Kele vôm ô ne lañe de

Kele sous-menu

Kele tep

Bengaa be Yéhôva

Bulu

Nkume mmombô a bete (Asu ayé’é)  |  Ngon awôm a baa 2016

Yéhôva a ya’ane ba ba jeñe nye nya njeñane

Yéhôva a ya’ane ba ba jeñe nye nya njeñane

“Nyô a zu be Zambe a yiane fo’o buni na, a ne, a na, a ne ñya’ane ya ba ba jeñe nye [nya njeñane].”BEH. 11:6.

BIA: 136, 139

1, 2. (a) Nkañ ôvé ô ne zañe nye’an a mbunan? (b) Minsili mivé bia zu fas?

BIA NYE’E Yéhôva “amu a nga taté nye’e bia.” (1 Jn. 4:19) Zene jia Yéhôva a liti na a nye’e bebo bisaé bé é ne bibotan a ve be. Nge bia nye’e Yéhôva, nalé a ye bo na mbunane wongan ô wôn, mbunan ôte wo ye ke tindi bia ve na bi yeme na a ne, wo ye fe ve bia ndi nleme na, Yéhôva a ye ya’ane ba a nye’e teke vaa nge beté.Lañe Behébreu 11:6.

2 Yéhôva a ne fo’o Zambe a ya’ane bebo bisaé bé. Mbunane wongan wo ye ke bo ngumba, éyoñ bia yeme fo’o ve na, Yéhôva a ye ya’ane bôte ba jeñe nye nya njeñane, amu “mbunan ô ne ñyemetane mam môt a to me ndi nlem.” (Beh. 11:1) Ve mbunan wo yiane fe tindi bia na, bi tabe ndi a bibotane Yéhôva a ka’ale bia. Nde ñhe, mfi ôvé bia bi éyoñe bi too ndi na Yéhôva a ye ya’ane bia? Melu mvus, aval avé Yéhôva a nga ya’ane bebo bisaé bé, a aval avé a ya’ane be melu ma? Minsili bia zu fas mmie le.

 YÉHÔVA A KA’ALE NA A YE YA’ANE BEBO BISAÉ BÉ

3. Ngaka’a fé é ne kalate Malachie 3:10?

3 Yéhôva émien a kômbô ya’ane bebo bisaé bé, ajô te a jô bia na bi jeñe bibotane bié. A jô na: “‘Tama ve’elane ma, . . .’ nalé [Yéhôva] ya minsamba mewosan a jô, ‘éyoñe te mia ye yen nge ma ye bo te dii mia mezene mendime ya yôp, a nge ma ye bo te sôé mia bibotan abui mi to te fe vôm ya futi bie.’” (Mal. 3:10, Mfefé Nkôñelan) Bia liti na, bia ve Yéhôva akéva a nlem ôse éyoñe bia jeñe bibotane bié.

4. Amu jé bi ne tabe ndi na, ngaka’a Yésus a nga bo e kalate Matthieu 6:33 ja ye tôéban?

4 Yésus a nga jô beyé’é bé na, nge be taté jeñ Éjôé Zambe, Yéhôva a ye su’u be. (Lañe Matthieu 6:33.) Ngaka’a éte ja ye tôéban teke vaa nge beté, amu bi ne tabe Yéhôva ndi. Yésus a mbe a yeme na bengaka’a be Yéhôva ba tôéban kom ése. (És. 55:11) Bia fe bi ne tabe ndi na nge bi bili ngule mbunan, Yéhôva a ye tôé ngaka’a nyi: “Me aye bo te suu wo étam mfa’a éziñ, nalé fe me aye bo te li’i wo zesé mfa’a éziñ.” (Beh. 13:5) Bi ne jô na ngaka’a nyi, a nyi Yésus a nga bo e kalate Matthieu 6:33, ba ve bia ve ndi nleme jia.

Yésus a nga liti na, beyé’é bé ba ye bi ma’an amu ba nyume bebiene mam (Fombô’ô abeñe 5)

5. Amu jé éyalane Yésus a nga ve Pierre ja yemete mbunane wongan?

5 Môs éziñ, nlômane Pierre ô nga sili Yésus na: “Bi li’iya biôm bise ve tôñe wo; ajô te bi aye nyoñe jé?” (Mt. 19:27) Yésus a nji komekane Pierre, a nga jô beyé’é bé na, ba ye bi ma’an amu be nga nyume bebiene mam.  Yésus, minlômane mié, a bizu’u bi bôte befe ba ye jôé e yôp été. Ve be bili fe ma’an méziñe den. Yésus a nga jô na: “Nyô ase a nga li’i menda, nge bobenyañ nge bekal nge ésaa nge nyia, nge bon, nge mefup amu jôé dam, a ye nyoñ a lôte ntete biôm a bife ényiñe ya nnôm éto.” (Mt. 19:29, Mfefé Nkôñelan) Bibotan beyé’é be Yésus ba bi den, bia lôte mame mese be nga nyume bebien. Nga e ne été na, den bi bili bésaa, benyia, bobejañ, bekal, a bon be ne bia dia a lôte mam bi nga ben amu Éjôé Zambe?

