Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 26

Beloé si awôm a bebaé

Beloé si awôm a bebaé

Éyoñ ayoñ Israël é nga kôlô Nkôle Sinaï, é nga ke Kadès, é tyii nkôte si ya Paran. Éyoñe be kuiya, Yéhôva a nga jô Moïse na: ‘Lôme’e befam 12, be ke loé si ya Canaan, e si ma ye ve ayoñ Israël, ô nyoñe fame jia nda bôt ése.’ Ane Moïse a nga tobe befam 12 a jô be na: ‘Kelané Canaan, a yen nge si ya wôé é ne atek, nge bidi bia vu wôé. Jeñané na mi yem nge bôte ya wôé be ne atek nge ngu; nge ba nyiñe menda bindélé nge ke bitison.’ Ane be nga ke, ba be Josué a Caleb.

Be nga bulane mvuse melu 40. Be nga soo bibuma mevale meva. Be nga soo fe foé nyi: ‘Si éte é ne fo’o mvo’é, ve bôte ya wôé be ne ngul abui, a beta mimfin mia bômane bitisone.’ Ane Caleb a nga jô na: ‘Bi ne ngule ya dañe be. Enkelané!’ Ye wo yem jôm é nga bo na Caleb a kobô nalé? Amu ba Josué be mbe be futi’i ndi nleme jap be Yéhôva. Ve beloé si bevok be nga jô na: ‘Minsos! Bôte ya wôé be ne meyap ane beémômôtô! Ba ye ko’o bia ane bilok.’

Ane bone b’Israël be nga bili ate’e nyul. Be nga taté na ba kobô menyiñ, a jô na: ‘Entobané môte mfe a ye wuluu bia, bi bulan Égypte. Amu jé bia yiane ke wu si ya Canaan?’ Ve Josué  ba Caleb be nga jô be na: ‘Mia ko woñ amu jé? Te mia bo Yéhova melo. Yéhôva a ye kamane bia.’ Ve be nji vô’ôlô be. Be nga jeñe jeñe na be wôé Josué ba Caleb.

Yéhôva a nga yene jam ete aya? A nga jô Moïse na: ‘Ma kame fo’o na bon b’Israël ba bo ma melo, akusa bo mam mese me boya asu dap! Ba zu beta bo mimbu 40 nkôte si, akekui bese ba ye mane wu. Bone bap étam, a Caleb a Josué, mbe ba ye nyiñe si me nga jô na ma ye ve be.’

“A bôt mi abuni tyôtyoé, mi ako woñ amu jé?”​—Matthieu 8:26