Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 31

Josué a Begabaonite

Josué a Begabaonite

Bôte ya mesi mefe be nga taté na ba wô’ô be kobô’ô ajô bon b’Israël. Nde bejô bôte ya mesi mete, be nga fulan a jô na, ba zu wosan ayoñ Israël. Ve Begabaonite be nga fas aval afe. Be nga jaé mintu biyé, a ke be Josué. Be nga jô nye na: ‘bia so mbia ôyap. Bi nga wô’ô mam mese Yéhôva a nga bo asu denan e si y’Égypte a si ya Moab. Nge mi bo bia ngaka’a na, mi aye ke wôé bia, bia ye bo bebo bisaé benan.’

Josué a nga buni mam be nga jô nye, ane a nga ka’ale be na a ye ke wosane be. Mvuse melu melal, nde a zu yemelane na, be nji be be so’o ôyap. Be mbe bôte ya Canaan. Nde a nga sili be na: ‘Amu jé mi nga du’u bia?’ Be ve yalane nye na: ‘Bi nga ko woñ! Bia yeme na Yéhôva a ne ngame jenan. Éngôngo, te mia wôé bia.’ Nde Josué a nga jô’é na be nyiñ.

Éyoñe mon éyoñ a lôteya, ane bejô bôte betan ya Canaan, a minkan bezimbi miap, be nga zu wosane Begabaonite. Éyoñe  Josué a nga wô’ô de, a nga nyoñe nkane bezimbi wé a ke volô Begabaonite. Mewosane me nga taté ndibe tyé ya môs ô nga tôé. Nde bôte ya Canaan be nga taté na ba tup. Ve Yéhôva a mbe a lume’ be mekok, meko’o mete me mbe me so’o yôb, me kele bi be vôme be mbe be tubuk. Nde Josué a nga jô Yéhôva na, a bo na jôp é tebe. Jam ete e mbe e ngenane te tame bobane môs éziñ. Nde amu jé Josué a nga sili ñhe Yéhôva avale jam ete? Amu a mbe a too Yéhôva ndi. Jôp é nji dim akekui bon b’Israël be nga mane wôé bejô bôte ya Canaan, a minkane bezimbi miap mise.

“Nkobô wônan ô bo’o ve yaa, yaa; momo, momo! Mam ma bebe yôbe valé ma so be mbia môt.”​—Matthieu 5:37, Mfefé Nkôñelan