Kele vôm ô ne lañe de

Kele sous-menu

Kele tep

Bengaa be Yéhôva

Bulu

Jé Kalate Zambe a ne ye’ele bia?

 KABETÔLÔ AWÔM A BAA

Aval avé ô ne bo mvôé Zambe?

Aval avé ô ne bo mvôé Zambe?

1, 2. Bemvôé be Yéhôva béziñe be mbe be za?

ZA WO kômbô bi ane mvôé jôé? Môte wo nye’e. Môte mia nye mia kôme wô’an. Môt a bili mefulu wo nye’e.

2 Yéhôva Zambe a nga tobe bôte béziñe na, be bo bemvôé bé. Abraham a mbe môte wua ya bemvôé be Yéhôva. (Ésaïe 41:8; Jacques 2:23) Yéhôva a mbe fe a nye’e David. A nga jô na David a mbe ‘môt a funane nleme wé.’ (Mam Minlôman 13:22) A nkuli mejô Daniel a mbe “nyô b’anye’e abui” mise me Yéhôva.​—Daniel 9:23.

3. Amu jé Abraham, David, a Daniel be mbe bemvôé be Yéhôva?

3 Aval avé Abraham, David, a Daniel be nga bo bemvôé be Zambe? Yéhôva a nga jô Abraham na: “Ô wô’ôya tyiñe jam.” (Metata’a 22:18) Yéhôva a bo amvôé a bôte ba sili bebiene si, a bo nye mewôk. Ja’a ngumba ayoñe bôt ô ne bo nye mvôé. Yéhôva a nga timine de ayoñ Israël: “Vô’ôla’ane tyiñe jam, a m’aye bo Zambe wônan, a mi aye bo bôte bam.” (Jérémie 7:23) Nde wo yiane bo Yéhôva mewôk, nge wo kômbô fo’o bo mvôé jé.

YÉHÔVA A BA’ALE BEMVÔÉ BÉ

4, 5. Aval avé Yéhôva a ba’ale bemvôé bé?

4 Kalate Zambe a jô na, Yéhôva a jeñe mezene ya “liti na a ne ngu mfa’a ngame ya ba minleme miap mi ne nya zôsôô be nye.” (2 Minkañete 16:9) E kalate  Besam 32:8, Yéhôva a ka’a bemvôé bé na: “M’aye ye’ele wo a liti wo zene w’aye ke. M’aye bôndé wo fek mise mame me lô wo.”

5 Ngungule nsiñe wo yi na bi bo te bo bemvôé be Zambe. Ve Yéhôva a kômbô ba’ale bia. (Lañe Besam 55:22.) Ane bemvôé be Yéhôva, bia kañe nye a nlem ôse. Akusa bo minjuk, bia wulu a nye ba’aba’a. A bi bili avale ndi nleme ntili Besam a mbe a bili. A nga tili mfa’a Yéhôva na: “Amu a ne me mbo nnôm, m’aye bo te fô’ôsan.” (Besam 16:8; 63:8) Aval avé Satan a jeñe na bi bo te bo bemvôé be Zambe?

SATAN A BÔTÉ BÔT AJÔ

6. Jé Satan a nga jô a lat a bôt?

6 E kabetôlô 11 bi nga yé’é na, Satan a nga soñe Yéhôva, a jô na a ne nlaane minsos a ékotekot. A mbe a simesane na Yéhôva a nga yiane jô’é na, Adam ba Ève bebiene be nyoñe ntyi’an ya mame me mbe mvo’é a ma me mbe abé. Kalate Job a ye’ele bia na, Satan a nga bôté fe bôte ba kômbô bo bemvôé be Zambe ajô. Satan a nga jô na, ba kañe Zambe sa ke amu ba nye’e nye, ve amu a bo be mam. A nga kui fe na a jô na, a ye bo na bôte bese be lume Zambe mvus. Ñyenané jôme bi ne yé’é nkañete Job a aval avé Yéhôva a nga ba’ale nye.

7, 8. (a) Yéhôva a mbe a yene Job aya? (b) Jé Satan a nga jô a lat a Job?

