Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 88

Ba bi Yésus

Ba bi Yésus

Yésus ba minlômane mié ba ke ba wulu Nje’ese ya Kédroñ, Nkôle Beolivier. Zañ alu é lôteya, ngon é nto abôm. Éyoñe be nga kui afube ya Gethsémané, Yésus a nga jô be na: “Taba’ane va, mi mombô’ô.” Ane Yésus a nga ke ôsu ôbe nté, a kute meboñe si. Nlem ô mbe nye abé, ane a nga ye’elane Yéhôva, a jô’ô na: “Nkômbane wôé ô boba’an.” Ane Yéhôva a nga lôme ange na a ve nye ngule nyul. Éyoñe Yésus a nga bulan, a nga ke koone minlômane mié mila mi too ôyo melom. Nde a nga jô be na: ‘Veané ôyo! Sa ke awolo ya ke ôyo di! Besiñe bam be zuya ma bi.’

Mvuse ya valé, Judas a nga suan a nsamba bezimbi ô bili minkpwaté mekôn a mimbeñ. A mbe a kôme yem vôm be ne koone Yésus, amu a mbe a jaéya zu valé a Yésus. Judas a nga kate bezimbi na é liti be za a ne Yésus. Ane a nga subu Yésus bebé a jô nye na: ‘Mbôlô a Ñye’ele,’ ane a nga wubane nye. Nde Yésus a nga jô nye na: ‘A Judas, wo bele koñe ma?’

Ane Yésus a nga sili nsamba bôte ô mbe valé na: “Mia jeñe za?” Be nga jô nye na: “Yésus ya Nazareth.” Ane a nga yalane be na: “Ma nyi,” bôte ve zu sulane tyia. Ane Yésus a nga beta be sili na: “Mia jô jô na mia jeñe za?” Ane be nga beta yalane na: “Yésus ya Nazareth.” Ane a nga jô be na: ‘Me jôya mia na ma me ne nye. Jô’ané bôte ba be ke.’

Éyoñe Pierre a yemeya jam da boban, ane a nga nyoñ nkpwaté mekôn, a tyi’i alo Malchus, mbo ésaé beta pretre. Ve Yésus a nga nambe alo dé, a saé nye. Ane a nga jô Pierre na : ‘Na’ane nkpwaté mekône wôé. Amu nge wo juan a nkpwaté mekôn, ba ye fe wôé wo a nkpwaté mekôn.’ Ane  bezimbi be nga bi Yésus a ka’a nye mo, minlômane mié ve tup. Nde beta nsamba bôt ô nga kee nye be Anne, évete bepretre. Anne ki a nga sili Yésus minsili, a lôme fe nye nda Caïphe, Beta Prêtre. Ve jé é nga kui minlôman?

“Mi aye yen abé si nyô: vola’ane minlem; me dañeya si nyô.” ​—Jean 16:33