Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngone lale 2016

A bisoé—Ye mi ntoo nkômesane ya duban?

A bisoé—Ye mi ntoo nkômesane ya duban?

“Za ya be mia, nge a kômbô lôñe nkum, a bo te taté tabe si asu ya bo metañe ya moné a yian ésaé te, a yene nge a bili abime da ye bo na ésaé te é man.”LUC 14:28, Mfefé Nkôñelan.

BIA: 120, 64

Ayé’é di, a di da tôñe valé, ma ye dañe fombô bisoé bia kômbô duban

1, 2. (a) Jé ja ve bebo bisaé be Yéhôva mevak melu ma? (b) Aval avé bebiaé be ne Bekristen, a bemvendé be ne volô bisoé na, bi tu’a yem atinane ya mbatizô?

MVENDÉ é nga jô Christopher a bili mimbu 12 na, “Ô nga bialé ma mis été, a ma wô’ô mvaé amu wo nyoñe ntyi’ane ya duban. Ve ma kômbô sili wo na, ‘Amu jé wo nyoñe ntyi’an ôte?’” Mvendé éte, é mbe é bili benya beamu ya sili nsili te. Mbu ôse, bi bili abui mevak éyoñe bia yene betoyini bisoé bia dubane si se. (Ecclésiaste 12:1) Ve bebiaé be ne Bekristen, a bemvendé ya akônda, ba kômbô tu’a yemelane nge, ntyi’an ésoé ja nyoñe na a duban, wo so nye nlem été a na, a kôme yeme jame da tinane na, e nyoñe mbatizô.

2 Kalate Zambe a liti bia na, e ve émiene ngumba be Zambe a e duban a ne atata’a ya mfefé ényiñ asu Kristen. Mfefé ényiñ ôte wo ye fo’o so nye bibotane bi Yéhôva, ve jame da a ye fe tôban étibila’a é so’o be Satan. (Minkana 10:22; 1 Pierre  5:8) Jôme te nje bebiaé be ne Bekristen, ba yiane nyoñ éyoñe ya ye’ele bone bap jame da tinane fo’o na, e bo ñyé’é Krist. Éyoñe bisoé bi nji bi bebiaé be ne Bekristen, bemvendé ya akônda ba ye volô bie a mbamba nlem. Mboan ôte wo ye volô bisoé na, bi yem atinane ya e ve bebiene ngumba be Yéhôva a e duban. (Lañe Luc 14:27-30.) Avale môt a kômesan éyoñ a kômbô lôñe nda, avale te da, asu na bisoé bi wulu ba’aba’a a Yéhôva “akekui asu’ulan,” bia yiane nyoñ éyoñe ya kômesan ôsusua na bia duban. (Matthieu 24:13) Ve jé ja ye volô bisoé na, bi nyoñe ntyi’ane ya kañe Yéhôva nnôm éto? Bi tame de zu yen.

3. (a) Mejô me Yésus a ma me Pierre, ma ye’ele bia jé mfa’a ya mfi ya mbatizô? (Matthieu 28:19, 20; 1 Pierre 3:21) (b) Bia zu yene biyalane ya minsili mivé, a amu jé?

3 Ye ô ne ésoé ja kômbô duban? Nge nalé, a ne mbamba nsôñan! A ne fo’o beta jam, éyoñe wo duban ane Ngaa Yéhôva. Mbatizô ô ne jame Kristene ja yiane bo. Ô ne fe beta jam asu bôte ba ye dañe beta njuk. (Matthieu 28:19, 20; 1 Pierre 3:21) Éyoñe wo duban, wo liti na ô boya ngaka’a na, wo ye kañe Yéhôva nnôm éto. Mbôle wo kômbô fo’o tôé ngaka’a éte, minsili mi, mia ye volô wo na, ô yeme nge ô nto ve duban: (1) Ye me ntoo abim étôtôlô éziñ aval é ne na, me ne nyoñe ntyi’an ôte? (2) Ye me bili fo’o nkômbane ya bo de? (3) Ye ma wô’ô fo’o jôme ja tinane na, e ve mamiene ngumba be Yéhôva? Bi tame zu fase minsili mite.

ÉYOÑ Ô NTOO ABIM ÉTÔTÔLÔ ÉZIÑ

4, 5. (a) Amu jé mbatizô ô nji bo ve asu benya bôtô? (b) E bo étôtôlô a tinan aya asu Kristen?