7 Za a mbe Job? A mbe mbamba môt a nga nyiñe den a nto mimbu 3 600. Teke môt éziñ a mbe ane nye e si. Job a mbe a bili beta ésemé be Zambe, a mbe fe a vini’i mbia be mam. (Job 1:8) Job a mbe nya mvôé Yéhôva.

8 Satan a nga jô na, Job a kañe Zambe amu mam  Yéhôva a bo nye. Satan a nga jô Yéhôva na: “Ke ô bômaneya nye nka’ale, a nda bôte jé, a biôme bise a bili, mimfa’a mise? Ô maneya fe botan ésaé ya mo mé, a biôme bié bi maneya foé si nyô. Ve tame same wo wôé éyoñe ji, a nambe biôme bise a bili, wôna a ye bene wo asu dôé.”​—Job 1:10, 11

9. Jé Yéhôva a nga jô’é na Satan a bo?

9 Satan a nga bôté Job ajô na, a kañe Yéhôva fo’o ve amu mam a ne bi be nye. Satan a nga jô fe na, a ne bo na Job a telé nkañane Yéhôva. Yéhôva a nji be tyiñ a Satan, ve a nga jô’é na Satan a ve’ele Job asu na, Satan a yeme na Job a mbe mvôé Yéhôva amu a mbe a nye’e nye.

SATAN A VE’ELE JOB

10. Aval avé Satan a nga ve’ele Job, a Job a nga yalan aya?

10 Jam ôsu Satan a nga bo, é mbe na be wup, nge mane wôé betite bese Job a mbe a bili. Nde fe, Satan a nga wôé abui bebo bisaé be Job. Job a nga mane jañele biôme bise a mbe a bili. E meve’ele me asu’ulan, Satan a nga bo na ôkôs ô wôé bone awôme bese Job a mbe a bili. Ve Job a nga ke ôsu a wulu ba’aba’a a Yéhôva. “Jam éte se, Job a nji bo abé, nge bo akute ya bo’olô Zambe jam.”​—Job 1:12-19, 22.

Yéhôva a nga botane Job amu a nga ba’ale amvôé dap

11. (a) Jé Satan a nga beta bo Job? (b) Job a nga yalan aya?

11 Satan a nji su’u valé. A nga soñe Zambe a jô’ô na: “Nambe nye bives a minsôn, wôna a ye bene wo asu dôé.” (Job 2:5, 7) A ne Satan a nga lume Job ôkon ô mbe mbia mintaé. Valé fe Job a nga a wulu ba’aba’a a Yéhôva. A nga jô na: “Akekui me suuya mvebe, ma ye bo te kôlô e zôsôô wom été!”​—Job 27:5, Mfefé Nkôñelan.

12. Jé Job a nga bo é nga liti na, Satan a mbe nlaane minsos?

 12 Job a nji be a yeme jôm éziñ a lat a mejô mese Satan a mbe a bôté nye, nge amu jé a mbe a tele abui minju’u été. A mbe a buni’i na, Yéhôva nnye a mbe a telé nye minju’u été. (Job 6:4; 16:11-14) Ve akusa bo nalé, Job a nga wulu ba’aba’a a Yéhôva. Teke bisô, Job a nji be a simesane ve émien. Job a mbe mvôé Yéhôva amu a mbe a nye’e nye. Satan a nga yené nlaane minsos!

13. Asu’ulane ya ñwulane Job a nga wulu ba’aba’a a Yéhôva é mbe aya?

13 Akusa bo Job a nji be a yeme jam é nga bobane Yôp été, a mbe a wulu ba’aba’a a Zambe, a nga liti fe na Satan a mbe mbia môt. Yéhôva a nga botane nye amu a nga ba’ale amvôé dap.​—Job 42:12-17.

AVALE SATAN A BÔTÉ WO AJÔ

14, 15. Satan a bôté befam a binga bese ajô avé?

