Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 27

Be nga bo Yéhôva éngana’a

Be nga bo Yéhôva éngana’a

Éyoñe bone mimbu mi lôteya, valé bon b’Israël be ngenan nkôte si, Qorah, Dathan, Abiram, a bôte befe 250 be nga bo Moïse éngana’a. Be nga jô nye na: ‘Bi te’eya a mia! Mia mia dañe dañe jé? Moïse li, ntebe ôsu y’ayoñ, Aaron ki li, beta pretre. Yéhôva a nji bo Zambe wônan étam, a ne Zambe ya ayoñ ése.’ Yéhôva a nji wô’ô jam ete mvaé. A nga viane yene na, nnye be mbe be biasé’é!

Moïse a nga jô Qorah a bôte be mbe ngame jé na: ‘Za’ané tabernacle akiti, mi so’o fe bisua ba di’i bie encens, encens a to njalan été. Yéhôva émien a ye liti za a ne éngôé.’

Môs ô nga tôé valé, Qorah a bôte 250 be nga ke tôbane Moïse e tabernacle. Nde be nga taté na ba di’i encens, a to ke na, be nji be bepretre. Yéhôva a nga jô Moïse ba Aaron na: ‘kanda’an a Qorah a bôte bé.’

Qorah a nga ke koone Moïse e tabernacle été, ve Dathan, Abiram, a menda me bôte map me nga bene ke. Yéhôva a nga jô bone b’Israël na, be kôlô vôme menda me Qorah, Dathan a Abiram me né. Été été, bone b’Israël be nga kôlô. Dathan, Abiram, a bôte  ya menda me bôte map, be nga li’i be tele mimbé ya menda bindélé map. Bôte be nga tem si é nga taté na ja salé, ane é nga mine be. E tabernacle été ki, nduan é nga so yôp, é taté na ja di’i Qorah a bôte 250 be mbe ngame jé.

Éyoñ éte Yéhôva a nga jô Moïse na: ‘Nyoñe’e ntume ntebe ôsu ya menda me bôte mese ya Israël, a tili’i éyôlé môt ase ntume wé. Ve ntume ya nda bôte Lévi, tili’i éyôlé Aaron. Kele’ futi mintume mite e tabernacle été, a ntum mia ye yen ô faa mesam, yemané na, môt a ne ntum ôte nnye me tobeya.’

Tyé kpwa, Moïse a nga soo mintume mise a kee mie betebe ôsu ya menda me bôt. Ntum Aaron ñwô ô nga faa mesam, a wum bibuma. Nalé a nga liti na, Yéhôva a tobeya Aaron na a bo beta pretre.

“Mi bo’o ba be tele mia ôsu mewôk, a tabe njôane wop si.”​—Behébreu 13:17