Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 21

Ébubua awômô

Ébubua awômô

Moïse a nga jô Pharaon na a bo te tyele nleme yôp, amu a ye ke beta jeñe na a yene nye môs éziñ. Ve ôsusua na a kui nseñ, a nga jô nye na: ‘E zañ alu ji, ntôle mona fam ôse ya si y’Égypte wé wu, ataté mone wôé émien, akekui mone mbo ésaé wôé ase.’

Nde Yéhôva a nga jô bone b’Israël na be yame bidi biziñ; bidi bite bi mbe bi too ngum aval. A nga jô na: ‘Tobané mone ntômba nge ke mon ékela a bili ve mbu wua, mi wôé wô a futi metyi mé mimbé mienane yôp. Yamané tit, mi di fe je a belet é ne te mvusan. Mi jaé biyé a bikôndé, mi tabe nkômesane ya téé. Ma zu kôté mia alu di.’ B’Israélite be nga yiane wô’ô abui mevak nga?

E zañ alu, éngele Yéhôva a nga lôte menda mese y’Égypte. A nga wôé ntôle mone ya nda ése é nji be é bili metyi mbé yôp. Ve, a nji tebe menda mese me mbe me bili metyi mbé yôp. Mone wua a nga wu menda me bôte mese y’Égypte môs ôte, menda minkukum, a ma minzôzoé. Ve mon éziñe ya ayoñ Israël a nji wu.

Mone Pharaon émiene fe a nga wu. Pharaon a nji be ngule ya beta jibi jam ete. Ane a nga jô Moïse ba Aaron na: ‘Kelané. Kelané kañané Zambe wônan. Nyoñané biyeme bienan mi ke!’

 Alu éte, ngon é mbe abôm, ane b’Israélite be nga téé dulu a kôlô Égypte. Be mbe nta’an ane menda me bôte map me né, a ane meyoñe map me né. Be mbe bôte 600 000, teke lañe binga a bongô. Abui bôte ya meyoñe mefe be nga tôñe fe be, na be ke kañe Yéhôva. Ane bone b’Israël be nga bi éto fili!

Be nga tyi’i na bé bo be bo’o abôk mbu ôse, asu na be simesane môs ôte, amu môs ôte ñwô Yéhôva a nga nyii be. Be nga loon abô’ô ete na Pâque.

“Amu jame dina ébien, me nga [jô’é na ô ke ôsu a nyiñ] na, me aye liti ngule jam be wo, a na, jôé dam de aye kateban si nyô ése.”​—Beromain 9:17