Kele vôm ô ne lañe de

Kele sous-menu

Kele tep

Bengaa be Yéhôva

Bulu

Miñye’elane ya Bible asu bongô

 ÑYE’ELAN 66

Esdras a nga ye’ele Metiñe me Zambe

Esdras a nga ye’ele Metiñe me Zambe

Éyoñ mimbu bebé 70[1] mi lôteya, abui Bejuif e nga bulane Jérusalem, ve abim avok e nga ke ôsu a nyiñe minlame ya Perse. Esdras a mbe wua ya été, a mbe prêtre a mbe a ye’ele bôte Metiñe me Yéhôva. Éyoñ a nga wô’ô na Bejuif ya Jérusalem ba tôñe ki Metiñe me Zambe, a nga yi na a ke volô be. Artaxerxès, Njô bôte ya Perse a nga jô nye na: ‘Zambe a nga ve wo fe’e ya ye’ele Metiñe mé. Kelek, ô ne fe ke a môt ase a yi na a tôñe wo.’ Ane Esdras a nga sulane bôte bese be mbe be kômbô’ô bulane Jérusalem. Éyoñ be ye’elaneya Yéhôva na a botane dulu dap, ane be nga téé dulu.

Be nga kui Jérusalem mvuse ngon ényin. Bivete bi nga jô Esdras na: ‘Bon b’Israël be boya Yéhôva melo, be maneya lu’u binga ba kañe bezambe befe.’ Esdras a nga bo aya? A nga kute meboñe si bôt été, a taté na a ye’elan a jô’ô na: ‘A Yéhôva, ô boya abui mam asu dangan, ve bi’i ki bi betaya seme mise môé.’ Ane bese be nga jôban abé dap, ve be nga ke ôsu a bo mbia be mam. Ane Esdras a nga tobe bemvendé a betyi’i mejô na be tame fas ajô ete. Éyoñ ngon élal é lôteya, be nga titane bôte bese be nga bene kañe Yéhôva.

Mimbu awôm a mibaé mi nga lôt.[2] Nté ôte ôse, be mbe fe be lôñe’e mimfine ya Jérusalem. Ane Esdras a nga sulane bôte bese na be wô’ô nlañan ya kalate Metiñ. Éyoñ Esdras a nga yoé kalate ate, bôte bese be nga tebe tetele. A nga taté lu’u Yéhôva, a bôte be nga bete mo yôp. Éyoñ éte a nga taté na a timine be Metiñ, be’e ke be kôme vô’ôlô. Be nga su’ulane meme na be nga lume Yéhôva mvus, ane be nga taté na ba yôn. Môs ô nga tôé valé, Esdras a nga ke ôsu a lañe be kalate Metiñ. Nde be nga yemelane na môs Abô’ô Bibem ô nto bebé. Ane be nga taté na ba kômesane de été été.

 Môse zangbwale ya abô’ô ete, ayoñ ese e nga vak a ve Yéhôva akiba amu e nga kôan abui bidi. Nté ane Josué a nga wu, be nji yen Abô’ô Bibem éfe é too abeñ ane dili. Éyoñ abô’ô e maneya, bese be nga sulane vôme wua a ye’elane Yéhôva ana: ‘A Yéhôva ô nga kôté bia minkôm, ô nga toñe bia nkôte si, ô ve fe bia mbamba vôme ya tabe. Ve bi nga ke ôsu a bo wo melo. Nde ô nga lôme bia bekulu mejô bôé, ve bi nji vô’ôlô be. Ve ô nga ke ôsu a jibi bia. Ô nji vuan élat ô nga bo a Abraham. Ajô te, bia ka’ale wo môse wu na, bia zu wo bo mewôk.’ Ane be nga tili ngaka’a éte, bivet, beprêtre a belévite be sane je.

“Ébotan a bôt ba wô’ô mejô me Zambe a ba’ale me.”​—Luc 11:28

NGE WO KOMBÔ YEM ABUI MAM

BEVIDÉO YA ATATA’A BEKALATE YA BIBLE

Atata’a kalate Esdras

Yéhôva a nga tôé ngaka’a a nga bo na, a ye va Bejuif minkôm a beta telé nya ékaña’a Jérusalem.