Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngone lale 2016

Jé Kalate Zambe a jô?

Jé Kalate Zambe a jô?

Za, nge ke na, jé é ne Diable?

YE WO YE JÔ na Diable a ne . . .

  • Nsisim?

  • Ndeme ja liti na, môt a ne mbia môt?

  • Jôme môt a nga ve’e befe’e na é ne?

JÔME KALATE ZAMBE A JÔ

Diable a nga laan a Yésus, a “ve’ele” fe nye. (Matthieu 4:1-4) Nde Diable a nji bo jôme môt a nga ve’e befe’e, nge ndeme ja liti na, môt a ne mbia môt. Diable a ne mbia nsisim.

JÉ ÉFE BI NE YÉ’É E KALATE ZAMBE ÉTÉ?

  • Atata’a, Diable a mbe mbamba éngele, ve “a nji bo mam me ne zôsô.” (Jean 8:44) A nga bo nlaa minsos, a bo Zambe éngana’a.

  • Beéngele befe be nga tôñe Satan éngana’a a nga bo Zambe.Nlitan 12:9.

  • Diable a maneya bo na, abui bôt é ku ndim mfa’a ya nsisim.2 Becorinthien 4:4.

Ye Diable a ne ngule ya jôé bôt?

BÔTE BÉZIÑE BA JÔ na, Diable a belane melam asu na a jôé bôt. Bôte bevok ba ko woñe na, mimbia minsisim mi ne be menyôl été. Wo simesan aya?

JÔME KALATE ZAMBE A JÔ

“Si nyô ése é jô’ô be mbia môt ate.” (1 Jean 5:19) Diable a jôé si se, ve a nji bi ngule ya jôé môt ase.

JÉ ÉFE BI NE YÉ’É E KALATE ZAMBE ÉTÉ?

  • Diable a belan ate’e ya minsôn asu na, a jôé bia.2 Becorinthien 11:14.

  • Mbia nsisim a ne nyine nyôle be môt, a bo môt ate aval a nye’e.Matthieu 12:22.

  • A ngule Zambe, ô ne kui na, ô ‘wosane Diable.’Jacques 4:7.

 

NGE WO KOMBÔ YEM ABUI MAM

MBAMBA MEFOÉ M’ASO BE ZAMBE!

Amu jé Zambe a jô’é na abé a minjuk mi kui?

Abé é nga taté aya, a Amu jé Zambe a nga jô’é na minjuk mi ke ôsu? Ye minjuk mi aye fo’o man môse éziñ?