Ngabe nyi ja kobô ajô mam me nga boban ényiñe Bejô bôte bebaé, Saül ba David, tañe mimbu 80. Saül a nga taté be a sulu’u émiene si, a ko fe Zambe woñ, ve a nga ji’a tyendé, a lume fe Yéhôva mvus. Nde Yéhôva a nga vaa nye éto njôô, a tobe David, a jô fe Samuel na a ke wo’o nye mbon. Ane Saül a nga jeñ abui biyoñe na a wôé David, ve David a nji jeñe môs éziñe na, a kun émien. Jonathan, mone Saül, a mbe a yeme’e na, Yéhôva a tobeya David, nde a nga kabetane David. Akusa bo na David a nga sem abui biyoñ, a nji bene melebe me Yéhôva môs éziñ. Nge ô ne mbiaé, volô’ô mone wôé na a yeme mfi ya su’u minta’ane mi mam mi Yéhôva éyoñ ése.