Kele vôm ô ne lañe de

Kele tep

Bengaa be Yéhôva

Tobôk nkobô Bulu

Miñye’elane ya Bible asu bongô

Kalate nyi a bili abui minkañete, ataté nkañete ya ntéane biôm, abialé a ésaé nkañete Yésus akekui éyoñ Éjôé Zambe ja ye so.

Kalate Tin ékôan

Aval avé bia yiane belane kalate nyi?

ÑYE’ELAN 1

Zambe a nga té yôp a si

Bible a jô na Zambe a nga té yôp a si. Ve ye wo yem amu jé a nga taté té éngele wua ôsusua na a té biôme bivo’o bise?

ÑYE’ELAN 2

Zambe a nga té fam ôsu a minga ôsu

Zambe a nga té fam ôsu a minga ôsu, a futi be afube Éden. A mbe a yii na be bôndé nda bôt ôsu, a bo na si ése é bo paradis.

ÑYE’ELAN 3

Adam ba Ève be nga bo Zambe melo

Élé ya zañ afube Éden é mbe ngum aval, amu jé? Amu jé Eve a nga di ébuma ya élé te?

ÑYE’ELAN 4

Ôlune wo tindi nye na a wôé môt

Zambe a nye’e metuna’a me Abel, ve a vini ma me Caïn. Éyoñe Caïn a yemeya de, a wô’ô mbia ôlun, a tyi’i na a zu bo mbia jam.

ÑYE’ELAN 5

Arche Noé

Éyoñ beéngele be nga bo éngana’a be nga lu’u binga, bone be nga biaé a binga bete be mbe mbia ngul a njet. Ane évô é nga jaé si ne lut. Ve Noé nye a nji be nalé​—A mbe a nye’e Zambe, a bo’o fe nye mewôk.

ÑYE’ELAN 6

Bôte mwôm ba nyiine mfefé si

Mveñ é nga noñ tañe melu 40. Nde Noé a nda bôte jé be nga bo mbu wua a mvuk e arche été. Ane be nga su’ulane kui nseñ.

ÑYE’ELAN 7

Nkume ya Babel

Bôte béziñ be nga tyi’i na ba zu lôñe tison a beta nkume nda. Amu jé Yéhôva a nga bo na, be taté na ba kobô abui minkobô atemetem?

ÑYE’ELAN 8

Abraham ba Sara be nga bo Zambe mewôk

Amu jé Abraham ba Sara be nga li’i nda jap Our na ba ke nyiñ ane mintabe e si ya Canaan?

ÑYE’ELAN 9

Be biaéya mon!

Aval avé Yéhôva a nga ye tôé ngaka’a a nga bo Abraham? Ngaka’a te é nga ye tôéban a zene ya mone mbé?​—Ye Isaac, ye Ismaël?

ÑYE’ELAN 10

Simesa’ane jam é nga kui minga Lot

Zambe a nga bo na nduan a soufre be noñ e Sodome a Gomorrhe. Amu jé Zambe a nga tyame betisone bete? Amu jé bia yiane simesane jam é nga kui minga Lot?

ÑYE’ELAN 11

Mbunane wé wo tebe meve’ele été

Zambe a nga jô Abraham na: ‘Nyoñe atyi’i mone dôé, ô ve ma nye metuna’a nkôle Morija.’ Aval avé Abraham a nga dañe meve’ele mete?

ÑYE’ELAN 12

Jacob a nyoñ éto ntôl

Isaac ba Rebecca be nga biaé mimbias, biyôlé biap bi mbe Ésaü a Jacob. Mbôl Ésaü nnye a nga taté bialé, nnye a mbe a yian éto ntôl. Amu jé a nga fol éto ntôle jé a ésua bidi?

ÑYE’ELAN 13

Jacob ba Ésaü ba late ngbwa

Amu jé éngele a nga botane Jacob? A aval avé a nga late ngbwa a Ésaü?

ÑYE’ELAN 14

A bo Zambe ésaé a too ôlo

Akusa bo Joseph a mbe zôsôa môt, a nga ke ôsu a tôbane minjuk. Amu jé?

