat a nga tobe beyia bia, ane a nga jô be na, be tebe nkane bita ôsu. Bôt bete be nga wulu ataté Jérusalem akekui Tekoa, vôm mewosan me mbe me yiane boban.

Nté beyia bia be mbe be lu’u Yéhôva e yôp été, Yéhôva a mbe a wosa’an asu ayoñe dé. A nga ndumekan Beammonite a Bemoabite minlô aval é ne na, be nga taté na ba wôéane be be. Ve Yéhôva a nga kaman ayoñe Juda, bezimbi a beprêtre. Bôte ya mesi mefe be nga wô’ô jame Yéhôva a nga bo, ane be nga yeme na, Yéhôva a ngenan a kama’an ayoñe dé. Aval avé Yéhôva a nga nyii ayoñe dé? A abui mezen. A nji be a yi mvolan wo so be môta binam asu na a bo de.

“Mi nji bi ajô ya wosan mewosane ma été: miabebien kômane bité, teba’an ne séé! A yen nyiane Yéhôva ô ne be mia.”​—2 Minkañete 20:17