Kele vôm ô ne lañe de

Kele sous-menu

Bengaa be Yéhôva

Bulu

Ye minjuk mi aye fo’o man?

Ye minjuk mi aye fo’o man?

Wo ye yalan aya . . .

  • ôwé?

  • teké’é?

  • éyoñe éziñ?

 JÔME KALATE ZAMBE A JÔ

“ Zambe . .  a ye fimi mili’i mese mise map; a awu de aye fe bo; nalé fe ôlun vi aye fe bo, nge ñyôn, nge mintaé.”Nlitan 21:3, 4, Kalate Zambe.

JÔME ÑYEMANE ÔTE Ô NE VE WO

M’aliti bia na Zambe a se ke nten ya minjuk miangan.Jacques 1:13.

Nlem ô bôô bia si amu bia yeme na Zambe fe a wô’ô mintaé éyoñe bi ne minju’u été.Zacharie 2:8.

Ndi nlem na, minjuk mise mi aye man.Besam 37:9-11.

 YE BI NE FO’O BUNI MAME KALATE ZAMBE A KOBÔ?

Owé, mam mebaé ma ma liti nalé:

  • Zambe a vini minjuk a ékotekote. Simesa’ane ane Zambe a nga wô’ô abé éyoñe ayoñe Israël é nga tôbane étibila’a. Kalate Zambe a jô na, nlem ô nga bo nye mintaé “ba be nga too be tibili’i be a lôté nné.”Betyi’i Mejô 2:18, Kalate Zambe.

    Zambe a wô’ô bôt b’atibili ba bevok angôndô ya abé. Kalate Zambe a jô na a vini “mo m’a kuli metyi bôte be ne te yeme ajô nseñ”.Minkana 6:16, 17.

  • Zambe a nyoñe môt ase ya be bia ngap. Sa ke ve wo étam wo “yem ébubua jôé a mintaé miôé” Yéhôva fe a yem mie!2 Minkañete 6:29, 30.

    Ana’ana, Yéhôva aye belane Éjoé jé na a mane vaa minjuk môt ase ya be bia a tôbane mie. (Matthieu 6:9, 10) Nté bia yange jamete, a volô minlem mi bôt b’ajeñe nye nya njeñane.Mam minlôman 17:27; 2 Becorinthien 1:3, 4.

 FASEK

Amu jé Zambe a jô’é na minjuk mi bi bia?

Kalate Zambe a yalane nsili ôte e BEROMAIN 5:12 a 2 PIERRE 3:9.

NGE WO KOMBÔ YEM ABUI MAM

MBAMBA MEFOÉ M’ASO BE ZAMBE!

Amu jé Zambe a jô’é na abé a minjuk mi kui?

Abé é nga taté aya, a Amu jé Zambe a nga jô’é na minjuk mi ke ôsu? Ye minjuk mi aye fo’o man môse éziñ?