Kele vôm ô ne lañe de

Kele sous-menu

Bengaa be Yéhôva

Bulu

Za fo’o a jôé émo ji?

Za fo’o a jôé émo ji?

Ye . . .

  • Zambe?

  • môt a binam?

  • ye môte mfe?

 JÔME KALATE ZAMBE A JÔ

“Bi ayeme na, bi ne ba be ya Zambe, a si nyô ése é jô’ô be mbia môt ate.”1 Jean 5:19.

“Mone Zambe . . . a ye tyam mimboane mi mam mi diable.”1 Jean 3:8, Kalate Zambe.

JÔME ÑYEMAN ÔTE Ô NE VE WO

Wo ye kôme yem amu jé minjuk mi ne émo ji.Nlitan 12:12.

Wo ye yem amu jé bia buni na, si j’aye tyendé a bo angôndô ya abeñe.1 Jean 2:17.

 YE BI NE FO’O BUNI MAME KALATE ZAMBE A KOBÔ ?

Ôwé, mam melal ma; ma liti nalé:

  • Éjôé Satan é ne teke ndoñ. Yéhôva a tyi’iya na éndeñela’a Satan a ndeñele bone be bôte ja zu tebe. Émien a ka’a na a zu “tyame . . . Diable,” a mane fe kôm abé ése Satan a nga bô.Behébreu 2:14, Kalate Zambe mfefé nkôñelan.

  • Zambe a tobeya Yésus Krist na a jôé émo ji. Beta nkanda’ane a ne zañe Yésus a njejet, a mfôfom njôô ya émo ji. Zambe émien a ka’a na Yésus “a ye ko ntetek a nzôzoé môt éngongol a ye nyii ényiñe minzôzoé . . . A ye beta kôté énying jap mfa’a ya mvô a évô, a metyi map ma ye bo beta tañ e mise mé.”Besam 72:13, 14.

  • Zambe a ne teke laa minsos. Kalate Zambe a yemete na: “Zambe a se ngul ya duk.” (Behébreu 6:18) Éyoñe Yéhôva a kak na a zu bo jam, a ne fe ane nge jam éte é bobaneya! (Ésaïe 55:10, 11) “Njôé ya émo ji a zu vas.”Jean 12:31.

 FASEK

Éyoñe b’aye vaa Satan éjôé mo, si nyô j’aye funane jé?

Kalate Zambe a yalane nsili ôte e BESAM 37:10, 11 a NLITAN 21:3, 4.