NDI NLEME JANGAN

6. Amu jé Yéhôva a ka’ale bebo bisaé bé na a ye ya’ane be?

6 Éyoñe Yéhôva a ka’ale bebo bisaé bé ma’an, nalé a ve be ngule nyul éyoñe ba tôbane bitibila’a. Bebo bisaé be Yéhôva be bili abui bibotane ya nsisim éyoñe ji, be too fe ndi a beta bibotan bia yange be melu ma zu. (1 Tim. 4:8) Ôwé, éyoñe bi too ndi na Yéhôva “a ne ñya’ane ya ba be ajeñe nye [nya njeñane],” mbunane wongan wo wôn.Beh. 11:6.

7. Aval avé ndi nlem é ne ane étyé ba telé je besitima?

7 Ékate mame ya nkôl, Yésus a nga jô na: “Va’an, mi dañe yene mvaé; amu mvaé mi aye yen je aye bo anene yôp: amu nalé be nga kpwe’ele bekulu mejô be mbe mia ôsu.” (Mt. 5:12) Nge ô vaa bôt ba ye bi ma’an ya ke nyiñe yôp, ba be bili ndi nleme ya nyiñe si va be bili beta amu ya ‘vak a dañe yene mvaé.’ (Bs. 37:11; Lc. 18:30) To’o bia ye nyiñe yôp, to’o bia ye nyiñe si va, ndi nleme jangan é ne yem ane “étyé ya minlem, nje é ne te famé a te bôlé.” (Beh. 6:17-20) Aval ane étyé ba telé je besitima ja volô na sitima a bo teke nyoñe mendime si éyoñ ôkôse wo vuñ, beta ndi nleme ya ma’ane ma yange bia é ne volô bia na bi bo teke tek, a na bi tebe ne bip nsisim. É ne volô bia na bi bi ngule ya jibi mbia be mam.

8. Aval avé ndi nlem é ne ve bia ngule ya bo te dañe tyelé minleme yôp?

8 Ndi nleme jangan ja ve bia ngule ya bo teke dañe tyelé minleme yôp. Yéhôva a ka’ale na a ye vaa mam ma tyelé bia minleme yôp. Ngo’o avale mvaé bia wôk éyoñe bia ‘kee Yéhôva mbe’e wongan,’ bi yeme na ‘a ye su’u bia’! (Bs. 55:22) Bi ne tabe ndi na Yéhôva a ne bo mam,“adañe mam mese bi asili nge simesan.” (Beép. 3:20) Tame fas, éfus éte é nji jô na, Yéhôva a ne bo ve abui mam, nge na a ne bo ve mam ma dañ, ve ja jô na, a ne bo mam “adañe mam mese”!

9. Aval avé bi ne tabe ndi na Yéhôva a ye botane bia?

9 Nge bia kômbô bi ma’ane me Yéhôva, bia yiane bi mbunan ô ne ngumba be nye, a bo nye mewôk. Moïse a nga jô ayoñ Israël na: “Yéhôva a ye fo’o botane wo si Yéhôva Zambe wôé a ve wo é bo ngape jôé w’aye nyoñ, nge w’aye bo ve tu’a vô’ôlô tyiñe Yéhôva Zambe wôé, mfa’a ya ve ngule ya bo atiñ ese di m’atiñeti wo môse wu. Amu Yéhôva Zambe wôé a ye botane wo, aval ane a nga tiñeti wo.” (Dt. 15:4-6) Ye ô too ndi na Yéhôva a ye botane wo nge wo ke ôsu a kañe nye? Teke vaa nge beté, ô bili beamu ya tabe de ndi.

YÉHÔVA A NGA YA’ANE BE

10, 11. Aval avé Yéhôva a nga ya’ane Joseph?

