Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 80

Yésus a tobe minlôman awôm a mibaé

Yésus a tobe minlôman awôm a mibaé

Éyoñ Yésus a kañeteya mbu wua a étun, a mbe a yiane nyoñe ntyi’an ô mbe ôbe ayaé. Bôte bevé a ye top na ba be nye be kee ésaé nkañete ôsu? Bôte bevé a ye ye’ele asu na be bo betebe ôsu ya akônda Bekristen? E mbe e sili’i na Yéhôva a volô nye nyoñe mbamba mintyi’an. Nde a nga ke étam nkôl, a ye’elane Yéhôva ngum alu. Tyé kpwaa, Yésus a nga sulane beyé’é bé, a tobe beyé’é 12 na be bo minlômane mié. Wo yem biyôlé minlôman tañ aya? Mi mbe jôé na Pierre, André, Jacques, Jean, Philippe, Barthélémi, Thomas, Matthieu, Jacques mone Alphée, Thaddée, Simon, a Judas Iscariote.

André, Pierre, Phillippe, Jacques

A mbe a kele’e mie vôm ase. Éyoñ a maneya ye’ele mie, a nga lôme mie na mi ke kañete. Yéhôva a nga ve be ngule ya saé bôt a vaa mimbia minsisim.

Jean, Matthieu, Barthélémi, Thomas

Yésus a mbe a too be ndi, a loone be na bemvôé bé. Bepharisien be mbe be buni’i na minlôman mi ne ndiman, a zezé bôt. Ve Yésus a nga kôme ye’ele be ésaé jap. Be mbe a  Yésus biyoñ bi nga dañe mfi ényiñe jé si va, ôsusua na a wu, a éyoñ a wômôya miñwuan. Abui ya été e mbe bôte ya Galilée ane Yésus. Bevo’o be mbe nlu’an.

Jacques mone Alphée, Judas Iscariot, Thaddée, Simon

Minlôman mi mbe fe mi bo’o bikop ane môt ase. É mbe é kui na mi kobô teke fas, nge ke na mi nyoñe mbia mintyi’an. Biyoñ biziñ mi mbe avôle ya yaa. Mi nga sañetane fe na mi yem za a dañe mfi. Ve mi mbe mbamba be bôt, mi mbe mi nye’e Yéhôva. Éyoñe Yésus a nga bulane yôp, mmie mi nga be bôte b’ôsu ya akônda Bekristen.

“Me nga loone mia na bemvôé, amu na e mam mese me nga wôk e be Ésaa wom, me maneya bo na mi yeme me.”​—Jean 15:15