Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 65

Esther a nyii bôte bé

Esther a nyii bôte bé

Esther a mbe ngone Bejuif, a mbe a nyiñe Suse, tisone ya Perse. Nebucadnetsar nnye a nga kee nda bôte jé minkôme wôé. Mordekaï nnye a nga yale nye; beésa bap be mbe bobenyañ; Mordekaï a mbe mbo ésaé Assuérus, njô bôte ya Perse.

Njô bôt Assuérus a mbe a jeñe’e mfefé minga. Bebo bisaé bé be nga soo nye bobebinga be mbe be dañ abeñe si jé, Esther a mbe wua ya été. Njôô a nga tobe Esther. Mordekaï a nga jô Esther na, a bo te kate môte na a ne ngone Bejuif.

Mbia môt a mbe si éte a to jôé na Haman, nnye a mbe a jôé bivete bise. A mbe a yi na bôte be luu mesu si éyoñ a lôt. Mordekaï a nji de bo, ane Haman a nga wô’ô mbia ôlun, a taté na a jeñe na a wôé nye. Éyoñ a yemeya na Mordekaï a mbe mone Bejuif, ane a nga bôndé fe’e ya wôé Bejuif bese ya Perse. A nga jô njô bôte na: ‘Bejuif be ne mbia be bôt; wo yiane wôé be.’ Nde Assuérus a nga jô nye na: ‘Bo’o aval ô lôô,’ a ve fe nye ngule ya kuli atiñ. Ane Haman a nga kuli atiñ é jô’ô bôte ya Perse na, be wôé Bejuif bese môse 13 ya ngon Adar. Yéhôva a mbe a yene’e jam ete.

Esther a nji be a yeme’e de. Ane Mordekaï a nga lôme nye kalate atiñ, a jô fe nye na: ‘Kele’e kobô njô bôt.’ Ve Esther a nga jô na: ‘Môt ase a tebe njô bôt ôsu teke na a te bañete nye a ne wu. Njô bôte ki a boya melu 30 teke bañete ma! Ve ma zu ke. Nge a same ma ntume wé, ma ye nyiñ. Nge nalé momo, ma ye fo’o wu.’

Ane Esther a nga ke be njô bôt. Éyoñ njô bôt a nga yene nye, a nga same nye ntum éjôé. Ane Esther a nga ke koone nye, nde njôô a nga sili nye na: ‘A Esther wom, jé me ne bo asu dôé?’ Nye’e na:  ‘Ma bañete mia Haman nda jam.’ Éyoñ be soya, Esther a nga beta bañete be abô’ô afe. Abô’ô ete, njôô a nga beta sili Esther na: ‘Jé me ne bo asu dôé?” Nde a nga yalane na: ‘Môt éziñ a kômbô wôé ayoñ dam a mamien. Éngôngo, nyii bia.’ Nde njô bôt a nga sili nye na: ‘Jé aa? Za a kômbô wôé wo?’ Ane Esther a nga liti Haman ônyui a jô’ô na: ‘Mbia môt ate nyi.’ Assuérus ve zu wô’ô ôlun, ane a nga jô na be wôé nye été été.

Ve, ja’a njô bôt émien a nji be ngule ya tyam atiñ Haman a nga kuli. Ajô te, njô bôt a nga telé Mordekaï évete ya bivete bise, a ve fe nye ngule ya kuli mfefé atiñ. Ane Mordekaï a nga kuli atiñ é va’a Bejuif ngule ya kamane bebien. Môse 13 ya ngon Adar, Bejuif be nga wosane besiñ bap a dañe be. Ane be nga taté na ba simesane môs ôte mbu ôse.

“Be aye ke mia be bejô bôt be ne tyôtoé a ba be ne anen amu ajô dam, nalé mi aye liti bôte bete a meyoñ me ne te yeme Zambe ane mi abuni.”​—Matthieu 10:18

NGE WO KOMBÔ YEM ABUI MAM

BEVIDÉO YA ATATA’A BEKALATE YA BIBLE

Atata’a kalate Esther

Beta be mam be nga bobane éyoñ Esther ba ye ve wo ngule nyul na, dene fe, Yéhôva a ne ngule ya kôté bebo bisaé bé éyoñe be tele minjuk été.