ÑYE’ELAN 15

Yéhôva a nji vuane Joseph

Akusa bo na Joseph a mbe ôyabe a nda bôte jé, Zambe a nga liti na nnye a ba’ale nye.

ÑYE’ELAN 16

Za a mbe Job?

A nga bo Yéhôva mewôk ja’a éyoñe nalé a mbe ayaé

ÑYE’ELAN 17

Moïse a tobe na a bo Yéhôva ésaé

Fe’e Jokébed é nga bo na Moïse a bo teke wu a to mon.

ÑYE’ELAN 18

Mon élé a yôñe nduan

Amu jé nduan é nji di’i mon élé?

ÑYE’ELAN 19

Bibubua bilale bi ôsu

Pharaon a nga bo na ayoñe dé é tebe minju’u été amu mebune mé; a nga bene bo jam é mbe étua tyi’ibi ya bo.

ÑYE’ELAN 20

Bibubua bisamane bi nga tôñ

Aval avé bibubua bite bi mbe bi sela’an a bi bilale bi ôsu?

ÑYE’ELAN 21

Ébubua awômô

Ébubua te é nga be avale ngul é ne na, Pharaon a nga taté vuane mebune mé, nde a nga sili émiene si.

ÑYE’ELAN 22

Asimba ya évele mañ

Bibubua awôm bi nji wôé Pharaon, Ve ye a ye fo’o beta nyiñ évele mañ?

ÑYE’ELAN 23

Ba bo Yéhôva ngaka’a

Éyoñe be nga too Nkôle Sinaï, bone b’Israël be nga bo Yéhôva beta ngaka’a.

ÑYE’ELAN 24

Ba biasé ngaka’a jap

Nté Moïse a mbe a nyoñe metiñ awôm, ayoñ Israël é mbe é bo’o mbia nsem.

ÑYE’ELAN 25

Tabernacle asu ékaña’a

Be nga naan éwolo élat e tabernacle été.

ÑYE’ELAN 26

Beloé si awôm a bebaé

Josué ba Caleb be mbe be sela’an a beloé si bevok.

ÑYE’ELAN 27

Be nga bo Yéhôva éngana’a

Qorah, Dathan, Abiram, a bôte 250 befe, be nga kôme yeme za a ne Yéhôva.

ÑYE’ELAN 28

Éjakas Balaam ja kobô

Éjakas é nga yen jôme Balaam a nji kui na a yen.

ÑYE’ELAN 29

Yéhôva a tobe Josué

Melebe Zambe a nga ve Josué me ne fe volô bia den.

ÑYE’ELAN 30

Rahab a solé beloé si

Mimfine ya Jéricho mi nga mane bu’i. Ve nda Rahab é nga li’i é tele ne bip, a too ke na é mbe nlatan a mfin.

ÑYE’ELAN 31

Josué a Begabaonite

Josué a ye’elane Yéhôva ana: “A jôp, tebe’e!” Ye Zambe a nga vô’ôlô fo’o nye?

ÑYE’ELAN 32

Mfefé ntebe ôsu a biwôlô bi binga bibaé

Éyoñe Josué a wuya, bon b’Israël be nga taté na ba kañe bengulemelan. Be nga tôban étibela’a, ve be nga bi mvolan; mvolane te ô nga so be e be Ntyi’i mejô Barak, be Débora, a be Jaël a zeneya akône ya nda jé

ÑYE’ELAN 33

Ruth ba Naomi

Minkus mi binga mibaé mia bulan Israël . Ruth, minga wua ya été, a ke saé mefup, vôme Boaz a yene nye.

ÑYE’ELAN 34

Gédéon a dañ Bemadianite

Éyoñe Bemadianite be dañeya tibili be, bone b’Israël be nga ye’elane Yéhôva na a volô be. Aval avé mone nsamba bezimbi Gédéon a nga dañe bezimbi 135 000 ya Madian?

ÑYE’ELAN 35

Hanna a ja’é Yéhôva mon

Elkana a nyoñ Hanna, Peninna, a bone bé asu na be ke kañe Zambe e tabernacle e Shilo. Éyoñ be kiya kui, Hanna a nga ja’é Yéhôva mon. Mvuse mbu wua, Samuel a nga bialé!