4 Kalate Zambe a nji ve ngumba abime mimbu môt a yiane duban. Nde fe a nji jô na, mbatizô ô ne fo’o ve asu benya bôtô. Bia lañe kalate Minkana 20:11 na: “Ja’ane mongô a liti avale môt a né, a mboane mame wé, nge ésaé jé é ne mvo’é, a nge é ne zôsô.” Nde ja’a mongô, a ne yem jé é ne mvaé a jé é ne abé, a ne fe ve émiene ngumba be Nté wé. Nde ñhe, mbatizô ô ne jam é ne mfi, a di da yian asu ésoé ja liti na, é ne étôlôlô, a na é veya ébiene ngumba be Yéhôva.Minkana 20:7.

5 Jé ja tinane ñhe na, e bo étôtôlô? E bo étôtôlô a nji tinane ve na, ô yaé a bo ôkala éziñ. Kalate Zambe a jô na, bôte be ne bitôtôlô be “mbili ngule ya yemelan” nsela’ane a ne zañe jôm é ne abé a ji é ne mvaé. (Behébreu 5:14, Mfefé Nkôñelan) Môt a ne étôtôlô, a yeme jé é ne mvaé mise me Yéhôva, a nyoñe fe ntyi’ane nleme wé été na, a bo de. Jôm éziñ é vo’o ke ji’a bo nye na, a bo mam me ne abé, a viane ve ngul ése na, a bo mam me ne mvaé. A nji yange kom ése na, môt mfe a kate nye na a bo jam é ne mvaé. Da yiane fo’o na, ésoé ja kômbô duban, é bo mam me ne mvaé, ja’a bebiaé bé nge bôte befe, be nji bo a nye.—Ve’e a Bephilippien 2:12.

6, 7. (a) Tame kate bia minju’u Daniel a nga tôbane mie e Babylone? (b) Aval avé Daniel a nga liti na, a ne étôtôlô?

6 Ye ésoé é ne fo’o liti aval étôtôlô te?  Yene éve’ela Daniel. A mbe a yiane bo mpkwa’a ndôman, éyoñe be nga vaa nye mo bebiaé bé na, ba lôme nye Babylone. Daniel a nga tem, a nga nyiñ ézezañe bôte be nji tôñe metiñe me Zambe. Nteba’ané été Daniel. Be mbe be nyoñe nye ngumba aval éziñ e Babylone. A mbe nsamba bendôman be nga top, asu na be saéane njôô bôt. (Daniel 1:3-5, 13) Bi ne jô na, Daniel a mbe a bili beta éto e Babylon a lôté ji a mbe ve bi ayoñ Israël.

7 Nde, jé mone mpkwa’a ndôman, Daniel a nga bo? Ye a nga jô’é na bôte ya Babylone be bo na, a tyendé nge ke na, be te’e mbunane wé? Momo! Kalate Zambe a kate bia na, éyoñ a mbe Babylone, Daniel a nga tyi’i “nlem été na, a ye bo te ve émien nsem,” nalé a tinane na, a ye sa’ale jôm ése é tii a évuse ékaña’a. (Daniel 1:8) Nalé a nga liti na Daniel a ne nya étôtôlô!

Ésoé é ne étôtôlô é nji bo na, éyoñ a ne Aba Éjôé a to mvôé Zambe, ve nné ane a ke kui sikôlô, a nga bo mam ya émo (Fombô’ô abeñe 8)

8. Éve’ela Daniel é ne ye’ele wo jé?

8 Éve’ela Daniel ja ye’ele wo jé? To’o ésoé é ne étôtôlô é tele minju’u été, ja ye yeme ne bip mbunane wé été. A nji bo ane jôngôlô, nnye a nyoñe nyule biôm bise bia bômane nye. A nji bo na, éyoñ a ne Aba Éjôé a to mvôé Zambe, ve nné ane a ke kui sikôlô, a nga bo mam ya émo. Ve a viane ke ôsu a wulu ba’aba’a a Yéhôva ja’a éyoñ a ne ntindane ya bo jôm é ne abé.Lañe Beéphésien 4:14, 15.

9, 10. (a) Sikôlô mbé ésoé é ne nyoñ éyoñe ja fas, aval é nga bo éyoñ é nga kandane tebe meve’ele été? (b) Atinane ya mbatizô é ne jé?

