Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 39

Njôô ôsu ya Israël

Njôô ôsu ya Israël

Yéhôva a mbe a va’a bon b’Israël betyi’i mejô na mbe be wuluu be, ve be nga viane yi njôô. Nde be nga jô Samuel na: ‘Meyoñe mese ma bômane bia me bili bejôô. Bia fe bia yi njôô.’ Samuel a nji yene jam ete mvaé, nde a nga ye’elane Yéhôva ajô ete. Ve Yéhôva a nga jô nye na: ‘Sa ke wo ô ne ajô. Ma bon b’Israël ba ben. Kate’e be na ba ye bi njôô, ve njôô ate a ye sili be abui biôm.’ Ja’a nalé, be nga yalane Samuel na: ‘Nalé a se ke ajô, bi bia yi ve njôô!’

Nde Yéhôva a nga jô Samuel na, Saül nnye a ye bo njôô ôsu ya ayoñ. Éyoñ Saül a nga ke Rama na a ke jome Samuel, Samuel a nga wo’o nye mbon na nnye a bo njôo; a nga sôé nye mbon ôte nlô.

Mvuse ya valé, Samuel a nga loon bon b’Israël na be zu yene njôô wop. Ve be nga jeñe Saül be te’é. Wo yem vôm a mbe? A nga ke sobô mimbe’e été. Éyoñe be nga yene nye, be nga telé nye bôte zañ. A mbe a lôte’e bôte bese ya Israël nté, a too fe angôndô ya abeñe fam. Ane Samuel a nga jô na: ‘Môte Yéhôva a te tobe na a bo njôô wônan, nnye nyi.’ Nde bôte bese be nga yôtane na: ‘Njô bôt a nyiñi’ ayap!’

Atata’a, Saül a mbe a vô’ôlô Samuel, a bo’o fe Yéhôva mewôk. Ve a nga su’ulane tyendé. Môs éziñ, Samuel a nga jô Saül na a yange na a so, asu na a bo mveane ba di’i nduan. Ve mbôl a nji ji’a so, nde Saül a nga tyi’i na, émien a bo mvean ôte, a too ke na a nji be ésaé njô bôt. Samuel a nga bo aya éyoñ a yemeya de? A nga jô Saül na: ‘Ô nji yiane bo Yéhôva melo.’ Ye Saül a nga wô’ô fo’o melebe mete?

Môs ôfe, Saül a nga ke wosane bôte ya Amaleq. Nde Samuel a nga jô nye na, a wôé jôm ése ya wôé é ne môt, nge ke tit. Ve  Saül a nga tyi’i na a wôé ki Agag, njôô ya Amaleq. Nde Yéhôva a nga jô Samuel na: ‘Saül a nji beta bisi ma, a vô’ôlô ki ma.’ Samuel a nga wô’ô jam ete ôlun, ane a nga jô Saül na: ‘Mbôl ô ne melo, Yéhôva a zu tobe njôô mfe.’ Éyoñ Samuel a mbe a nga ke, ane Saül a nga bi nye éndélé, é nyabé. Ve Samuel a nga jô nye na: ‘Yéhôva a vaaya éjôé mo môé été.’ Yéhôva a nga tyi’i na a zu ve môt a nye’e nye, a môt a bo nye mewôk éjôé.

“Mewô’ô m’adañe biôm b’atyi’i mvaé.”​—1 Samuel 15:22