ÑYE’ELAN 36

Ngaka’a Jephthé a nga bo

Ngaka’a évé Jephthé a nga bo, amu jé? ? Ngo jé é nga bo aya éyoñe é wô’ôya ngaka’a ésa a nga bo?

ÑYE’ELAN 37

Yéhôva a kobô a Samuel

Bon be Éli be mbe bepretre e tabernacle, ve be nji be be tôñe metiñe me Yéhôva. Samuel a mbe a sela’an a be, nde Zambe a nga kobô a nye.

ÑYE’ELAN 38

Yéhôva a nga ve Samson ngul

Zambe a nga ve Samson ngule ya wosane Bephilistin, ve Bephilistin be nga bi nye amu a nga nyoñ mbia ntyi’an.

ÑYE’ELAN 39

Njôô ôsu ya Israël

Yéhôva a mbe a va’a bon b’Israël betyi’i mejô na mbe be wuluu be, ve be nga viane yi njôô. Samuel a nga wo’o Samuel mbon na a bo njôô ôsu ya ayoñ, ve Yéhôva a nga su’ulane vaa nye éto. Amu jé?

ÑYE’ELAN 40

David ba Goliath

Yéhôva a nga telé David njôô ya Israël, a David a nga liti na a mbe nyô a yian.

ÑYE’ELAN 41

David ba Saül

Amu jé Saül a siñe David, David ki a bo aya?

ÑYE’ELAN 42

Jonathan a mbe éwôlô, a ba’ale fe élat

Mone njôô bôt a mbe beta mvôé David.

ÑYE’ELAN 43

Nsem Njô bôte David a nga bo

Abé ntyi’ane da soo abui minjuk.

ÑYE’ELAN 44

Temple asu Yéhôva

Yéhôva a nga kañese meye’elan me Salomon, ane a nga botane nye abui.

ÑYE’ELAN 45

Éjôé ja kandan

Bone b’Israël abui be nji beta kañe Yéhôva.

ÑYE’ELAN 46

Meve’ele ya Nkôle Carmel

Za ne nya Zambe? Ye Yéhôva? Ye Baal?

ÑYE’ELAN 47

Yéhôva a nga ve Élie ngule nyul

Ye wo simesane na nye fe a ye ve wo ngule nyul?

ÑYE’ELAN 48

Mone nkuse minga a wômô

Mesimba mebaé môse wua!

ÑYE’ELAN 49

Yéhôva a foñôsô Jézabel

Jézabel a nga bôndé fe’e ya wôé Naboth amu a nga kômbô wôlé nye afup! Yéhôva a nga yen abé dé.

ÑYE’ELAN 50

Yéhôva a kamane Josaphat

Mbamba Njô Josaphat a nga ye’elane Zambe éyoñe besiñe bé be nga jô na ba zu wosane Juda.

ÑYE’ELAN 51

Ngungule mone bezimbi a mona minga

Mona minga ya Israël a kate minga masa wé na Yéhôva a bili ngul ése​—ane Yéhôva a bo asimba jam.

ÑYE’ELAN 52

Beta nkane bita Yéhôva

Jé é nga volô mbo ésaé Élisée na a yeme na ‘Ba be ne a bia be ne abui a dañe ba be ne a be.’

ÑYE’ELAN 53

Jehojada a mbe ayo’o nlem

Prètre a mbe wulu ba’aba’a a Yéhôva a nji ko mbia njôô minga woñ.

ÑYE’ELAN 54

Yéhôva a nga liti Jonas fulu ôjibi

Jé é nga bo na beta kos a mine nkuli mejô Yéhôva éziñ? Aval avé a nga kôlô abume kos été? Sikôlô mbé Yéhôva a nga ve nye?

ÑYE’ELAN 55

Ange Yéhôva a nga kamane Ézéchias

Besiñ be Juda ba jô na Yéhôva a ye ke ba’ale bôte bé, ve ba du’u bebien!

ÑYE’ELAN 56

Josias a mbe a nye’e Atiñe Yéhôva

Josias a nga taté na a jôé a too mimbu mwom, a nga volô bôte bé na be kañe Yéhôva.

