Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngone nyini 2016

Minsili mi bôte ba lañe bekalate bangan

Minsili mi bôte ba lañe bekalate bangan

Jé é ne “betufa” (biôm ba ve éban) a “sitame” Zambe a ve ñwo’an ôse?—2 Bec. 1:21, 22, Mfefé Nkôñelan.

Melu mvus be mbe be bo’o na, be bôé jôm é ne émumus afep, éyoñe te môt a san a zu ba’é sitam afebe te

Betufa: Avale kalate éziñ a jô, éfia Grek ba kôñelane na, “betufa” e kalate 2 Becorinthien 1:22, é mbe “éfia ba belane je asu mam ya makit a mam ya metiñ.” Éfia te ja tinane na, “e ve ngabe moné ôsu, e ke naane moné vôm éziñ, e taté ve abime moné éziñ, a e vane jôm éziñ. A ne fe bo ndem ja liti na, mia môt mia te bo élat.” Mfa’a ya miñwo’an, kalate 2 Becorinthien 5:1-5 a kobô ajô ya tañe ja yian, nge ke ma’an me ne mbamba jam ba ye bi, nye a ne nyôle ya yôp. Nde fe ba ye ke beta wu.1 Bec. 15:48-54.

E Grek ya melu ma, ba belan éfia te éyoñe wo yemete a zene ya élondo, ngaka’a wo bo môt. Éve’ela te ja yian a bôt ba ye bo minga Krist.2 Bec. 11:2; Nli. 21:2, 9.

Sitam: Melu mvus, be mbe be sane a sitame na, jôme si nge jôme ka é nto énjôé, nge na mia môt mi kuiya tyiñ. Mfa’a ya miñwo’an, be mbili “sitame” nge ke na, be nto bôte be Zambe a zene ya mbamba nsisim. (Beé. 1:13, 14) Ba ba’é be sitame te éyoñe jia ya biyoñe bise, fo’o ve éyoñe ba wulu ba’aba’a a Zambe akekui awu, nge ôsusua na, beta njuk a taté.Beé. 4:30; Nli. 7:2-4.