9 É ne été na, bôte bese ba bo bikop. Da kui biyoñe biziñe na, bisoé to’o benya bôtô be bo bikop. (Ecclésiaste 7:20) Ve nge wo kômbô duban, wo ye liti na ô ne fek, éyoñe wo yemelan abime nkômban ô bili na, ô tôñe metiñe me Yéhôva. Sili’i womiene na: ‘Abim avé me ba’aleya metiñe me Yéhôva?’ Tame fas aval ô nga bo éyoñ ô nga kandane tebe meve’ele été. Ye ô nga bo ngule ya nyoñe mbamba ntyi’an? Aval ane Daniel, ye môt éziñ a  tindiya wo na, ô belan atyeñe mboane mam dôé émo Satan? Éyoñ ô tele aval été te, ye ô ne ngule ya yeme jé nje nkômbane Yéhôva ô né?Beéphésien 5:17.

10 Amu jé é ne mfi na, ô yeme biyalane ya minsili mite? Amu na, biyalane ya minsili mite bi aye volô wo na, ô yene mbatizô na, ô ne fo’o beta jam. Mbatizô wo liti bôt bevo’o na, ô boya Yéhôva beta ngaka’a. Wo ka’a nye na, wo ye nye’e nye, a kañe nye, a nleme wôé ôse nnôm éto. (Marc 12:30) Môt ase a duban, a yiane nyoñe ntyi’ane na, a ye tôé ngaka’a a nga bo Yéhôva.Lañ Ecclésiaste 5:4, 5.

YE NTYI’ANE YA DUBAN WO SO WO NLEM ÉTÉ?

11, 12. (a) Jé nje môt a fas ajô ya mbatizô a yiane kôme yem? (b) Jé ja ye volô wo na, ô kôme yem ôsimesane Yéhôva a lat mbatizô?

11 Kalate Zambe a jô na, bebo bisaé be Yéhôva bese, to’o bisoé ba ye kañe nye a nleme wop ôse. (Besam 110:3) Nde, môt a kômbô duban, a yiane tabe ndi na, jame te da so nye nlem été. É ne sili na, ô kôme fas nkômban ô bili, e dañe dañe nge wo te yaé benya mejô été.

12 Nté ane wo yaé, ô yianeya yen ane bemvôé bôé béziñ, nge bôte ya nda bôte jôé ba duban. Ve tabe’e ntyele ya buni na, wo yiane duban amu ô nto ôkala éziñ, nge ke amu na, bôte bese wo yem be nga mane duban. Aval avé ô ne yeme nge ô bili ôsimesane Yéhôva a lat a mbatizô? Nyoñ éyoñe ya fas amu jé mbatizô, ô ne jam é ne mfi abui. Wo ye koon abui beamu ayé’é di a di da tôé.

13. Aval avé ô ne yeme nge ntyi’ane ya duban wo so wo nlem été?

13 Zene jia ô ne yem nge ntyi’ane ya duban wo so fo’o wo nlem été é ne na, ô fase meye’elane môé. Ye wo ye’elane Yéhôva mban? Mam mevé wo sili Yéhôva meye’elane môé? Biyalane ya minsili mite bi ne liti nge amvôé mia Yéhôva é ne ngul. (Besam 25:4) Yéhôva a wô’ô yalane meye’elane mangan a zene ya Kalate Zambe. Ô ne fe yem nge nkômbane ya subu Yéhôva bebé a kañe nye wo so fo’o wo nlem été a zene fe. Éyoñe wo fas avale wo tak ayé’é dôé. (Josué 1:8) Sili’i womiene na: ‘Ye ma bo ayé’é étame dam ya Kalate Zambe mban? Ye ma su’u ayé’é ya nda bôt?’ Biyalane ya minsili mite, bia ye volô wo na, ô yeme nge ntyi’ane ya duban wo so wo nlem été.

ATINANE YA MVEANE WO VE WOMIENE NGUMBA BE YÉHÔVA

14. Liti’i nsela’ane a ne zañ, e ve womiene ngumba be Yéhôva a, e duban.

14 Bisoé biziñe bi ne teke kôme yeme nsela’ane a ne zañ, e ve bebiene ngumba be Yéhôva a, e duban. Be ne jô na, be veya bebiene ngumba be Yéhôva, ve be ngenan teke bo nkômesane ya duban. Ye nalé a ne fo’o boban? E ve womiene ngumba be Yéhôva a ne na, wo kate Yéhôva meye’elane môé été na, wo ye kañe nye nnôm éto. Éyoñe wo duban wo liti bôte bevo’o na, ô veya womiene ngumba be Yéhôva. Nde, ôsusua na wo duban, wo yiane yem jé ja tinane ñhe na, e ve womiene ngumba be Zambe.