ÑYE’ELAN 57

Yéhôva a lôme Jérémie na a ke kañete

Mame Jérémie a mbe a kañete me nga bo na bemvendé be wô’ô ôlun.

ÑYE’ELAN 58

Jérusalem a tyameban

Yéhôva a lume bôte ya Juda mvus amu ba ke ôsu a kañe bivuse bezambe.

ÑYE’ELAN 59

Bendôman benyin be nga bo Yéhôva mewôk

Bendôman ya Juda be mbe ntindane ya ke ôsu a wulu ba’aba’a a Yéhôva ja’a nda njô bôt Nebucadnetsar.

ÑYE’ELAN 60

Éjôé ja ye tabe nnôm éto

Daniel a timine biyeyem bi Nebucadnetsar.

ÑYE’ELAN 61

Be nji buti mesu si

Schadrach, Mecshach a Abednego ba bene kañ éve’ela or njô bôte ya Babylone a nga bo.

ÑYE’ELAN 62

Éjôé é ne ane beta élé

Biyeyem Nebucadnetsar a nga bo bi mbe bi liti’i mam ma ye boban melu ma zu.

ÑYE’ELAN 63

Mintilane ya mfin

Mintilan mi nga kui éyoñ évé, a jé bifia ya été bi mbe bi tina’an?

ÑYE’ELAN 64

Daniel ébé bengbwengbwem

Ye’elane Yéhôva môs ôse ane Daniel!

ÑYE’ELAN 65

Esther a nyii bôte bé

Ja’a a mbe mone nyui a nneñ, Esther a nga bo minga njô bôt.

ÑYE’ELAN 66

Esdras a nga ye’ele Metiñe me Zambe

Éyoñ bon b’Israël be maneya vô’ôlô Esdras, be nga bo Yéhôva ngaka’a.

ÑYE’ELAN 67

Mimfine ya Jérusalem

Néhémie a nga wô’ô na besiñe bap ba kômbô zu wosane be. Amu jé a nji ko woñ?

ÑYE’ELAN 68

Élisabeth a biaé mon

Amu jé éngele a nga jô nnôm Élisabeth na a ye bo te kobô akekui mon é bialé?

ÑYE’ELAN 69

Gabriel a jome Marie

A kate nye foé ja ye tyendé ényiñe jé.

ÑYE’ELAN 70

Beéngele ba yôtan abialé Yésus

Beba’ale mintômba be nga wô’ô foé, be nga ke avôl avôl.

ÑYE’ELAN 71

Yéhôva a ba’ale Yésus

Mbia njôô a mbe a kômbô’ô wôé Yésus.

ÑYE’ELAN 72

Éyoñ Yésus a mbe mongô

Jé é nga bo na beye’ele ya temple be kam?

ÑYE’ELAN 73

Jean a kôme zen

Jean a nga su’ulane bo nkulu mejô. A nga ye’ele bôt na Messie a ne zen. Aval avé bôt be nga nyoñe mejô mé?

ÑYE’ELAN 74

Yésus a bo Messie

Jé Jean a mbe a kômbô’ô jô éyoñ a nga jô na Yésus a ne Mon Ntômba Zambe?

ÑYE’ELAN 75

Satan a ve’ele Yésus

Satan a nga ve’ele Yésus biyoñ bilal. Meve’ele mete me mbe mevé?

ÑYE’ELAN 76

Yésus a fubu temple

Amu jé Yésus a nga kôme nkasa a minkol a titane betite temple, a sô’ôlô fe betebele be bôte ba tyendé moné?

ÑYE’ELAN 77

Minga a ne anjeñ

Ngone ya Samarie ja kame na Yésus a kobô a nye. Amu jé? Yésus a nga kate nye jam a mbe a ngenane te kate môt; jam avé?

ÑYE’ELAN 78

Yésus a kañete mbamba foé ya Éjôé

A nga jô beyé’é bé béziñ na be zu bo ‘beyobe bôt.’ Mvuse ya valé, a nga ye’ele beyé’é 70 ésaé nkañete.

ÑYE’ELAN 79

Yésus a bo mesimba

Vôm ase a mbe, minkôkone mi mbe mi za’a be nye, a saé mie. A nga wômôlô mona minga éziñ miñwuan.

