Aller au contenu

Aller au sous-menu

Ri shahidi ni Jehovah

Kibushi

Inu mwa Fandzaka-Ndragnahari ?

Inu mwa Fandzaka-Ndragnahari ?

An fahizanau izi...

  • dunia ni fiaragnana.

  • fandzakana an maingu.

  • raha hafa.

 VALINI BIBLU

« Ndragnahari ni maingu mbu hagnanu fandzakana tsi hu ravagna daima » (Daniel 2:44, Traduction du monde nouveau).

« Fandzaka ni duniani nivadiki fandzaka ni Tompitsika Ndragnahari ndreki ni Insa Almasi » (Révélation 11:15).

DIKANI IZI IU AMINAU

Tama reu mampatuki anau amba :

  • Misi fandzakana ni haki mahaleu magnamia anau raha tsara rangu ijoti (Isaïe 48:17, 18).

  • Fivilomana tsara, tsisi aretinyi ndreki misi fiaragnana mahampi an dunia vaovao mbu havi tsi hu ela (Révélation 21:3, 4).

 HOLU METI MATUKI RAHA VULANYI NI BIBLU ?

Iya, misi manani shingani aroyi :

  • Insa nampizaha holu raha mbu hatoni Fandzaka-Ndragnahari. Insa nampiantra mwanafundini hangataka amba Fandzaka-Ndragnahari hu havi ndreki niyani hatoni an tani etu (Matthieu 6:9, 10). Izi nampizaha karaha akori hataka iu mbu huvua vali.

    Izi tan tani tetu, Insa nampihinagna holu musari, nahadzanga holu marari, ndreki namelugnu holu nati ! (Matthieu 15:29-38 ; Jean 11:38-44). Raha natoni reu mampahita hatsaragna mbu hazun’holu lera ni izi mandzaka an Fandzaka-Ndragnahari (Révélation 11:15).

  • Raha momba duniani ijoti, mampizaha amba faviani Fandzaka-Ndragnahari fa marini. Insa fa nagnambara amba, aluha ni Fandzaka-Ndragnahari hagnanu fiadagnana an tani etu, dunia ti mbu fenu adi, musari ndreki horuhorun-tani (Matthieu 24:3, 7).

    Raha rati reu hitatsika ijoti. Fahitatsika reu mampatuki atsika amba tsi hu ela Fandzaka-Ndragnahari mbu hagnaboka dzali karaha reu djabi.

 RAHA METI DZIRENA

Mbu karaha akori fivilomana an Fandzaka-Ndragnahari ?

Biblu mamali fagnutaniana iu an PSAUME 37:29 ndreki an ISAÏE 65:21-23.