14 Ô ne bi abui miñye’elan é so’o mame me nga kui Job. Melu ma, Satan a bôté bia ajô na, bia kañe Yéhôva asu mame bi ne bi be nye. E kalate Job 2:4 Satan a nga jô na: “Jôm ése môt a bili, a ye ve je ajô ényiñe jé.” Ajô te, Satan a jô na sa ke ve Job étam, ja’a befam a binga bese ba simesane fo’o ve bebien. Mintete mimbu mvus awu Job, Satan a nga ke ôsu a ta Yéhôva, a nga ke fe ôsu a bôté bebo bisaé be Yéhôva mejô. Éve’an é ne na, e kalate Minkana 27:11 bia lañe na: “A mone wom, bo’o fek, a ve nleme wome mevak, nde te m’aye yalane nyô a kobô ma abé [nge ta ma].”

15 Ô ne tobe na wo bo Yéhôva mewôk, a bo nya mvôé wé asu na ô liti na, Satan a ne nlaane minsos. Nge da kui na ô kômbô tyendé ényiñe jôé asu na ô  bo mvôé Zambe, jame wo ye bo ja ye bo mbamba jam! A ne beta ntyi’an. Satan a jô na wo ye telé na wo wulu ba’aba’a a Zambe éyoñe wo ye bi minjuk. A jeñe na, bi bo te wulu ba’aba’a a Zambe. Aval avé?

16. (a) Mezene mevé Satan a belane me asu na a bo na bôte be bo teke kañe Yéhôva? (b) Aval avé Diable a ne belane mezene mete asu na ô bo te kañe Yéhôva?

16 Satan a belan abui mezen asu na, bi bo te bo mvôé Zambe. A bo “aval ane ñbweñbwem je abam, a jeñe nyô a ne ngule ya bi.” (1 Pierre 5:8) Te tabe fe’e ne vema éyoñe bemvôé bôé, bôte ya nda bôte jôé, nge bôte befe ba jeñe na be telé ayé’é dôé ya Kalate Zambe a bo na, ô tele mbôane mam me ne mvo’é. Wo ye wô’ôtan ane ô tele meve’ele été. * (Jean 15:19, 20) Satan a veñesane fe émien “ane ange ya éfufup.” Nde a ne jeñe na bi bo Yéhôva melo. (2 Becorinthien 11:14) Zene fe Satan a belane je asu na a bo na bi telé nkañane Yéhôva é ne na, a bo bia na bi simesane na bi se ngule ya kañe Zambe amu mbia be mam bi nga bo.​—Minkana 24:10.

BO’O METIÑE ME YÉHÔVA MEWÔK

17. Amu jé bia bo Yéhôva mewôk?

17 Éyoñe bia bo Yéhôva mewôk, bia liti na Satan a ne nlaane minsos. Jé ja ye volô bia na bi bo mewôk? Kalate Zambe a jô na: “W’aye nye’e Yéhôva Zambe wôé a nleme wôé ôse, a nsisime wôé ôse, a ngule jôé ése.” (Deutéronome 6:5) Bia bo Yéhôva mewôk,  amu bia nye’e nye. Nté ôse nye’ane bia nye’e Yéhôva wo aye yaé, bia ye kômbô bo jôm ése a jô bia na bi bo. Nlômane Jean ô nga tili na: “jame dina nde é ne nye’ane Zambe, ane bi aba’ale metiñe mé: a metiñe mé me nji bo adit.”​—1 Jean 5:3.

18, 19. (a) Yéhôva a jô bia na mam mevé méziñe me ne abé? (Fombô’ô encadré “Vini’i mam Yéhôva a vini.”) (b) Aval avé bia yeme na Yéhôva a nji sili bia na bi bo mam bi se ngule ya bo?

18 Yéhôva a jô bia na mam méziñe mevé me ne abé? Bive’ane biziñe bi ne encadré a ne nlô ajô na, “ Vini’i mam Yéhôva a vini.” E di ôsu, ô ne simesane na, mam méziñe ya été me nji dañe bo abé. Ve éyoñe wo lañe bifuse ya Kalate Zambe a tu’a fase bie, wo ye wô’ô amu jé é ne mfi na, ô tôñe metiñe me Yéhôva. Ô ne fe wô’ôtan ane wo kômbô bo mintyendane miziñ ényiñe jôé. Ja’a ja ye bo ayaé biyoñe biziñ, nge wo tyendé, wo  ye bi mvo’é a meva’a m’aso amvôé dôé mia Yéhôva. (Ésaïe 48:17, 18) Aval avé bia yeme na ô ne ngule ya tyendé?