10 Kalate Zambe a nga tiliban amu mfi wongan. A bili minkañete mia liti  avale Zambe a nga ya’ane bebo bisaé bé. (Bero. 15:4) Nkañete Joseph wo liti de. Bobenyañe bé be nga kuane nye si ya Égypte, minga masa wé a nga kômbô bômbô a nye, jôm éte nje be nga wua nye nda mimbôk. Ye a nga bene Yéhôva? Momo! “Yéhôva a nga tabe be Joseph, a mvamane nye, . . . Yéhôva a nga to be nye; a mam a nga bo, me nga ke ôsu amu Yéhôva.” (Met. 39:21-23) Nté ôse a mbe a tôba’ane minjuk, Joseph a mbe a yange’e Zambe wé a ôjibi ôse.

11 Mvuse mimbu, Pharaon a nga suu nye, a bo na mon ôlo ate a bo njôo bôte baa ya Égypte. (Met. 41:1, 37-43) Éyoñe ngal a nga biaé bone bebaé, “Ane Joseph a nga yôlé ntôle mone wé jôé na, Manassé: amu a nga jô na, Zambe a volôya ma me vuan ésaé jam ése, a nda ésa wom ése. Ane a nga yôlé nyô baa jôé na, Éphraïm: Amu Zambe a fôlôya me si minju’u miam.” (Met. 41:51, 52) Yéhôva a nga nyii nda bôte Jacob a b’Égyptien béziñ amu Joseph a nga ke ôsu a wulu ba’aba’a a nye. Jé nlañ ôte wo ye’ela bia? Joseph a nga yeme na Yéhôva nnye a ya’ane nye, a na nnye a botane nye.Met. 45:5-9.

12. Aval avé Yésus a nga ke ôsu a wulu ba’aba’a a Yéhôva akusa bo meve’ele?

12 Yésus fe a nga ke ôsu a bo Yéhôva mewôk akusa bo meve’ele a nga tôbane me, jôm éte nje a nga bi ma’an. Jé é nga volô nye na a dañe meve’ele mé? Kalate Zambe a jô na: “Amu meva’a me mbe nye ôsu, a nga jibi [élé], a biasé ôson.” (Beh. 12:2) Teke vaa nge beté, Yésus a mbe mevak amu a mbe ngule ya fubu jôé Zambe. Ésa wé a nga wô’ô nye mvaé, a nga bi fe beta mimbe’e. Kalate Zambe a jô na, a nga ‘tabe si mbo nnôme ya éto njôane ya Zambe.’ A na, “Zambe fe a nga dañe bete nye yôp, ane a nga ve nye jôé, nde te de adañe jôé ése.”Beph. 2:9.

YÉHÔVA A NJI VUANE MAM BIA BO

13, 14. Aval avé Yéhôva a yene mam bia bo asu dé?

13 Bi ne tabe ndi na Yéhôva a nye’e ngul ése bia ve na bia kañe nye. A yeme mam mese me ne tyelé bia minleme yôp. A mvamane bia éyoñ bi nji beta bi moné, éyoñ ôkon, nge ke minjuk mia bo na bi kate bo nye ésaé avale da yian. Nde fe bi ne tabe ndi na, Yéhôva a nye’e a yene mam bebo bisaé bé ba bo, na be ke ôsu a wulu ba’aba’a a nye.Lañe Behébreu 6:10, 11.

14 Ba’ale’e fe na, bia fe bi ne subu “Nyô a wô’ô meye’elan” bebé a ndi nleme na a yeme minju’u miangan. (Bs. 65:2) “Esa ya mvam a Zambe ya mvolane minlem ôse” a ve bia ngule ya nlem, a ngule ya nsisim bia yi; a ne belane bobejañ. (2 Bec. 1:3) Yéhôva a wô’ô mvaé éyoñe bia tebe été bôte bevok. “Nyô a ko nzôzoé éngôngo, nnye a kôlé Yéhôva, nnye ate a ye beta ya’ane nye mbamba mboane wé ase.” (Min. 19:17; Mt. 6:3, 4) Ajô te éyoñ bia volô bôte be ne minjuk été, Yéhôva a nyoñe jam ete ane nge bia kôlé nye, a ye fe ya’ane bia. A ka’ale na a ye ya’an avale mboan ôte.

MA’AN BIA BI DEN, A MA BIA YE BI MELU MA ZU

15. Ma’ane mevé wo yange? (Fombô’ô fôtô ya atata’a ya ayé’é di.)

15 Bekristen be ne miñwo’on be bili ngule nyôl amu ba yeme ma’ane map: ‘Couronne ya zôsô . . . nje éte Tate,  zôsôa ntyi’i mejô, a ye ve be môs ôte.’ (2 Tim. 4:7, 8) Ve te wô’ô abé nge Zambe a te ve wo ndi nleme fe. Bemillion “mintômba” mi Yésus mife, be bili ndi nleme ya nyiñe si. “Ba ye vak, meva’a map me to njalan ne lut a mvo’é” e si va.Jn. 10:16; Bs. 37:11, Mfefé Nkôñelan.