15. E ve womiene ngumba be Yéhôva a tinan aya?

15 Éyoñe wo ve Yéhôva ényiñe jôé, wo kate nye na, ataté éyoñe ji wo zu telé nye ôsu. Wo ka’a Yéhôva na, e kañe nye aye bo jôme ja dañe mfi ényiñe jôé. (Lañe Matthieu 16:24.) Bi nji yiane bo fianga a ngaka’a bia bo Yéhôva! (Matthieu 5:33) Aval avé ô ne liti na, ényiñe jôé é nji  beta bo éñjôé, ve é ntoo ji Yéhôva?Beromain 14:8.

16, 17. (a) Va’a éve’ane ja liti bia atinane ya e ve Yéhôva ényiñe jôé. (b) Jé môt a ve émiene ngumba be Yéhôva a kôme fo’o jô?

16 Fase éve’ane ji. Tame simesane na, nyo mvôé a dase wo metua. A kalane wo mefebe ya metua, a jô’ô wo na: “Metua wôé nyi.” Ve mvuse ya valé a nga jô wo na: “Mamiene ma ye ba’ale bidiba’a. A, ma ma ye dutu metua, sa ke wo.” Wo ye yene dase te aya? Wo ye yene môt a te bo wo dase te aya?

17 Éyoñe môt a ve Yéhôva ényiñe jé, a jô nye na: “Ma ve wo ényiñe jam. Me ntoo ngabe jôé.” Yéhôva a yiane ñhe yange na môt ate, a tôé ngaka’a a nga bo. Ve Jé é ne kui nge môt ate a taté na, a yeñ a môt a nji kañe Yéhôva asoé? Nge ke na, jé é ne kui nge môt ate a yebe ésaé ja nyoñe nye abui éyoñ aval é ne na, a nji beta bi éyoñe ya ke nkañete, nge ke bisulan? Nalé aye liti na, môt ate a nji tôé ngaka’a a nga bo Yéhôva. Aye bo ane nge émien, nnye a ba’ale bidiba’a ya metua. Éyoñe bia ve Yéhôva ényiñe jangan, bia jô nye na: “Ényiñe jam é nji beta bo éñjam, é ntoo éñjôé.” Nde, nkômbane Yéhôva ñwô wo yiane tebe ôsu kom ése, miñyiane miangane ke mvus. Mvuané Yésus, nnye a nga jô na: “Me nga so yôp, sa na me bo mam me anye’e, ve mam môt a nga lôme ma a nye’e.”Jean 6:38.

18, 19. (a) Aval avé mejô me Rose ba Christopher ma liti na, e duban a soo bibotan? (b) Ôsimesane wôé mfa’a ya mbatizô ô ne ôvé?

18 Bi ne jô ne sañesañe na, mbatizô ô ne beta ntyi’an. A ne beta jam éyoñe wo ve womiene ngumba be Yéhôva, a éyoñe wo duban. Bisoé bia nye’e Yéhôva, a bia kôme wô’ô atinane ya ve bebiene ngumba be Yéhôva, bi nji ko woñe ya ve Zambe binyiñe biap a duban. A be nji jôbane ntyi’ane be nga nyoñ. Rose, kale jangan é dubaneya a jô na: “Ma nye’e Yéhôva, a me ne bo mevak, ve éyoñe ma kañe nye. Ntyi’ane me nga dañe yeme nyoñ, ô ne ntyi’ane me nga nyoñe na, ma duban.”

19 Jé bi ne jô mfa’a Christopher, ésoé bia te yene atata’a ya ayé’é di? A yene ntyi’an a nga nyoñe na a duban a too mimbu 12 aya? A jô na a wô’ô mvaé amu a nga nyoñe ntyi’an ôte. A nga bo mpkwa’a mefan éyoñ a mbe a mbili mimbu 17. A nga bo diakon éyoñ a nga bi mimbu 18. Éyoñe ji, a nga saé e Béthel. A jô na: “Ntyi’ane ya duban ô mbe mbamba ntyi’an. Ényiñe jam é ne njalane ne lut a meva’a ya saé asu Yéhôva, a ékôane jé.” Nge wo kômbô duban, aval avé ô ne kômesan asu na ô bo de? Ayé’é da tôñe valé, da ye yalane nsili te.