19 Yéhôva a nji sili bia môs éziñe na bi bo mame bi se ngule ya bo. (Deutéronome 30:11-14) Aval ane nya Mvôé, Yéhôva a yeme bia a lôté avale bia yeme bia bebien. A yeme mengule mangan a minné miangan. (Besam 103:14) Nlômane Paul wo ve bia ngul éyoñe wo jô na, “Zambe a ne nya mba’ale, nnye a ye bo te me’ete na, mi yene meve’ele me adañe ma mi ne ngule ya jibi; ve vôme ya meve’ele, a ye fe kôme zene ya va me été, nde mi aye bo ngule ya jibi me.” (1 Becorinthien 10:13) Bi ne tabe ndi na Yéhôva a ye ve bia kom ése ngule ya bo mbamba be mam. A ye ve wo “ngul é ne tee ave’an” asu na é volô wo na ô jibi minjuk. (2 Becorinthien 4:7, Mfefé Ñkôñelan) Éyoñe  nlômane Paul ô yeneya mvolan ôse Yéhôva a nga volô nye ayap éyoñ, ô mbe ve jô na “Me ne ngule ya bo mam mese be nyô a ve ma ngu.”​—Bephilippien 4:13.

YÉ’É NA WO NYE’E MAM ZAMBE A NYE’E

20. Mefulu mevé wo yiane vu a amu jé?

20 Nge bia kômbô bo mvôé Yéhôva, bia yiane jôé mboane mam Yéhôva a jô na me ne abé, ve bia yiane fe bo jam éfe. (Beromain 12:9) Bemvôé be Zambe ba nye’e mam a nye’e. Kalate Besam 15:1-5 a kate bia avale be ne. (Lañ.) Bemvôé be Yéhôva ba vu mefulu mé a ba liti “nye’an, mevak, mvo’é, njiban, [mbamba nlem, mvam, mbunan, nje’ebane nleme si, MN] njôane nlem.”​—Begalate 5:22, 23, Mfefé Nkôñelan.

21. Aval avé ô ne yé’é na wo liti mefulu Zambe a nye’e?

21 Aval avé ô ne yé’é na wo liti mbamba mefulu mete? Wo yiane yé’é mam Yéhôva a nye’e a zene ya lañ a yé’é Kalate Zambe éyoñ ése. (Ésaïe 30:20, 21) Nté wo bo de, nye’an ô bili be Yéhôva wo ye yaé. Avale nye’ane wo nye’e nye wo ye yaé, nde fe wo ye kômbô bo nye mewôk.

22. Jé wo ye bi nge wo bo Yéhôva mewôk?

22 Mintyendan ô ne kômbô bo ényiñe jôé mi ne ane wo va minnôme biyé a jaé mimfefé. Kalate Zambe a jô na wo yiane ‘va nnôme môt’ a jaé “mfefé môt.” (Becolossien 3:9, 10) Akusa bo na d’aye ke bo tyi’ibi, éyoñe bia tyendé a bo Yéhôva mewôk, a ka’a na a ye ve bia ‘beta ma’an.’ (Besam 19:11) Yaa, tobe na wo bo Yéhôva mewôk, a liti’i na Satan a ne nlaane minsos. Kañe Yéhôva, sa ke amu ma’ane méziñe melu ma zu ve amu wo nye’e nye, ndembene wo ye bo nya mvôé Zambe!

^ É.N. 16 Nalé a nji tinane na Satan nnye a tindi bôte bese ba bo na, ô telé ayé’é Kalate Zambe. Ve Satan a ne “zambe ya si nyô” a ‘si nyô ése é jô’ô mo mé.’ É nji ñhe bo fe’e ne vema éyoñe bôte ba jeñe na bi telé nkañane Yéhôva.​—2 Becorinthien 4:4; 1 Jean 5:19.