ÑYE’ELAN 80

Yésus a tobe minlôman awôm a mibaé

A nga tobe mie amu jé? Ye ô ngenan ô simesa’an biyôlé biap?

ÑYE’ELAN 81

Nkañete ya nkôle yôp

Yésus a nga ye’ele nsamba bôt mam me ne mfi abui.

ÑYE’ELAN 82

Yésus a ye’ele beyé’é avale ba yiane ye’elan

Yésus a nga jô beyé’é bé na ‘be ke ôsu’ a sili jé?

ÑYE’ELAN 83

Yésus a ve betoyini be bôte bidi

Asimba ete e nga liti na Yéhôva ba Yésus be ne avale bôt avé?

ÑYE’ELAN 84

Yésus a wulu mendime yôp

Tame ve’ele simesan jôme minlôman mi nga wô’ôtan éyoñ mi nga yen asimba Yésus a nga bo!

ÑYE’ELAN 85

Yésus a saé bôte môse Sabbat

Amu jé môt ase a nji be a nye’e mam Yésus a mbe a bo’o?

ÑYE’ELAN 86

Yésus a wômôlô Lazare

Yésus a nga taté na a yôn éyoñ a nga Marie a yônô’ô. Ve mili’i map me nga ji’a kôt amu avak be nga bi.

ÑYE’ELAN 87

Ngô’é Yésus a nga kandane di a beyé’é bé

Ngô’é a nga kandane di a beyé’é bé, Yésus a nga ve be mbamba melep.

ÑYE’ELAN 88

Ba bi Yésus

Judas Iscariot a kee nsamba bezimbi be bili minkpwaté mekôn a mimbeñ afube Gethsémané na be ke bi Yésus.

ÑYE’ELAN 89

Pierre a kate Yésus

Jé é nga boban señ ya nda Caïphe? A jé é nga kui Yésus?

ÑYE’ELAN 90

Yésus a wu Golgotha

Amu jé Pilate a nga jô na be wôé Yésus?

ÑYE’ELAN 91

Yésus a wômôya

Bitua bi mam bivé bi nga kui mvus awu Yésus?

ÑYE’ELAN 92

Yésus a yené be beyobe kos

Jé a nga bo asu na be yene nye?

ÑYE’ELAN 93

Yésus a ke yôp

Yésus a nga taté ve beyé’é bé memvinda.

ÑYE’ELAN 94

Beyé’é ba nyoñe mbamba nsisim

Mbamba nsisim a nga ve be ngule ya bo jé?

ÑYE’ELAN 95

Teke jôm éziñ é mbe ve telé be

Betebe ôsu ya miñyebe be nga wôé Yésus ba jeén éyoñe ji na be dibe beyé’é bé menyu. Ve be vo’o kui na be bo de.

ÑYE’ELAN 96

Yésus a tobe Saul

Saul a ne évô, a siñe fe Bekristen, ve jam ete e nga tyendé.

ÑYE’ELAN 97

Corneille a nyoñe mbamba nsisim

Amu jé Zambe a lôme Pierre nda môt a nji bo mone Bejuif?

ÑYE’ELAN 98

Ñyebe Bekristen wo kui abui mesi

Nlômane Paul a bobenyañe bé be nga taté na ba kañete mesi mesi.

ÑYE’ELAN 99

Mba’ale nda mimbôk a yem benya mejôô

How are a demon, an earthquake, and a sword all involved in this story?

ÑYE’ELAN 100

Paul ba Timothée

Bôte bete bebaé be nga saé nsamba, a be nga bo beta bemvôé abui mimbu.

ÑYE’ELAN 101

Paul a ke Rome

Abui minjuk é nga kui môse wuwua, ve nalé a nji te’e nlômane Paul.

ÑYE’ELAN 102

Mame Jean a nga yen

Yésus a nga liti nye miñyenan ya mam ma ye boban melu ma zu.

ÑYE’ELAN 103

“Éjôé jôé é za’ak”

Nlitane Jean wo liti aval Éjôé Zambe ja ye tyendé ényiñe si va.