Kele vôm ô ne lañe de

Kele sous-menu

Bengaa be Yéhôva

Bulu

Ye bewu b’aye fo’o beta nyiñe?

Ye bewu b’aye fo’o beta nyiñe?

Wo ye yalane aya . . .

  • ôwé?

  • teké’é?

  • éyoñe éziñ?

 JÔME KALATE ZAMBE A JÔ

“Bôt be aye wômô mesoñ.”—Mam minlôman 24:15, Kalate Zambe.

ÑYEMAN ÔTE Ô NE VE WO JÉ?

Mvolane nlem éyoñe môte wôé a te wu.—2 Becorinthien 1:3, 4.

Wo ye ke beta ko bewu woñ.—Behébreu 2:15.

Nya ndi nleme na, ana’ana, wo ye beta nyiñe a bôte bôé be nga wu.—Jean 5:28, 29.

 YE BI NE FO’O BUNI MAME KALATE ZAMBE A KOBÔ?

Ôwé, mam melal ma ma liti nalé:

  • Zambe a ne Nten ya ényiñe. Kalate Zambe a loene nye na “anjeñe ya ényiñe.” (Besam 36:9; Mam minlôman 17:24, 25) Nge Nye a nga ve biôm bise bivee ényiñe, yeme fe na a ne ngul ya wômôlô môt a wuya.

  • Melu mvus Zambe a nga wômôlô bôt. Kalate Zambe a liti biyoñe muom na Zambe a nga wômôlô bongô, minnôm, befam a binga. Bôte b’éziñe be nga wômô valé be ndeme wu. Wua y’été a nga wômô valé a ntoo soñe melu menyine!—Jean 11:39-44.

  • Zambe a bili beta nkômbane ya beta bo nalé. Yéhôva a vini awu. A yene de ane nsiñ. (1 Becorinthien 15:26) A “bili nkômban” [“ne ôjeja’a”, NW] ya jañele awu a zene ya ñwômane miñwuane. Amu nalé, aye beta wômôlô bôte bese be ne ôsimesane wé été a bo be na be beta nyiñe si va.Job 14:14, 15.

 FASEK

Amu jé bia yômbô a wu?

Kalate Zambe a yalane nsili ôte e METATA’A 3:17-19 a BEROMAIN 5:12.