Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

Ngô’é Yésus a nga kandane di a beyé’é bé

Ngô’é Yésus a nga kandane di a beyé’é bé

 ÑYE’ELAN 87

Ngô’é Yésus a nga kandane di a beyé’é bé

Bejuif be mbe be bo’o abô’ô Pâque Ngone Nisan é too melu 14, mbu ôse. Abô’ô ete e mbe e bo’o na be simesan avale Yéhôva a nga kôté be minkôm Égypte, a kee be Si ya Ntiñetan. Mbu 33 ya É.J., Yésus a beyé’é bé be nga ke nda éziñe ya Jérusalem. Éyoñ be maneya di, Yésus a nga jô be na: ‘Wua ya be mia a ye koñe ma.’ Ane be nga kam a sili nye na: ‘Za?’ Nye’e na: ‘Môte ma zu ve belete nyi.’ Ane a nga ve Judas Iscariot éfuse belet. Judas ve dañ atan.

Mvuse ya valé, Yésus a nga ye’elan, éyoñ éte a nga be’e bifus bi belet, a kalane bie minlôman mi nga li’i a nye a jô’ô na: ‘Ja’ané belete nyi. É ne ndeme ya nyôle jam ma ye ve asu denan.’ Ane a nga beta ye’elan asu won, a kalane nye minlômane mié, a jô’ô na: ‘Nya’ané wone nyi. A ne ndeme ya metyi mam ma ye ve asu njamane minsem. Ma bo mia ngaka’a na bia be mia bia ye jôé yôp. Bo’one mi bo’o de mbu ôse, mi simesa’ane ma.’ Beyé’é be Yésus ba bo jam ete mbu ôse. Ba loon ésulan éte dene na, Tawola Tate.

 Éyoñ be maneya di, beyé’é bé be nga taté na ba sañetane na be yeme za ya be be a dañe ba bevok. Ve Yésus a nga jô be na: ‘Môt a yen émien a ne mongô nnye a dañ.

Mi ne bemvôé bam. Ma kate mia mam mese Ésa wom a yi na me kate mia. Me mbeme ke yôp, be Ésa wom. Mi mia li’i, ve bôte ba ye yeme na mi ne beyé’é bam nge mia nye’esan. Môt ase ya be mia a yiane nye’e nyô mbok avale me nga nye’e mia.’

Nde Yésus a nga ye’elane Yéhôva na, a ba’ale beyé’é bé bese. A nga jô nye na, a volô be na be saé mvo’é été. A nga ye’elan na jôé Yéhôva é bo mfuban. Ane ba be minlômane mié be nga yia Yéhôva bia, a kui nseñ. Éyoñ be mbe na ba bi nye é mbe é nga zu kui.

[Ôsimesane ya ba’ale ya afep 205]

“Te [mia] ko woñ, a [mone nsamba mintômba]; amu Ésoo wônan a nga yene mvaé ya ve mia Éjôé.”​—Luc 12:32, Mfefé Nkôñelan

[Encadré ya afep 205]

Minsili: Yésus a nga bo beyé’é bé ngaka’a fé? Mam mevé a nga ye’ele be ngô’é ba be be be nga kandane di?

Matthieu 26:20-30; Luc 22:14-26; Jean 13:1, 2, 26, 30, 34, 35; 15:12-19; 17:3-26