Yaak a butadj bu dioy

Batemwe ba Yehowa

Select language Bushoong

Iket key intshik’k ntong’l a n’nshash a ngat’a ibotsh?

Iket key intshik’k ntong’l a n’nshash a ngat’a ibotsh?

Wash abok buany ane . . .

  • imuk?

  • hualang?

  • iket key iyek’dj?

 BIBLE ASH’ATOOT ANE

“Bin’a n’nshash ba bash’a ook dioy di Ntshem, bash’adikel!”Luka 11:28Nkudi muinu wa bulongolodi bupiabupia.

BIDJ I NGAANG KEY IDIK DIAWEN?

Butokatol aal i imuk i kook.Efeso 5:28, 29.

Bukaal i itshiny i kook.Efeso 5:33.

Bukaal i nkit’l mukook.—Mako 10:6-9.

 MOYI MASH’ATOOT BIBLE TAKOK’DJ AMAYESH MBE MBONY?

Ee, ikam i moyi manen mahey makuw:

  • Ntshem N’nstshian al mashin ma ibotsh. Bible ash’atoot ane: “Ibotsh ikim . . . idji diin” di Yehowa Ntshem. (Efeso 3:14, 15) Kamotsh, ibotsh yel angat, ikam mbe Yehowa n’ntshian a iyangadj. Bidj’i ngang a bwiik idik diyey?

    Bok bwany a ihow ikuw: Mbe wook hiim a biket bi diaw, mbe ulah ayeh mbok a bilaam, uul nyeny? A ikakam, ukuul moot ama bilaam.

    Mbok mintshin, ikam iyeh mbok’aal i n’nshash a ngat’a ibotsh, bia bushek aook’m Yehowa angandj malong ma ibotsh.Genese 2:18-24.

  • Ntshem a maak’atabak. Mabotsh ma buany mash’alah malong ma Dioy di Yehowa. Ikam iyey? ‘Ikam amak’a dihetsh idik diaw.’ (1 Petelo 5:6, 7) Yehowa amuk’k t’aadj bushek. Malong maan madj’i ngaang lashuw ambish a lashuw a moyi makim!Nsumuinu 3:5, 6; Yeshaya 48:17, 18.

 BWANY BWAW BU MBONY?

Iket key ikel ikam yaal n’nung a nshek a bulantsh, ngaàt a nshek al’k mbotsh a nshek?

Bible ash’akalal a muul mukuw a EFESO 5:1, 2 i KOLOSAI 3:18-21.