Minter ku Konten

Saksi-Saksi Jahwe

Pilih bahasa Batak (Karo)

Uga Kegiaten Saksi-Saksi Jahwe Ibiayai?

Pendahin erberita si ilakoken kami ibiayai khususna arah sumbangen sukarela Saksi-Saksi Jahwe. Bas perpulungen kami la lit kolekte, janah kalak si reh labo iwajipken mereken perpuluhen. (Matius 10:7, 8) Tapi lit kotak sumbangen bas ingan perpulungen kami man kalak si atena mereken sumbangen. Janah gelar kalak si mereken sumbangen e la iumumken.

Salah sada alasen ngkai maka la melala kel uang keluar kami perban kalak si khotbah bas perpulungen kami la igaji. Selain si e, sanga kami erberita rumah ku rumah labo kami igaji. Ingan perpulungen kami pe sederhana.

Sumbangen si ikirimken kami ku kantor cabang Saksi-Saksi Jahwe ipake guna nampati korban bencana alam, nampati utusen injil bage pe pertua keliling, mbangun ingan perpulungen, ncetak ras ngirim Pustaka bage pe oge-ogen si debanna.

Tiap kalak banci ipilihna mereken sumbangen guna nutupi pengeluaren runggun, nampati kegiaten sebelang doni, ntah pe banci ka duana. Tiap runggun ratur erban laporen keuangen gelah banci iteh anggota runggun.