Aller au contenu

Aller au sous-menu

Ri shahidi ni Jehovah

Kibushi

Akori fahitanau Biblu ?

Akori fahitanau Biblu ?

An fahizanau izi, iu...

  • kiu nisoratan’holu misi fahizana.

  • kiu navadikin’holu.

  • kiu boka an Ndragnahari.

 VALINI BIBLU

« Soratra masinyi djabi boka an Ndragnahari » (2 Timothée 3:16, Tafaswiri ni dunia vaovao).

DIKANI IZI IU AMINAU

Biblu meti magnamia anau :

valini tsara ndreki mamparavuravu an fagnutaniana meti mampidzali an fivilomanau (Proverbes 2:1-5),

antra tsara an fivilomana kila zuva (Psaume 119:105),

tama ankitinyi ni amarai (Romains 15:4).

 HOLU METI MATUKI RAHA VULANYI NI BIBLU ?

Iya, misi manani shingani telu :

  • Vulagnanazi fagnaraka tsara. Lalahi 40 nanoratra Biblu tagnati ni mwaka 1 600. Amarozandreu tsi fankahai, fo soratrandreu fagnaraka tsara.

  • Vulagnanazi ankitinyi. Matetiki ampanoratra kiu tsi magnabuku neka tanindreu wesa an adi. Fo tsi karaha zenyi ampanoratra Biblu. Reu namosa raha rati natondreu ndreki ri havandreu (2 Chroniques 36:15, 16 ; Psaume 51:1-4).

  • Vulagnanazi havi ankitinyi. Wakati ni Babylone, fa nisi mwaka 200 taluha, Biblu nivulagna amba tanana ni Babylone mbu hu ravana (Isaïe 13:17-22). Izi fa nampahai, tsi muadeli handresiana tanana iu tu, fo ata agnaragnan’holu hangala izi iu, Cyrus ! (Isaïe 45:1-3).

    Maru raha fa nambara ni Biblu taluha tanyi fa niboka djabi, tsisi niova ata areki. Basi zenyi kamwa ro raha dasitsika an kiu boka an Ndragnahari ! (2 Pierre 1:21).

 RAHA METI DZIRENA

Karaha akori Vulagna Ndragnahari meti mahatsara fivilomanau ?

Biblu mamali fagnutaniana iu an ISAÏE 48:17, 18 ndreki an 2 TIMOTHÉE 3:16, 17.