Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 90

Yésus a wu Golgotha

Yésus a wu Golgotha

Bemie bepretre be nga kee Yésus nda njô bôt. Ane Pilate a nga sili be na: ‘Mbia jame mbé môte nyi a te bo?’ Ane be nga jô nye na: ‘A ke a yôtane vôm ase na a ne njô bôt!’ Nde Pilate a nga sili Yésus na: “Ye ô ne Njô Bejuif?” Yésus na: “Éjôé jam é nji bo éjôé ya si nyô.”

Ane Pilate a nga lôme Yésus be Hérode, njô bôt ya Galilée, nge a ne yemelan ajô ba bôte Yésus. Hérode a nji kui na a yem ajô be mbe be bôte Yésus, ane a nga beta nye lôm be Pilate. Ane Pilate a nga jô bôte na: ‘Bia Hérode bi nji yen mbia jam môte nyi a te bo. Ajô te, ma zu nye suu.’ Ane bôt be nga jô na: ‘Wôé nye! Wôé nye!’ Nde bezimbi be nga yit nye a nkasa, be tui fe nye meden asu. Ane be nga jalé nye couronne biyo nlô, a kpwe’ele nye, be jô’ô na: ‘Mbôlô, a Njô Bejuif.’ Nde Pilate a nga beta jô bôte na: ‘Ma jô na me lôô ki mbia jam môte nyi a te bo.’ Ve be nga ke ôsu a jô na: “Tyelé nye élé yôp!” Ane Pilate a nga jô’é na be wôé nye.

Be nga kee Yésus vôm ba loone na Golgotha, a tyelé nye élé yôp. Yésus a nga ye’elan, a jô’ô na: ‘A Tat, jamé’é be, amu ba yeme ki jôm ba bo.’ Ane bôt be nga taté na ba kpwe’ele Yésus, be jô’ô na: ‘Nge ô ne mone Zambe, susuk! Nyii womien.’

Mbo mam abé a mbe nye fefel a nga jô nye na: “Ô simesa’ane ma éyoñ wo aye kui Éjôé jôé.” Ane Yésus a nga ka’ale nye na: “Bia wo bi aye tabe Paradis.” E mame ngôé, dibi é nga vine si ése tañe mewolo melal. Beyé’é bé be mbe be tele fefel, Marie nyia Yésus a mbe fe valé. Yésus a nga jô Jean na, a li’i a ba’ale’e Marie, ane a ba’ale nyia wé.

Yésus a nga su’ulane jô na: “E bobaneya!” Ane a nga luu asu si, a suu mvebe. Éyoñ éte beta mfô’ôsane si a nga bo.  Ane éndélé é mbe temple été é nga nyabé zañ. Nde évete bezimbi é mbe valé é nga jô na: ‘Môte nyi a mbe fo’o Mone Zambe.’

“A mengaka’a me Zambe mese me ne yaa e be nye.”​—2 Becorinthien 1:20, Mfefé Nkôñelan