Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 102

Nlitane Jean

Nlitane Jean

Nté ôse nlômane Jean ô nga to mimbôk ékôte mañe ya Patmos, Yésus a nga liti nye miñyenan 16, a bive’ela ya mam ma ye boban melu ma zu. Miñyenan mite mi mbe mi liti’i aval éyôlé Yéhôva ja ye bo mfuban, avale Éjôé jé ja ye so, a avale nkômbane wé wo ye bobane si, aval ane wo bobane yôp.

Ñyenan éziñ, Jean a nga yene Yéhôva a to étôto’o éto njôane jé e yôb été; bemvendé 24 be be’e bifumulu biyé a becouronne be or e minlô miap, be mbe be bôma’ane nye. Éfufub a biduñ bi mveñ bi mbe bi so’o éto njôan. Bemvendé 24 bete be nga luu mesu si, a kañe Yéhôva. Ñyenan ôfe, Jean a nga yene bizu’u bi bôt bi so’o meyoñ mese, a minkobô mise, bi kañe Yéhôva. A nga yene fe Mone ntômba, nnye ate a ne Yésus, a wulu’u be, a kele’e fe be vôme mendime ya ényiñ me né. Mvuse ya valé, ñyenan ôfe, Jean a nga yene Yésus a jô’é e yôp été a bemvendé 24. Ñyenan ô nga tôé valé, Jean a nga yene Yésus a ju’an a  dragon, nnye ate a ne Satan, a mimbia minsisime mié. Yésus a nga titane be yôp été, a wua be si.

Ane Jean a nga yeneMone ntômba a bôte 144 000 be tele Nkôle Sion. A yene fe ange a yele’e ézezañe yôp été, a jô’ô bôte na be ko Zambe woñ, a na, be ve Nye duma.

Ñyenan ôfe, a nga yene bita ya Harmaguédon bi boba’an. E bita bite, Yésus a nkane bita wé ba wosane mbia émo Satan. Ñyenan wo su’ulan, Jean a nga yene mvo’é é to yôp a si. Satan a mvoñe bôte jé be tyambaneya. Môt ase, e yôp a si, a semé jôé Yéhôva ane eyôlé é ne étyi, a kañe fe ve nye étam.

“M’aye fe bo ziñ zañe mia minga, a zañ mvoñe jôé a mvoñe jé: a ye tibi wo nlô, wo, w’ aye lôpe nye étimekili.”​—Metata’a 3:15