Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngon awôm a baa 2017

Ye wo beta fo’o simesan?

Ye wo beta fo’o simesan?

Ye ô nga nyoñe fo’o éyoñe ya kôme lañe Nkume mmombô a bete ya bengone ya mvus? Tame ñhe yene nge ô ne yalane minsili mi:

Amu jé bebiaé be ne mintabe ba yiane fase nkobô bone bap ba dañe wôk, asu ya na be yale be mfa’a ya nsisim?

Bone benan ba yé’é nkobô ya si mi too sikôlô, a vôm ase ba ke. E yem abui minkobô a volô bone benan. Bebiaé ba yiane tu’a fas vôme bone bap be ne yaé nsisim, asu ya na, be top akônda nda bôte ja yiane ke, nge akônda da kobô nkobô wop, nge akônda da kobô nkobô ya si ba nyiñ. Bebiaé be ne Bekristen ba telé miñyiane ya nsisim mi bone bap ôsu.​—w17.05, afebe 9-11.

Éyoñe Yésus a nga sili Pierre na: “Ye wo nye’e ma a dañe biôm bi?” “biôme” bivé a mbe a jô’ô bie? (Jean 21:15)

A ne ve ane Yésus a mbe a jô’ô kos é mbe é bôô si, nge ke ésaé ya yobe kos. Mvus awu Yésus, Pierre a nga bulane ke bo ésaé a mbe a bo’o ôsusua na, Yésus a tobe nye ane ñyé’é wé, ésaé ya yobe kos. Kristen ése ja yiane tu’a fas avale ja yen asu ésaé dé.​—w17.05, afebe 22-23.

Miñye’elane mivé Kristen ja yiane taté fas nge ja kômbô kuse ngal asu ya na é kaman ébien?

A yiane fase miñye’elane mi: Ényiñ, é ne étyi mise me Yéhôva. Yésus a nji jô beyé’é bé na be kômesane minkpwaté mekôn, mfa’a ya na be kamane bebien. (Lc. 22:36, 38) Bia yiane lui minkpwaté mekône miangan, mi bo bityé ya senane si. Ényiñ é ne mfi abui a dañe biôm bi mo. Bia semé mone môte ya nleme bôte bevok, bia yiane fe ve bôte bevo’o mbamba éve’ela ya tôñ. (2 Bec. 4:2)​—w17.07, afebe  31-32.

Amu jé minkañete mi Matthieu ba Luc, a lat a atata’a ya ényiñe Yésus mia selan?

Matthieu a nga dañe kobô ajô Joseph; a kañete bia jame Joseph a nga bo éyoñ a nga wô’ô na, Marie a ne abum, éyoñ éngele a nga jô nye na, a tup, a kee nda bôte jé Égypte, a éyoñ a nga jô nye na, a beta bulane si jé. Luc ki, a nga dañe kobô ajô Marie, ane Marie a nga ke jom évuvumane jé Élizabeth, a jame Marie a nga jô éyoñe Yésus a nga li’i temple mvuse mebôk.​—w17.08, afebe 32.

Kalate Zambe a nga yiane jibi mame mevé?

Minkobô mia tyendé. Bifia, a avale bôte ba jô mam bia tyendé. Ane éyoñe ja lôt, éjôé ja dañe ngul, nje ja tyi’i nkobô bôte bese ba yiane kobô. Bôte be nga wosane nkôñelane ya Kalate Zambe minkobô bôte ba dañe wôk.​—w17.09, afebe 19-21.

Fatane nye’ane fé ja dañe befatane be nye’ane bese?

Nye’an ô tii a miñye’elane ya Kalate Zambe (agapê) ñwô ô ne fatane nye’ane ja dañe befatane be nye’ane bese. Môt a bili fulu éte a ngbwane bôte bevok. Ve a nji su’u valé, a nyume fe émiene mam, amu a sôñe mvo’é bôte bevok.​—w17.10, afebe 7.