16. Aval avé kalate 1 Jean 3:19, 20 a ve bia ngule nyôl?

16 Biyoñe biziñ bi ne wô’ôtan ve ane ésaé bia bo Yéhôva é nji bo abui, bi ne sili biabebien nge Yéhôva a nye’e fo’o ngule bia ve na bi bo nye ésaé. Bi ne fe buni na, bi nji yiane ma’ane méziñ me so’o be Yéhôva. Ve te bia vuane na “Zambe a dañe minlem miangan, a nnye a yeme mam mese.” (Lañe 1 Jean 3:19, 20.) A botane ngul ése bia ve na bi nyume biabebiene mam asu ésaé jé amu bia nye’e nye, ja’a biabebiene bia buni na bi nji bo mfañe jôm.Mc. 12:41-44.

17. Ma’ane mevé bi bili éyoñe ji?

17 Yéhôva a botane bebo bisaé bé akusa bo mbia biyoñe bia nyiñe bi. A jeñ a mezene mese na bebo bisaé bé be nyiñe mvo’é e Paradis ya nsisim, nté ba yange mfefé émo, éyoñe ba ye nyiñe mefo’o été mfa’a ya nsisim. (És. 54:13) Avale Yésus a nga ka’ale, Yéhôva a ya’ane bia éyoñe ji amu a kañese na bi bo bibu’a ya mbamba nda bôte jé ya nsisim, bi bili bobejañ a bekale si ése. (Mc. 10:29, 30) Nde fe na, ba ba jeñe Zambe nya njeñane ba ye nyiñe mvo’é, teke jembane jôm e mevak été.Beph. 4:4-7.

18, 19. Bebo bisaé be Yéhôva ba wô’ôtan aya éyoñ a botane be?

18 Bebo bisaé be Yéhôva ya si ése be ne kañete mbamba be mam Yéhôva a bo be. Bi tame nyoñ éve’ela Bianca ya si Jaman. A jô na: “Ma ye ke ôsu a ve Yéhôva akéva amu a volô ma éyoñe me ne minjuk été, a ne fefele jam môs ôse. Émo bia nyiñe ji é ne njet a évô. Ve éyoñe ma wulu ba’aba’a a Yéhôva, me nji ko jôm éziñe woñ. Éyoñ ése ma nyume mamiene mam, a ve ma bibotan teke lañ.”

19 Yenek fe éve’ane Paula a bili mimbu 70. A nyiñ e Canada, a bili ngul ôkon. A jô na: “Ôkon wo kamane ma na me wulu, ve ô nji kamane ma na me kañete’e. Ma belane befatane bekañete mevale meval aval ane téléfône nge nkañete ya nseñe nseñ. Asu ya na me bi ngule nyôl, me bili mone ntili a bili bifus, a asimesane ya bekalate bangan me ne lañe biyoñe biziñ. Ma loone wô na ‘Ntili wo nyi ma.’ E beme mise mangan be Yéhôva a volô na ate’e bi ne bi é ji’a man. Éyoñ ése bia tôbane njuk, Yéhôva a volô bia.” Éko éziñ na ô nji tôban avale minjuk Bianca ba Paula ba tôbane de. Ve ô ne fas biyoñ bise Yéhôva a nga ya’ane wo, a biyoñ a nga ya’ane bôte ba bômane wo. E fas avale Yéhôva a ya’ane bia éyoñe ji, a aval a ye ya’ane bia melu ma zu, a ne fo’o mbamba jam!

20. Jé bia ye bi nge bia ke ôsu a kañe Yéhôva a ngule jangan ése?

20 Te vuane na, wo ye bi “beta ma’an” amu wo ye’elane Yéhôva a nlem ôse. Ô ne tabe ndi na, ‘éyoñ wo [ye] mane bo nkômbane ya Zambe, wo ye nyoñe jôm é ne ntiñetan.’ (Beh. 10:35, 36) Nde ñhe, nkelané ôsu a yemete mbunane wongan, bi saé fe a Yéhôva a ngul ése. Bi ne de bo, amu bia yeme na, Yéhôva nnye a ye ya’ane bia.Lañe Becolossien 3:23, 24.